ខ្លាអាស៊ីអាគេ្នយ៍ចេញមុខសម្រុះសម្រួលអ៊ុយក្រែន និងរុស្ស៊ី ខណៈពូទីនទំនងចង់ថយ

វត្តមានដំណើរទស្សនកិច្ចរបស់ប្រធានាធិបតីឥណ្ឌូនេស៊ី លោក ចូកូ វីដូដូ (Joko Widodo) ទៅកាន់ប្រទេសអ៊ុយក្រែន និងរុស្ស៊ី ក្នុងការបញ្ចុះបញ្ចូលមេដឹកនាំនៃប្រទេសទាំងពីរឲ្យរំងាប់ឥទ្ធិពលសង្គ្រាមទំនងមានប្រសិទ្ធភាពជាងវត្តមានរបស់អគ្គលេខាធិការនៃអង្គការសហប្រជាជាតិ និង កិច្ចខិតខំរបស់ប្រទេសតួកគីក្នុងពេលកន្លងមក។

លោក អង់តូនីញ៉ូ ហ្គោទែរ៉េស (Antonio Guterres) អគ្គលេខាធិការអង្គការសហប្រជាជាតិ ធ្លាប់បានទៅបំពេញទស្សនកិច្ចនៅប្រទេសអ៊ុយក្រែន និងរុស្ស៊ីកាលពីចុងខែមេសាដើម្បីបើកផ្លូវឲ្យមានការរំដោះជនស៊ីវិល និងផ្តល់ជំនួយមនុស្សធម៌ដល់ជនស៊ីវិល ប៉ុន្តែកិច្ចការទាំងនោះបានបរាជ័យ ខណៈពេលដែលរុស្ស៊ីកំពុងបង្កើនការវាយប្រហារលើប្រទេសអ៊ុយក្រែនដើម្បីគ្រប់គ្រងតំបន់សំខាន់ៗដែលខ្លួនចង់បាន។

ចំណែកប្រទេសតួកគីដែលជាសមាជិកនៃអង្គការសន្ធិសញ្ញាអាត្លង់ទិចខាងជើងហៅកាត់ថាណាតូ និងជាប្រទេសមានទំនាក់ទំនងល្អជាងគេជាងគេជាមួយប្រទេសរុស្ស៊ីក៏ធ្លាប់បានយកខ្លួនជាអ្នកសម្របសម្រួលកិច្ចចរចារកផ្លូវសន្តិភាពរវាងអ៊ុយក្រែន និងរុស្ស៊ីដែរ ប៉ុន្តែកិច្ចការប៉ុន្មានលើកចាប់ពីចុងខែមីនាដល់ខែមេសា ក៏ទទួលបរាជ័យដូចគ្នា ខណៈសង្គ្រាមដែលទើបចាប់ផ្តើមជាង១ខែប៉ុណ្ណោះ។

ពេលខ្លះ លោក វ្ល៉ាឌីមៀរ ពូទីន ដែលបានបញ្ជាឲ្យមានប្រតិបត្តិការយោធាលើប្រទេសអ៊ុយក្រែនចាប់តាំងពីថ្ងៃ២៤ខែកុម្ភៈមកនោះ ដោយសន្យាប្រើពេលយ៉ាងយូរ៣ថ្ងៃសម្រាប់ការផ្តួលរំលំរដ្ឋាភិបាលអ៊ុយក្រែនបច្ចុប្បន្ន ហាក់បង្ហាញភាពហត់នឿយដោយសារសង្គ្រាមដែលខ្លួនឯងបង្កើតឡើងនេះចេះតែអូសបន្លាយកាន់តែយូរ និងគ្មានសញ្ញាណាមួយបង្ហាញពីការឈ្នះឲ្យពិតប្រាកដតាមតំបន់ដែលខ្លួនគ្រោងទុក ដោយបន្ទោសប្រទេសលោកខាងលិចជាអ្នកជំរុញឲ្យសង្គ្រាមអូសបន្លាយ។

ស្របពេលដែលប្រទេសលោកខាងលិចដឹកនាំដោយសហរដ្ឋអាមេរិកកាន់តែរួមដៃគ្នាជួយអ៊ុយក្រែនយ៉ាងច្រើនទាំងសម្ពាធវុធទំនើបៗ និងជំនួយហិរញ្ញវត្ថុ ប្រទេសឥណ្ឌូនេស៊ីដែលជាខ្លានៅអាស៊ីអាគ្នេយ៍មិនដែលចូលដៃចូលជើងជាមួយភាគីជម្លោះណាមួយ សូម្បីតែថ្កោលទោសរុស្ស៊ី និងការដាក់ទណ្ឌកម្មសេដ្ឋកិច្ចតាមលោកខាងលិច។

យោងតាមសារព័ត៌មានរ៉យទ័រ លោកប្រធានាធិបតី វីដូដូ បច្ចុប្បន្នគឺជាប្រធាននៃវេទិកាអន្តររដ្ឋាភិបាលនៃក្រុមប្រទេសចំនួន ២០ ( G20) និងជាមេដឹកនាំមួយក្នុងចំណោមមេដឹកនាំទាំង៦ដែលអង្គការសហប្រជាជាតិបានតែងតាំងជា «ប្រធាន» នៃក្រុមឆ្លើយតបវិបត្តិសកលដែលបង្កើតឡើងដើម្បីដោះស្រាយការគំរាមកំហែងនៃភាពអត់ឃ្លាន និងទុរ្ភិក្សដែលបង្កឡើងដោយសង្រ្គាមនៅអ៊ុយក្រែន។

ដោយមិនទាន់ធ្វើសេចក្តីសម្រេចចិត្តណាមួយក្នុងការមិនអញ្ជើញលោកប្រធានាធិបតី វ្ល៉ាឌីមៀរ ពូទីនសម្រាប់ចូលរួមកិច្ចប្រជុំកំពូលនៃក្រុមប្រទេស G20 លោកលោកប្រធានាធិបតី វីដូដូ បែជាបង្កើនកិច្ចខិតខំប្រឹងប្រែងសម្រាប់ការផ្សះផ្សាររំងាប់ភ្លើងសង្គ្រាមលើទឹកដីអ៊ុយក្រែនបង្កាត់ដោយរុស្ស៊ីនោះ។

ដោយធ្វើដំណើរតាមរថភ្លើងពីប្រទេសប៉ូឡូញទៅកាន់ប្រទេសអ៊ុយក្រែន បន្ទាប់ពីបញ្ចប់កិច្ចប្រជុំជាមួយមេដឹកនាំប្រទេសឧស្សាហកម្មជឿនលឿន G7 នៅប្រទេសអាល្លឺម៉ង់ លោក ចូកូ វីដូដូ បានស្ម័គ្រចិត្តនាំយកសាររបស់មេដឹកនាំអ៊ុយក្រែនទៅប្រាប់មេដឹកនាំរុស្ស៊ី និងប្តេជ្ញាស្វះស្វែងរកបទឈប់បាញ់រវាងប្រទេសទាំងពីរ។

«បេសកកម្មរបស់ខ្ញុំគឺកសាងសន្តិភាព ពីព្រោះសង្គ្រាមត្រូវតែបញ្ឈប់ ហើយឥទ្ធិពលរបស់វាលើសង្វាក់ផ្គត់ផ្គង់ម្ហូបអាហារត្រូវតែលើកចេញ» លោក វីដូដូ បាននិយាយ ដោយត្រូវបានដកស្រង់ពីសារព៌មាន India Express ដោយបន្ថែមថា៖

“ខ្ញុំនឹងអញ្ជើញលោកពូទីនបើកកិច្ចពិភាក្សានិង (កាន់តែឆាប់តាមដែលអាចធ្វើទៅបាន) អនុវត្តបទឈប់បាញ់ និង បញ្ចប់សង្គ្រាម”

អាចជាក្តីសង្ឃឹមក្នុងការផ្សះផ្សាយភាពតានតឹងនិងបន្ថយឥទ្ធិពលសង្គ្រាមព្រមទាំងបន្ថយស្ថានការប្រឈមលើវិស័យស្បៀងអាហារ តាមទីភ្នាក់ងារព័ត៌មានរ៉យទ័រ លោក វីដូដូ បាននិយាយថា លោកបានប្តេជ្ញាចិត្តក្នុងការដោះស្រាយការកើនឡើងនៃតម្លៃអាហារ និងថាមពល និងការខ្វះខាតចាប់តាំងពីការឈ្លានពានរបស់រុស្ស៊ី។ លោកបាននិយាយថា៖

“កិច្ចខិតខំប្រឹងប្រែងទាំងអស់ត្រូវតែ ធ្វើឡើងដើម្បីធានាថាអ៊ុយក្រែនអាចបន្តការនាំចេញអាហារ”

ប្រមុខអង្គការសហប្រជាជាតិ លោក អង់តូនីញ៉ូ ហ្គោទែរ៉េស (Antonio Guterres) ដែលបរាជ័យក្នុងការផ្សះផ្សារបញ្ចប់សង្គ្រាមរវាងប្រទេសអ៊ុយក្រែន និង រុស្ស៊ី ក្នុងការបំពេញទស្សនកិច្ចទៅប្រទេសទាំងពីរកាលពីចុងខែមេសា បានអំពាវនាវជាថ្មីដល់សហការីដើម្បីរិះរកវិធីបញ្ចប់សង្គ្រាមនេះ ខណៈសង្គ្រាមនៅអ៊ុយក្រែនកំពុងផ្តល់ផលលំបាកដ៏ខ្លាំងដល់ពិភពលោក ដោយប៉ះពាល់កាន់តែអាក្រក់ឡើងៗដល់មនុស្សជាតិ១,៦ពាន់លាននាក់ ដោយផលវិបាកនោះកើតលើកសន្តិសុខស្បៀងអាហារ ថាមពល និងហិរញ្ញវត្ថុ។ នេះបើយោងតាមគេហទំព័ររបស់អង្គការសហប្រជាជាតិ។ គេហទំព័រអង្គការសហប្រជាជាតិ។

តាមរ៉យទ័រ ដំណើរទស្សនកិច្ចរបស់លោក វីដូដូ បានធ្វើឡើងនៅពេលដែលកងកម្លាំងរុស្ស៊ីបានបង្កើនការវាយប្រហារលើតំបន់ជួរមុខទូទាំងប្រទេសអ៊ុយក្រែន ហើយអង្គការណាតូបានចាត់ទុកប្រទេសរុស្ស៊ីថាជា «ការគំរាមកំហែងដោយផ្ទាល់» បំផុតចំពោះសន្តិសុខសម្ព័ន្ធមិត្ត បន្ទាប់ពីការលុកលុយរបស់ទីក្រុងម៉ូស្គូលើប្រទេសអ៊ុយក្រែន។ សម្ព័ន្ធភាពបានប្តេជ្ញាធ្វើទំនើបកម្មយោធាអ៊ុយក្រែនដែលរងរបួសដោយនិយាយថា ខ្លួនឈរនៅគ្រប់ជ្រុងទាំងបួនជាមួយទីក្រុងកៀវក្នុង «ការការពារប្រទេសរបស់ពួកគេប្រកបដោយវីរភាពអង់អាចក្លាហាន»។

ដោយបញ្ចប់កិច្ចប្រជុំកំពូលដែលគ្របដណ្ដប់ដោយភាពចលាចលផ្នែកភូមិសាស្ត្រនយោបាយដែលបណ្តាលមកពីការឈ្លានពាននោះ ណាតូបានអញ្ជើញជាផ្លូវការនូវប្រទេសស៊ុយអែត និងហ្វាំងឡង់ឱ្យចូលរួមសម្ព័ន្ធភាព ហើយបានសន្យាពង្រឹងកងកម្លាំងត្រៀមប្រយុទ្ធ និងប្រតិកម្មរហ័សនៅលើផ្នែកខាងកើតរបស់ខ្លួន ដែលនៅជិតបំផុតជាមួយប្រទេសរុស្ស៊ី។

ប្រធានាធិបតីសហរដ្ឋអាមេរិកលោក ចូ បៃដិន បានប្រកាសពីការដាក់ពង្រាយកងទ័ពនៅលើផ្លូវគោក ផ្លូវអាកាស និងសមុទ្របន្ថែមទៀតនៅទូទាំងទ្វីបអឺរ៉ុប រួមទាំងទីបញ្ជាការកងទ័ពអចិន្ត្រៃយ៍ដែលមានកងវរសេនាអមជាមួយក្នុងប្រទេសប៉ូឡូញ ដែលជាការដាក់ពង្រាយពេញម៉ោងដំបូងរបស់សហរដ្ឋអាមេរិកនៅលើព្រំប្រទល់ភាគខាងកើតរបស់ណាតូ។

សម្ព័ន្ធភាពណាតូដែលដឹកមុខដោយសហរដ្ឋអាមេរិកបាននិយាយថា ខ្លួនក៏នឹងដាក់ពង្រាយ «កងកម្លាំងត្រៀមប្រយុទ្ធនៅនឹងកន្លែងដ៏រឹងមាំ» បន្ថែមទៀតនៅលើផ្នែកខាងកើត ដោយបានពង្រីកពីក្រុមសមរភូមិដែលមានស្រាប់ រហូតដល់អង្គភាពទំហំកងពលតូច។

លោក បៃដិន បាននិយាយថា ផែនការដាក់ពង្រាយថ្មីរបស់សហរដ្ឋអាមេរិក រួមមានការបញ្ជូននាវាចម្បាំងបន្ថែមទៅកាន់ប្រទេសអេស្ប៉ាញ កងយន្តហោះចម្បាំងទៅកាន់ចក្រភពអង់គ្លេស កងទ័ពជើងគោកទៅកាន់ប្រទេសរូម៉ានី អង្គភាពការពារដែនអាកាសទៅកាន់ប្រទេសអាល្លឺម៉ង់ និងអ៊ីតាលី និងទ្រព្យសម្បត្តិជាច្រើនទៅកាន់រដ្ឋទាំងឡាយនៅតំបន់បាល់ទិក។

ជារឿយៗ ប្រទេសរុស្ស៊ីក៏បានប្តេជ្ញាឆ្លើយតបចំពោះផែនការពង្រីកសមាជិកដល់ព្រំដែនប្រទេសរបស់ខ្លួន ពីសំណាក់អង្គការណាតូ ប៉ុន្តែគេនៅមិនទាន់ដឹងថា រុស្ស៊ីនឹងធ្វើសង្គ្រាមជាមួយប្រទេសទាំងពីរនោះឬយ៉ាងណាទេ៕

លោក ហេង សុវណ្ណ | Mr. Heng Sovann

ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

វេទិកាពាណិជ្ជកម្មពហុភាគីឆ្នាំ២០២៦ ភ្ជាប់សេដ្ឋកិច្ចក្នុងស្រុកទៅសេដ្ឋកិច្ចពិភពលោក

ព្រឹត្តិការណ៍, សេដ្ឋកិច្ច

• 10/04/2026

ការរៀបចំវេទិកាពាណិជ្ជកម្មពហុភាគីឆ្នាំ២០២៦ (Multilateral Trade Forum)មានគោលបំណង ភ្ជាប់សេដ្ឋកិច្ចក្នុងស្រុកទៅសេដ្ឋកិច្ចពិភពលោក

រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 10/04/2026

យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ

៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 10/04/2026

៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤

ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក

ព្រឹត្តិការណ៍, អាជីវកម្មថ្មី និងនវានុវត្ត

• 10/04/2026

ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក

៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ

ព្រឹត្តិការណ៍, អាជីវកម្មថ្មី និងនវានុវត្ត

• 10/04/2026

ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់

កម្ពុជា – សិង្ហបុរី ចុះហត្ថលេខាលើកិច្ចព្រមព្រៀងរួមគ្នាជំរុញសន្តិសុខស្បៀង

ព្រឹត្តិការណ៍, សេដ្ឋកិច្ច

• 10/04/2026

កម្ពុជា និងសិង្ហបុរី បានចុះហត្ថលេខារួមគ្នាលើកិច្ចព្រមព្រៀងមួយដើម្បីជំរុញសន្តិសុខស្បៀងរវាងប្រទេសទាំង២

តម្រូវការសាច់ជ្រូកកើនឡើង តែតម្លៃមិនឡើង នៅក្នុងឱកាសបុណ្យចូលឆ្នាំថ្មី

ព្រឹត្តិការណ៍, សេដ្ឋកិច្ច

• 10/04/2026

ភ្នំពេញ៖ តម្រូវការសា

ADB ព្យាករថា កំណើនសេដ្ឋកិច្ចកម្ពុជាឆ្នាំ ២០២៦ នេះ នឹងកើន ៤,៥ ភាគរយ

ព្រឹត្តិការណ៍, សេដ្ឋកិច្ច

• 10/04/2026

ធនាគារអភិវឌ្ឍន៍អាស៊ី ហៅកាត់ថា ADB បានព្យាករថា កំណើនសេដ្ឋកិច្ចកម្ពុជាក្នុងឆ្នាំ ២០២៦ នេះ អាចនឹងកើនឡើង ៤,៥ ភាគរយ ក្នុងករណីស្ថានភាព នៅតំបន់មជ្ឈិមបូព៌ាធូរស្រាលឆាប់រហ័ស។

រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ

ព្រឹត្តិការណ៍, អត្ថបទពាណិជ្ជកម្ម

• 10/04/2026

ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។

ជប៉ុនគ្រោងបញ្ចេញប្រេងពីស្តុកបម្រុងសម្រាប់រយៈពេល ២០ ថ្ងៃបន្ថែមទៀត

ព្រឹត្តិការណ៍, សេដ្ឋកិច្ច

• 10/04/2026

ប្រទេសជប៉ុនគ្រោងនឹងបញ្ចេញប្រេងពីស្តុកបម្រុងសម្រាប់រយៈពេល ២០ ថ្ងៃបន្ថែមទៀតចាប់ពីខែឧសភា ដើម្បីធានាបាននូវការផ្គត់ផ្គង់ក្នុងស្រុកប្រកបដោយស្ថិរភាព ខណៈការផ្គត់ផ្គង់ពីតំបន់មជ្ឈិមបូព៌ាបន្តទទួលរងការរំខាន