ក្នុងនាមជាពាណិជ្ជករដែលប្រាថ្នាជោគជ័យយូរអង្វែង គួរកុំចង់មានលឿនពេក

ភ្នំពេញ ៖ ពីសម័យកាលមួយទៅសម័យកាលមួយ វប្បធម៌នៃការធ្វើជំនួញ (រកស៊ី) បានវិវត្តខ្លួនឥតឈប់ឈ ខណៈដែលការផ្លាស់ប្ដូរទាំងអស់នោះបានកើតចេញពីកត្តាផ្សេងៗគ្នាជាច្រើន ក្នុងនោះអាចមកពីភាពជឿនលឿននៃរបត់សង្គម ការជ្រាបចូលនៃវប្បធម៌លោកបរទេស ក៏ដូចជាកម្រិតនៃការយល់ដឹងរបស់ប្រជាជនទូទៅផងដែរ។

បណ្តាពាណិជ្ជករដែលកំពុងមានសកម្មភាពនៅលើទីផ្សារនាពេលបច្ចុប្បន្នបានលើកឡើងថា វាជារឿងមួយល្អប្រសើរដែលអ្នករកស៊ី ក៏ដូចជាអ្នកធ្វើជំនួញនៅពេលបច្ចុប្បន្ននេះមានភាពឆ្លាតវៃក្នុងការបង្កើតបណ្ដាញទំនាក់ទំនងដោយផ្ទាល់ និងដោយប្រយោជន៍ជាមួយមនុស្សជុំវិញខ្លួន ជាពិសេសមនុស្សដែលស្ថិតនៅក្នុងវិស័យរួមគ្នា ក៏ប៉ុន្តែមានចំណុចមួយក្នុងចំណោមចំណុចជាច្រើនទៀតដែលអាចនាំពួកគេឱ្យឈានទៅរកភាពជោគជ័យយូរអង្វែងនោះគឺការខ្វះភាពអត់ធ្មត់ ខណៈដែលចរិតលក្ខណៈនៃកង្វះខាតការអត់ធ្មត់នេះបានចាក់ចូលជ្រៅទៅក្នុងផ្នត់គំនិតអ្នករកស៊ីមួយចំនួនទៀត ជាពិសេសអ្នករកស៊ីវ័យក្មេង (ថ្មីថ្មោង) ជាហេតុធ្វើឱ្យជំនួញមិនអាចឈរជើងបានយូរ។

លោកបណ្ឌិត ធួន ស៊ីណាន ម្ចាស់ផលិតផលថ្នាំពណ៌ Temple Paint និងជាអ្នកជំនួញក្នុងវិស័យផ្សេងៗទៀតបានមើលឃើញពីចំណុចមួយចំនួនដែលអ្នករកស៊ីបច្ចុប្បន្ននេះគួរតែយកចិត្តទុកចិត្តដាក់ និងពង្រឹងឡើងវិញឱ្យបាន។

ជាមួយនឹងបទពិសោធន៍ក្នុងនាមជាអ្នកធ្វើជំនួញអស់រយៈពេលជាង១០ឆ្នាំ លោកបណ្ឌិត ធួន ស៊ីណាន បានមានប្រសាសន៍ថា ៖

“អ្វីដែលខ្ញុំមើលឃើញ អ្នករកស៊ីនាពេលបច្ចុប្បន្ននេះ ជាពិសេសអ្នករកស៊ីថ្មីថ្មោង និងមានវ័យក្មេង គឺពួកគាត់ចង់មានលឿនពេក ចូលចិត្តចម្លងអ្វីដែលគេមានស្រាប់រួចហើយ និងងប់ងល់ច្រើនជាមួយវប្បធម៌បរទេស ដោយមិនសិក្សាស្វែងយល់ពីតម្រូវការពិតប្រាកដក្នុងស្រុកនោះឡើយ”

លោកបន្ថែមថា ៖

“បច្ចុប្បន្ននេះ អ្នកជំនួញភាគច្រើនមានទុនរកស៊ីស្រាប់ៗ ហើយពួកគេតែងតែព្យាយាមបោះជំហានធំៗ ក្ដូងក្ដាំង ត្រឹមតែមួយរយៈពេលខ្លី ហើយ ក៏ស្ងាត់បាត់ទៅវិញ។ ម្យ៉ាងទៀត ពួកគេមួយចំនួនទៀតមិនមានអត្តសញ្ញាណ (Identity) ផ្ទាល់ខ្លួន ហើយចេះតែទោរទន់ទៅរកទំនោរនេះបន្តិច នោះបន្តិច ដែលមិនយូរមិនឆាប់ ពួកគេនឹងដើរដល់ផ្លូវមួយដែលបាត់បង់អ្វីដែលជាខ្លួនឯង”

លោកបណ្ឌិតបានបន្តឱ្យដឹងថា ជំនួសឱ្យទម្លាប់ចង់មាន ចង់បានលឿនពេកនេះ អ្នករកស៊ីគួរតែពង្រឹងខ្លួនឱ្យទៅជាមនុស្សដែលចង់ចេះចង់ដឹង និងស្វែងរកគំនិតថ្មីៗ ប្រកាន់ខ្ជាប់នូវការអត់ធ្មត់ ធ្វើការសម្រេចចិត្តដោយឆ្លងកាត់តាមដំណាក់កាលពិចារណាត្រឹមត្រូវ ព្រោះថាទោះជាមានលុយក្នុងការរកស៊ី ក៏មិនប្រាកដថាអាចជោគជ័យបាននោះដែរ។ ជាក់ស្ដែង មិនថាចំពោះមុខជំនួញប្រភេទណានោះទេ វាសុទ្ធតែត្រូវការការសិក្សា ស្វែងយល់ឱ្យបានច្បាស់ពីទីផ្សារ និងការប្រកួតប្រជែង ដើម្បីជាជំនួយជួយឱ្យរកឃើញពីចំណុចចន្លោះប្រហោង ហើយបំពេញបន្ថែមនូវចំណុចវិជ្ជមានចូលទៅក្នុងផលិតផលខ្លួន។

លោកបណ្ឌិត ធួន ស៊ីណាន បានបញ្ជាក់ថា ៖

“ចំណុចមួយទៀតដែលអ្នករកស៊ីទូទៅគួរគិតពិចារណាដែរនោះ គឺការប្រកួតប្រជែង ដែលវាតែងតែកើតមានឡើងគ្រប់រូបភាព ប៉ុន្តែយ៉ាងណាក៏ដោយ សម្រាប់អ្នករកស៊ីគួរតែប្រកួតប្រជែងទៅលើគុណភាពទំនិញ និងភាពស្មោះត្រង់ មិនមែនប្រកួតប្រជែងដោយតម្លៃ និងការប៉ែងជើងគ្នានោះឡើយ”

ជាមួយគ្នានេះផងដែរ លោកក៏បានក្រើនរំលឹកឱ្យអ្នករកស៊ីនាពេលបច្ចុប្បន្នគួរបង្វែរការចាប់អារម្មណ៍មកបង្កើតម៉ាកផលិតផល (Brand) ផ្ទាល់ខ្លួន បង្កើតអត្តសញ្ញាណផ្ទាល់ខ្លួន និងលើកតម្កើងអត្តសញ្ញាណជាតិខ្លួនផងដែរ ជៀសវាងចម្លងយកពីគេធ្វើជាអត្តសញ្ញាណរបស់ខ្លួន ហើយធ្វើការប្រកួតប្រជែងនៅលើទីផ្សាររួមដោយគ្មានភាពស្មោះត្រង់៕

កញ្ញា សាន ស្រីនិច | Ms. San Sreynich

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

អ្នកជំនាញអះអាងថា បំណុលសាធារណៈកម្ពុជាប្រមាណជាង ១៣ ពាន់លានដុល្លារ ស្ថិតនៅកម្រិតហានិភ័យទាប

ព្រឹត្តិការណ៍, ហិរញ្ញវត្ថុ

• 13/03/2026

គិតត្រឹមដំណាច់ឆ្នាំ ២០២៥ កន្លងទៅនេះ សា្ថនភាពបំណុលសាធារណៈរបស់កម្ពុជាមានប្រមាណ ១៣,០៥ ពាន់លានដុល្លារអាម៉េរិក ប៉ុន្តែចំនួននេះត្រូវបានអ្នកជំនាញសេដ្ឋកិច្ចវាយតម្លៃថា ស្ថិតនៅក្នុងភាពអាចគ្រប់គ្រងបាន ពោល គឺនៅតែមានចីរភាព និងហានិភ័យទាបនៅឡើយ។

លោក សុខ វឿន ត្រូវបានជ្រើសតាំងជាប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា សម្រាប់អាណត្តិឆ្នាំ២០២៦-២០២៧

ព្រឹត្តិការណ៍, ហិរញ្ញវត្ថុ

• 12/03/2026

លោក សុខ វឿន ប្រធាននាយកប្រតិបត្តិគ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ត្រូវបានទទួលសេចក្ដីទុកចិត្តពីសមាជិក និងជ្រើសរើសតាំងជាប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា (CMA)

«យុទ្ធសាស្ត្រជាតិស្តីពីការអភិវឌ្ឍធុរកិច្ចថ្មី ២០២៦-២០៣០» ត្រូវបានភាគីពាក់ព័ន្ធលើកយកមកពិគ្រោះមុនធ្វើសេចក្ដីព្រាង

ព្រឹត្តិការណ៍, អាជីវកម្មថ្មី និងនវានុវត្ត

• 12/03/2026

ការបង្កើតតំបន់សេដ្ឋកិច្ចពិសេស ផ្ដល់ប្រយោជន៍ដល់ពលរដ្ឋ និងអំណោយផលដល់អចលនទ្រព្យដែលធ្លាប់តែស្ងប់ស្ងាត់

ព្រឹត្តិការណ៍, សេដ្ឋកិច្ច

• 12/03/2026

ការបង្កើតតំបន់សេដ្ឋកិច្ចពិសេស ឬសួនឧស្សាហកម្មនៅតាមបណ្ដារាជធានី-ខេត្ត បានផ្ដល់នូវអត្ថប្រយោជន៍យ៉ាងធំធេងដល់សេដ្ឋកិច្ចជាតិ និងសង្គម រាប់ចាប់តាំងពីតម្រូវការប្រើប្រាស់ដីធ្លី ការផ្ដល់ឱកាសការងារដល់ពលរដ្ឋ

កម្ពុជា នឹងនាំចេញគ្រាប់ស្វាយចន្ទីសំបកតម្លៃប្រមាណ ៣៥លានដុល្លារក្នុងដំណាក់កាលដំបូង ឆ្នាំ២០២៦

ព្រឹត្តិការណ៍, សេដ្ឋកិច្ច

• 12/03/2026

កម្ពុជា នឹងនាំចេញគ្រាប់ស្វាយចន្ទីសំបកប្រភេទ M23 តម្លៃប្រមាណ ៣៥លានដុល្លារ ក្នុងដំណាក់កាលដំបូង និងគ្រោងពង្រីកការនាំចេញឱ្យបាន ៤០០ លានដុល្លារនៅពេលអនាគត

ម្ចាស់សហគ្រាសក្នុងស្រុកទទួលស្គាល់អំពីផលប៉ះពាល់ដល់ផលិតកម្មដោយសារការឡើងថ្លៃប្រេង

Top News, ព្រឹត្តិការណ៍, សេដ្ឋកិច្ច

• 12/03/2026

ម្ចាស់សហគ្រាសផលិតក្នុងស្រុកមួយចំនួនបាននាំគ្នាសម្តែងក្តីបារម្ភពីបញ្ហាប្រេងឡើងថ្លៃ ដែលអាចប៉ះពាល់ដោយផ្ទាល់ដល់ចង្វាក់ផលិតកម្មរបស់ខ្លួន និងប្រឈមចំណាយថ្លៃដើមកាន់តែខ្ពស់

កម្ពុជាកំពុងពន្លឿនបរិវត្តកម្មឌីជីថល ខណៈថ្នាក់ដឹកនាំក្នុងវិស័យទូរគមនាគមន៍ក្នុងតំបន់ជួបជុំគ្នានៅភ្នំពេញ

ព្រឹត្តិការណ៍, សេដ្ឋកិច្ច

• 12/03/2026

កម្ពុជា បាននិងកំពុងបង្កើនកិច្ចខិតខំប្រឹងប្រែង ដើម្បីពង្រឹងសេដ្ឋកិច្ចឌីជីថល និងហេដ្ឋារចនាសម្ព័ន្ធតភ្ជាប់របស់ខ្លួន ខណៈអ្នកបង្កើតគោលនយោបាយ និយតករ និងអ្នកដឹកនាំក្នុងវិស័យទូរគមនាគមន៍ បានជួបជុំគ្នានៅទីក្រុងភ្នំពេញ សម្រាប់សន្និសីទគ្រប់គ្រងវិសាលគមអាស៊ីប៉ាស៊ីហ្វិកលើកទី១២ (12th Asia-Pacific Spectrum Management Conference - APSMC)) ដោយលើកឡើងពីតួនាទីយុទ្ធសាស្ត្រនៃវិសាលគមហ្វ្រេកង់ (radio-frequency spectrum) ក្នុងការជំរុញកំណើនសេដ្ឋកិច្ច និងការអភិវឌ្ឍបច្ចេកវិទ្យា។

បណ្តាប្រទេសមួយចំនួននៅអាស៊ីកាន់តែព្រួយបារម្ភពីកង្វះខាតប្រេង និងការហក់ឡើងតម្លៃកាន់តែខ្ពស់

ព្រឹត្តិការណ៍, សេដ្ឋកិច្ច

• 12/03/2026

បណ្តាប្រទេសពឹងផ្អែកខ្លាំងលើការនាំចូលប្រេងដូចជា ប៉ាគីស្ថាន បង់ក្លាដែស ថៃ ឥណ្ឌា កូរ៉េខាងត្បូង និងនេប៉ាល់កំពុងប្រឈមមុខនឹងការរំខានការផ្គត់ផ្គង់ និងតម្លៃថាមពលខ្ពស់

អ្នកសេដ្ឋកិច្ច ៖ តម្លៃប្រេងនៅកម្ពុជានឹងធ្លាក់ចុះ ខណៈប្រេងនៅទីផ្សារសកលស្រុតថ្លៃបន្តិចមកវិញ

Top News, ព្រឹត្តិការណ៍, សេដ្ឋកិច្ច

• 11/03/2026

សេដ្ឋវិទូបានបង្ហាញពីក្ដីរំពឹងថា តម្លៃប្រេងនៅកម្ពុជា នឹងធ្លាក់ចុះស្របពេលដែលទីផ្សារថាមពលពិភពលោកមានការប្រែប្រួលយ៉ាងខ្លាំង ខណៈរដ្ឋមន្រ្តីក្រសួងរ៉ែ និងថាមពល បានអះអាងថា តម្លៃប្រេងឥន្ធនៈកម្ពុជា ពឹងផ្អែកលើថ្លៃដើមនៃការនាំចូល

ចិន បង្ហាញពិភពលោកពីស្ថិរភាពថាមពលដ៏រឹងម៉ាំទោះប្រេងឆៅឡើងលើស១០០ដុល្លារក្នុង១បារ៉ែល

ព្រឹត្តិការណ៍, អាជីវកម្មថ្មី និងនវានុវត្ត

• 11/03/2026

ឥទ្ធិពលនៃសង្គ្រាមដែលជំរុញឱ្យតម្លៃប្រេងឡើងថ្លៃមិនបានធ្វើឲ្យប៉ះពាល់ធ្ងន់ធ្ងរដល់ប្រទេសចិនដូចទៅនឹងប្រទេសផ្សេងទៀតនោះឡើយ ដោយហេតុថា ប្រទេសមហាយក្សចិន មានស្តុកប្រេងយុទ្ធសាស្ត្រយ៉ាងសន្ធឹកសន្ធាប់