សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កសិ-ទេសចរណ៍ ជាការវិនិយោគមួយក្នុងវិស័យអចលនទ្រព្យនៅប្រទេសកម្ពុជា ហើយការវិនិយោគបែបនេះ ក៏កំពុងតែមានការពេញនិយមនៅតាមបណ្ដាខេត្តមួយចំនួនដែលមានសក្ដានុពលផ្នែកកសិកម្ម ដោយអ្នកវិនិយោគបានទិញដីប្រភេទកសិកម្ម រួចហើយកែប្រែទៅជាកន្លែងកម្សាន្តសម្រាប់ទាក់ទាញភ្ញៀវទេសចរទៅទស្សនា និងអាចបង្កើតចំណូលដល់ប្រជាពលរដ្ឋក្នុងមូលដ្ឋានផងដែរ ដែលភាគច្រើនគេឃើញមាននៅខេត្តពោធិ៍សាត់ បាត់ដំបង់ មណ្ឌលគីរី កំពង់ចាម និងតាមបណ្តាខេត្តមួយចំនួនទៀត។
ជាទូទៅយើងប្រហែលជាដឹងថា កសិ-ទេសចរណ៍ជាប្រភេទទេសចរណ៍មួយដែលផ្សារភ្ជាប់ការធ្វើដំណើរកំសាន្តជាមួយនឹងកសិកម្ម។ ពាក្យ «កសិ-ទេសចរណ៍» ត្រូវបានប្រើប្រាស់ដើម្បីពិពណ៌នាសកម្មភាពទាំងឡាយណាដែលអ្នកធ្វើដំណើរទៅកសិដ្ឋាន ឬកន្លែងដែលមានរៀបចំជាទម្រងបែបកសិកម្ម ឬចូលរួមក្នុងដំណើរការកសិកម្មផ្សេងៗក្នុងគោលបំណង ដើម្បីលំហែកាយនិងកំសាន្តសប្បាយ។ សកម្មភាពក្នុងកសិទេសចរណ៍រួមមាន ការទស្សនាចំការដំណាំ ការប្រមូលផលដំណាំជាមួយកសិករ ការទស្សនាធម្មជាតិ និងសត្វព្រៃ និងសកម្មភាពដទៃទៀត ដែលផ្តល់ដល់កសិករ ឬម្ចាស់ចំការ និងកសិដ្ឋានទទួលបានប្រាក់ចំណូលបន្ថែមក្រៅពីការលក់ផលិតផលរបស់ខ្លួននៅលើទីផ្សារ។
លោក មាឃ រឹទ្ធីជ័យ ភ្នាក់ងារអចលនវត្ថុមួយរូបនៅខេត្តមណ្ឌលគីរីបានឱ្យដឹងថា នៅក្នុងខេត្តមណ្ឌលគីរី នាពេលបច្ចុប្បន្ននេះ អ្នកវិនិយោគមួយចំនួនបានងាកទៅអភិវឌ្ឍន៍ចំការដំណាំ ដូចជាចំការតែ ចំការកាហ្វេ និងចំការបឺរ ដើម្បីទទួលភ្ញៀវទេសចរសម្រាប់ទស្សនាកម្សាន្តពេលពួកគាត់មកលេងមណ្ឌលគីរី ដូច្នេះហើយតម្រូវការដីធ្លីសម្រាប់អភិវឌ្ឍន៍ កសិ-ទេសចរណ៍នៅមណ្ឌលគីរីមានកំណើនខ្ពស់។ ប៉ុន្តែមួយរយៈពេលចុងក្រោយនេះ សកម្មភាពអភិវឌ្ឍហាក់ស្ងប់ស្ងាត់បន្តិច ហើយអ្នកលក់ដីមានចំនួនច្រើនជាងអ្នកដើររកទិញដី ។
លោក ឃឹម ប៊ុនឡែន ស្ថាបនិក និងជាប្រធានសហគមន៍ស្ដេចទុរេនខេត្តកំពតបានថ្លែងប្រាប់ឱ្យដឹងផងដែរថា ការយកដីធ្វើកសិកម្ម ហើយទាញប្រយោជន៍ពីកសិកម្មនោះវាមិនមែនជារឿងងាយស្រួលនោះទេ ដូច្នេះហើយទើបវិនិយោគិនមួយចំនួនធំគាត់ទិញដីបានគាត់ពុះជាឡូត៍ហើយលក់ទៅអតិថិជនតែម្ដង។ ប៉ុន្តែ បើសិនជាប្រៀបធៀបពីចំណូលដែលបាន និងយូរអង្វែង គឺការយកដីធ្លីមកធ្វើជាកសិកម្ម និងកសិ-ទេសចរណ៍ ហើយនឹងអាចផ្ដល់ប្រយោជន៍ពិតៗដល់ប្រជាពលរដ្ឋក្នុងមូលដ្ឋាន។
លោកបន្តថា ប្រជាពលរដ្ឋមូលដ្ឋានក្នុងសហគមន៍របស់លោកកន្លងមកបានជំពាក់ធនាគារមានបំណុលជាប់ខ្លួនជាច្រើន តែក្រោយពេល បង្កើតឱ្យមានសហគមន៍កសិ-ទេសចរណ៍ និងនាំភ្ញៀវឡើងភ្នំពេញកម្សាន្ត ឃើញថាពួកគាត់បានផ្លាស់ប្តូរជីវភាពគួរឱ្យកត់សម្គាល់ ។
លោកថា ៖
“បើសិនជាយើងដឹកនាំពលរដ្ឋឱ្យធ្វើកសិកម្ម ពួកគាត់នឹងទទួលបានផលជារៀងរាល់ឆ្នាំមានប្រាក់ចំណូលសម្រាប់ផ្គត់ផ្គង់គ្រួសារ ប៉ុន្តែដើម្បីបានចំណូលមកផ្គត់ផ្គង់អាជីវកម្មនិងការវិនិយោគផ្សេងទៀត យើងចាំបាច់ត្រូវអភិវឌ្ឍន៍ដីឡូត៍មួយចំនួនដើម្បីយកថវិកាមកបង្កើតអាជីវកម្មផ្សេងទៀត”
លោកបន្ថែមថា ការអភិវឌ្ឍកសិ-ទេសចរណ៍ និងអេកូទេសចរណ៍ នឹងជួយដល់ប្រទេសជាតិច្រើនណាស់ ក្នុងនោះមានទាំងបរិស្ថាន ការអភិរក្សព្រៃឈើ និងសំបូរទៅដោយភោគផល ពីព្រោះថានៅពេលយើងចាប់ផ្ដើមធ្វើវា ហើយពលរដ្ឋបានយល់ពីវា នោះពួកគាត់នឹងចូលរួមក្នុងការថែរក្សាបរិស្ថាន ចេះស្រលាញ់ព្រៃឈើ ឈប់កាប់ឈើធ្វើជាធ្យូង ឬទន្ទ្រានព្រៃជាដើម។ ពួកគាត់នឹងងាកមកជួយថែរក្សាឱ្យក្លាយជាប្រភពចំណូលរបស់ពួកគាត់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ចាស់សហគ្រាសក្នុងស្រុកទទួលស្គាល់អំពីផលប៉ះពាល់ដល់ផលិតកម្មដោយសារការឡើងថ្លៃប្រេង
Top News, ព្រឹត្តិការណ៍, សេដ្ឋកិច្ច
• 12/03/2026
ម្ចាស់សហគ្រាសផលិតក្នុងស្រុកមួយចំនួនបាននាំគ្នាសម្តែងក្តីបារម្ភពីបញ្ហាប្រេងឡើងថ្លៃ ដែលអាចប៉ះពាល់ដោយផ្ទាល់ដល់ចង្វាក់ផលិតកម្មរបស់ខ្លួន និងប្រឈមចំណាយថ្លៃដើមកាន់តែខ្ពស់
អ្នកសេដ្ឋកិច្ច ៖ តម្លៃប្រេងនៅកម្ពុជានឹងធ្លាក់ចុះ ខណៈប្រេងនៅទីផ្សារសកលស្រុតថ្លៃបន្តិចមកវិញ
Top News, ព្រឹត្តិការណ៍, សេដ្ឋកិច្ច
• 11/03/2026
សេដ្ឋវិទូបានបង្ហាញពីក្ដីរំពឹងថា តម្លៃប្រេងនៅកម្ពុជា នឹងធ្លាក់ចុះស្របពេលដែលទីផ្សារថាមពលពិភពលោកមានការប្រែប្រួលយ៉ាងខ្លាំង ខណៈរដ្ឋមន្រ្តីក្រសួងរ៉ែ និងថាមពល បានអះអាងថា តម្លៃប្រេងឥន្ធនៈកម្ពុជា ពឹងផ្អែកលើថ្លៃដើមនៃការនាំចូល
SME កម្ពុជា មានសក្ដានុពល ប៉ុន្តែមិនទាន់រឹងមាំពេញលេញក្នុងការប្រកួតប្រជែងពីគុណភាព
Top News, ព្រឹត្តិការណ៍, សេដ្ឋកិច្ច
• 11/03/2026
បច្ចុប្បន្ន សហគ្រាសធុនតូច និងមធ្យម (SME) កម្ពុជា មានសក្ដានុពល ប៉ុន្តែបើធៀបនឹងប្រទេសជិតខាងគឺមិនទាន់រឹងមាំពេញលេញនៅឡើយក្នុងការប្រកួតប្រជែងពាក់ព័ន្ធទៅនឹងគុណភាព សោភ័ណភាពនៃការវេចខ្ចប់ និងការនាំចេញជាសកល
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ការបង្កើតតំបន់សេដ្ឋកិច្ចពិសេស ផ្ដល់ប្រយោជន៍ដល់ពលរដ្ឋ និងអំណោយផលដល់អចលនទ្រព្យដែលធ្លាប់តែស្ងប់ស្ងាត់
នៅឯវេទិកាសេដ្ឋកិច្ចពិភពលោក កម្ពុជាបន្តខិតខំផ្សព្វផ្សាយ បញ្ចុះបញ្ចូលក្រុមហ៊ុនអន្តរជាតិឱ្យមកវិនិយោគនៅកម្ពុជា
Account
Security
Favourite Content