សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោមឥទ្ធិពលនៃវិបត្តិជំងឺសាកលដែលកំពុងបន្តរាតត្បាលនៅពេលបច្ចុប្បន្ននេះ បន្ទាប់ពីវិស័យទេសចរណ៍ដែលរងគ្រោះធ្ងន់ធ្ងរជាងគេសម្រាប់តែវិស័យសហគ្រាសធុនតូច និងមធ្យម ឬហៅកាត់ថា SME ក៏កំពុងជួបភាពប្រឈមខ្ពស់ ខណៈដែលរាជរដ្ឋាភិបាលបានព្យាយាមជួយជ្រោមជ្រែងយ៉ាងខ្លាំងតាមរយៈកិច្ចសហការជាមួយស្ថាប័នឯកជនក្នុងការផ្តល់កម្ចីទុនបន្ថែមជាមួយនឹងអត្រាការប្រាក់ទាបបំផុត។
យ៉ាងណាក៏ដោយ បើទោះជាមានការប្រឹងប្រែងជ្រោមជ្រែងពីសំណាក់រដ្ឋាភិបាល ក្រោមកិច្ចសហការយ៉ាងជិតស្និទ្ធជាវិស័យឯកជនក៏ដោយ ក៏នៅមាន SME ខ្លះបន្តភាពប្រឈមខ្ពស់ រហូតក្ស័យធនដោយសារសកម្មភាពអនុវត្តមិនបានត្រឹមត្រូវ ឬប្រើប្រាស់កម្ចីខុសគោលដៅ។
លោកជំទាវ ឌិត នីតា អគ្គនាយិកាគ្រឹះស្ថាន ខេមា មីក្រូហិរញ្ញវត្ថុ លីមីតធីត បានមានប្រសាសន៍នៅក្នុងកិច្ចពិភាក្សាស្ដីពី «យុទ្ធសាស្ត្រវិនិយោគសម្រាប់សហគ្រិន»កាលពីពេលថ្មីៗនេះថា នៅក្នុងបរិបទនេះ វិស័យ SME មានបញ្ហាប្រឈមជាច្រើន ពោលគឺមានទាំងបញ្ហាខាងក្នុងនៃអាជីវកម្ម និងផ្នែកខាងក្រៅនៃអាជីវកម្មដែលកំពុងដំណើរការ។ ចំពោះបញ្ហាខាងក្រៅអាជីវកម្ម មានដូចជា ភាពមិនច្បាស់លាស់ និងការបិទខ្ទប់ជាដើម ដែលទាំងនេះគឺបញ្ហាប្រឈមផ្នែកខាងក្រៅអាជីវកម្ម។ ដោយឡែកសម្រាប់បញ្ហាខាងក្នុងក្នុងអាជីវកម្មរួមមានដូចជា វិបត្តិរំហូរសាច់ប្រាក់ ការធ្លាក់ចុះនៃតម្រូវការទីផ្សារ ឬសេវាកម្មជាដើម។
លោកជំទាវ ឌិត នីតា បានមានប្រសាសន៍បញ្ជាក់ថា ៖
«ដោយឡែកសម្រាប់តែបញ្ហាប្រឈមក្នុងអាជីវកម្ម ភាគច្រើន យើងឃើញថា សហគ្រិន និងអ្នកធ្វើអាជីវកម្មមួយចំនួនមានបញ្ហាលំហូរសាច់ប្រាក់ ដោយសារមានការរំខានដល់ផលិតផល និងសេវាកម្ម ដែលមិនអាចលក់ស្របតាមផែនការទីផ្សារ និងការធ្លាក់នៃតម្រូវការទីផ្សារ ដែលធ្វើឱ្យមានបញ្ហាដល់លំហូរសាច់ប្រាក់។ បញ្ហាប្រឈមមួយទៀតដែរ គឺបំណុល ព្រោះនៅពេលដែលមានបញ្ហាលំហូរសាច់ប្រាក់ គឺលទ្ធភាពនៃការសងត្រឡប់ ដើម្បីទូទាត់ទៅនឹងបំណុលអាជីវកម្មគឺមានបញ្ហា»
លោកជំទាវបន្តថា
«ជាទូទៅ អ្វីដែលយើងជួបប្រទះពាក់ព័ន្ធនឹងបញ្ហាបំណុល ប្រសិនបើគាត់ (ម្ចាស់អាជីវកម្ម) ប្រើប្រាស់ត្រូវគោលដៅ គឺមិនសូវមានបញ្ហា ក្នុងការមានលទ្ធភាពសងត្រឡប់មកវិញនោះទេ។ ប៉ុន្តែអាជីវកម្មមួយចំនួន នៅពេលគាត់ដាក់ស្នើសុំ ឬសិក្សាពីអាជីវកម្ម A ហើយពេលពួកគាត់ទទួលបានប្រាក់កម្ចី បែរជាយកប្រាក់កម្ចីទៅប្រើប្រាស់លើអាជីវកម្ម B ដែលមិនមែនជាកម្មវត្ថុនៃការផ្តល់កម្ចី ដូច្នេះធ្វើឱ្យលទ្ធភាពសងត្រឡប់ជួបប្រទះបញ្ហានៅពេលមានវិបត្តិ»
បន្ថែមពីនេះ អ្វីដែលជាកត្តារួមផ្សំ ដែលជំរុញឲ្យ SME មួយជួបភាពប្រឈមក្រៅពីបញ្ហាដូចដែលបានលើកឡើងខាងលើនេះ បញ្ហាសុខមាលភាពរបស់បុគ្គលិកក៏ជាមូលហេតុបង្កផងដែរ ព្រោះនៅពេលដែលបុគ្គលិកម្នាក់ ឬពីរនាក់ឆ្លងជំងឺ គឺតម្រូវឱ្យការធ្វើចត្តាឡីស័កមួយ ឬពីរ department (នាយកដ្ឋាន) តែម្តង ដូច្នេះ ចង់ ឬមិនចង់វានឹងធ្វើឱ្យមានការរំខានដល់ប្រតិបត្តិការអាជីវកម្ម។
បញ្ហាប្រឈមមួយទៀត គឺការផ្លាស់ប្តូររបត់ការងារ ពីការងារប្រើប្រាស់ដោយដៃ ទៅជាប្រើប្រាស់បច្ចេកទេស និងប្រព័ន្ធឌីជីថលក្នុងការធ្វើការងារ។ សហគ្រិមួយចំនួន ក៏ដូចជា SME (សហគ្រាសធនតូច និងមធ្យម) មួយចំនួន មិនមានការត្រៀមខ្លួនរួចរាល់ក្នុងការផ្លាស់ប្តូរ ទៅប្រើប្រាសរបត់ថ្មីនៃប្រព័ន្ធឌីជីថលនៅឡើយនោះទេ ដូច្នេះចំណុចនេះក៏ជាកត្តារួមផ្សំដែលបង្កើតជាបញ្ហាប្រឈមចំពោះវិស័យ SME ផងដែរ។
យ៉ាងណាក៏ដោយ ជាទស្សនៈរបស់ស្ថាប័នគ្រឹះស្ថានមីក្រូហិរញ្ញវត្ថុ គឺនៅតែបញ្ចេញឥណទានសម្រាប់ចូលរួមជាមួយរាជរដ្ឋាភិបាល ក្នុងការស្រោចស្រង់ និងគាំទ្រដល់វិស័យ SME ដែលស្ថិតនៅក្នុងលក្ខខណ្ឌត្រឹមត្រូវ និងតម្លាភាព។
លោកជំទាវ ឌិត នីតា បានបញ្ជាក់យ៉ាងដូច្នេះថា ៖
«យើងនៅតែបញ្ចេញឥណទាន ប៉ុន្តែបទពិសោធន៍ដែលយើងទទួលបាន គឺអាជីវកម្មមួយចំនួនលើកឡើងថា អត់មានតម្រូវការសាច់ប្រាក់ ដោយសារស្ថានភាពនេះមិនមានភាពច្បាស់លាស់ ដូច្នេះគាត់មិនហ៊ានខ្ចីឥណទានមកប្រើប្រាស់នោះទេ ហើយអាជីវកម្មមួយចំនួនមិនមានលទ្ធភាពខ្ចីបន្ថែមទៀត។ នៅពេលដែលយើងសិក្សាថា គាត់មិនមានលទ្ធភាពខ្ចីបានតទៅទៀតទេ ក៏យើងមិនអាចទម្លាក់ដើមទុនបន្ថែម ដើម្បីបង្កើនបំណុលដល់គាត់ដែរ ដូច្នេះលទ្ធភាពសងរបស់គាត់មានបញ្ហា និងមិនអាចទទួលបានទុនបន្ថែមនោះទេ»
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content