សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ក្រុមហ៊ុន RMA AUTOMOTIVE (CAMBODIA) CO.,LTD. បានប្រកាសវិនិយោគលើការបង្កើតរោងចក្រផ្គុំ និងតម្លើងរថយន្ត Ford (ផលិត ចែកចាយ លក់ និងសេវាកម្ម) នៅក្នុងខេត្តខេត្តពោធិ៍សាត់។ នេះបើយោងតាមរដ្ឋបាលខេត្តពោធិ៍សាត់។
ក្រុមប្រឹក្សាជាតិអភិវឌ្ឍន៍កម្ពុជា / គណៈកម្មាធិការវិនិយោគកម្ពុជា នៅថ្ងៃទី១៤ ខែកញ្ញា ឆ្នាំ២០២១ បានរៀបចំកិច្ចប្រជុំមួយ ដើម្បីពិភាក្សាលើគម្រោងវិនិយោគរោងចក្រផ្គុំ និងតម្លើងរថយន្ត (ផលិត ចែកចាយ លក់ និងសេវាកម្ម) របស់ក្រុមហ៊ុន RMA AUTOMOTIVE (CAMBODIA) CO.,LTD. ពោលគឺរថយន្ត Ford Renger និងរថយន្ត Ford Everes។ កិច្ចប្រជុំនេះធ្វើឡើងតាមរយៈប្រព័ន្ធនិម្មិត (ZOOM) ដោយបានការចូលរួមពី ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងគណៈកម្មការអន្តរក្រសួង ស្ថាប័ន របស់ក្រុមប្រឹក្សាជាតិអភិវឌ្ឍន៍កម្ពុជា/គណៈកម្មាធិការវិនិយោគកម្ពុជា។
ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានមានប្រសាសន៍ថា ក្រោមការដឹកនាំដ៏ត្រឹមត្រូវ និងប៉ិនប្រសប់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា សម្តេចបានធ្វើឱ្យមាតុប្រទេសមានការអភិវឌ្ឍ និងរីកចម្រើនជាលំដាប់ ជាពិសេសនិយាយជារួម និងនិយាយដោយឡែក ខេត្តពោធិ៍សាត់ត្រូវបានទទួលនូវមរតកអមតះជាច្រើន ដែលថ្ងៃនេះទទួលបាននូវមរតកថ្មីមួយបន្ថែមទៀត គឺរោងចក្រផ្គុំ និងតម្លើងរថយន្ត Ford ក្នុងស្រុកក្រគរ នៃខេត្តពោធិ៍សាត់។
ឯកឧត្តមមានក្ដីសង្ឃឹមយ៉ាងមុតម៉ាំថា តាមរយៈរោងចក្រនេះ នឹងបង្កើនសក្ដានុពល និងភាពទាក់ទាញវិនិយោគបន្ថែមនៅក្នុងទឹកដីនៃខេត្តពោធិ៍សាត់ ដែលជាការចូលរួមលើកកម្ពស់នូវជីវភាពរបស់ប្រជាពលរដ្ឋក្នុងខេត្ត កាត់បន្ថយភាពក្រីក្រ ជាពិសេសអាចទទួលបាននូវការស្រូបយកទីផ្សារពលកម្ម ដែលទាំងអស់នេះគឺជាការចូលរួមចំណែកយ៉ាងធំធេងក្រោមម្លប់នៃសន្តិភាព ទើបមានការអភិវឌ្ឍនៅលើទឹកដីនៃមាតុភូមិ ក៏ដូចជាខេត្តពោធិ៍សាត់ផងដែរ។ សូមបញ្ជាក់ផងដែរថា រោងចក្រផលិតរថយន្ត Ford ស្ថិតក្នុងភូមិសាវ័ន ឃុំស្នាអន្សា ស្រុកក្រគរ អាចស្រូបយកកម្លាំងពលកម្ម បានប្រមាណ៥០០នាក់ សម្រាប់ខ្សែចង្វាក់ផលិតកម្ម ឆ្លើយតបទៅនឹងតម្រូវការទីផ្សារក្នុងស្រុក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
រយៈពេលប្រមាណ១ឆ្នាំ គម្រោងសំណង់ដែលទទួលបានលិខិតអនុញ្ញាតទូទាំងខេត្តពោធិ៍សាត់មានចំនួន ៥៥គម្រោងគិតជាទឹកប្រាក់ជាង១៦លានដុល្លារ
ឱកាសពិសេស ! ក្រុមហ៊ុន RMA បញ្ចុះតម្លៃរថយន្តថ្មីនាំចូលពីអាម៉េរិក ៣ ប្រភេទ ៖ JEEP , RAM 1500 និង FORD RAPTOR F150
Account
Security
Favourite Content