ផ្សារទំនើបខ្នាតតូចនៅប៉ែកខាងត្បូងភ្នំពេញ ប្រឈមនឹងការប្រកួត

ភ្នំពេញ ៖ ផ្សារទំនើបខ្នាតតូចៗនៅប៉ែកខាងត្បូងរាជធានីភ្នំពេញ អាចនឹងជួបបញ្ហាប្រឈមនៅចុងឆ្នាំនេះ ឬដើមឆ្នាំក្រោយបន្ទាប់ពីនៅក្នុងតំបន់នេះមានវត្តមានផ្សារទំនើបធំៗលំដាប់អន្តរជាតិចំនួន២ដាក់ដំណើរការ រួមមានផ្សារទំនើប ជីបម៉ុងមេហ្កាម៉ល និងផ្សារទំនើបអ៊ីអនមានជ័យ ឬផ្សារទំនើបអ៊ីអនម៉ល៣ នៅផ្លូវ៦០ម៉ែត្រ ។

អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុនអចលនទ្រព្យ CBRE Cambodia បានឱ្យដឹងថា ផ្សារទំនើបធំៗចំនួន២ នៅប៉ែកខាងត្បូងរាជធានីភ្នំពេញ ក្នុងខណ្ឌមានជ័យនឹងដាក់ដំណើរការនៅចុងឆ្នាំ២០២២នេះ ដោយក្នុងនោះដែរផ្សារទំនើបជីបម៉ុងមេហ្កាម៉ល២៧១បានបើកដំណើរការរួចហើយ នៅឡើយតែផ្សារទំនើបអ៊ីអន៣ ដែលនឹងត្រូវបើកដំណើរការក្នុងដំណាក់កាលដំបូងនៅចុងឆ្នាំ២០២២នេះដែរ ។

អ្នកនាងបន្តថា នៅពេលផ្សារទំនើបទាំង ២ នេះដំណើរការព្រមគ្នា ការផ្គត់ផ្គង់ទីតាំងលក់រាយក្នុងផ្សារទំនើបនៅប៉ែកខាងត្បូងភ្នំពេញ អាចនឹងលើសពីតម្រូវការ ហើយផ្សារទំនើបខ្នាតតូចៗនៅតំបន់ជុំវិញនោះនឹងអាចជួបបញ្ហាប្រឈមការប្រកួតប្រជែងខ្ពស់ បើសិនជាម្ចាស់ផ្សារទាំងនោះមិនមានការកែប្រែ ឬផ្លាស់ប្តូរការគ្រប់គ្រងរបស់ខ្លួន ។

ដោយឡែក អ្នកស្រី អាន សុធីតា នាយិកាប្រតិបត្តិក្រុមហ៊ុន PropNex Cambodia ក៏បានឱ្យដឹងផងដែរថា ថ្វីត្បិតតែផ្សារទំនើបធំៗពីរបានលេចវត្តមាននៅតំបន់ប៉ែកខាងត្បូងពិតមែន តែដោយសារតែម្ចាស់ផ្សារទំនើបធំៗទាំង២នេះសុទ្ធតែជាអ្នកដែលមានបទពិសោធន៍ក្នុងវិស័យផ្សារទំនើបនេះ ដូច្នេះជឿជាក់ថាដំណើរការផ្សារទំនើបទាំង២នឹងមានការគាំទ្រច្រើន ជាក់ស្ដែងបើតាមអ្វីដែលបានដឹងឃើញថាទីតាំងផ្សារទំនើបទាំងនោះមានការជួលស្ទើរតែពេញ១០០ភាគរយទៅហើយ ។

អ្នកស្រីបន្តថា៖

“អ្វីដែលជាបញ្ហាសម្រាប់ផ្សារទំនើបនៅតំបន់ប៉ែកខាងត្បូងនោះគឺផ្សារទំនើបខ្នាតតូចៗប៉ុណ្ណោះ ពីព្រោះថាប្រជាពលរដ្ឋ ឬអតិថិជននឹងរកផ្សារទំនើបថ្មីៗ និងធំៗ ហើយផ្សារទំនើបធំៗថ្មីគេមានភាពទាក់ទាញច្រើនជាងផ្សារទំនើប។ អ្វីដែលពិសេសនោះ ផ្សារទំនើបធំៗគេមានចំណតយានយន្ត មានការរៀបចំតុបតែងរចនាខាងក្នុង និងខាងក្រៅក៏ទាក់ទាញជាងផ្សារទំនើបតូចៗ”

អ្នកស្រីបានឱ្យបន្ថែមថា នៅតំបន់ប៉ែកខាងត្បូងភ្នំពេញនេះក៏មានគម្រោងផ្សារទំនើបមួយចំនួនទៀតដែរ តែគម្រោងទាំងនោះមិនទាន់ចាប់ផ្ដើមដំណើរការសាងសង់នៅឡើយ តែសម្រាប់ដំណាក់កាលនេះគម្រោងផ្សារដែលមិនទាន់សាងសង់ផ្អាកសិន ពីព្រោះថាពេលនេះ ការផ្គត់ផ្គង់ហាក់មានចំនួនច្រើនហើយនៅក្នុងរាជធានីភ្នំពេញទាំងមូល ។

យ៉ាងណាក្ដីនៅតំបន់ប៉ែកខាងត្បូងរាជធានីភ្នំពេញ គេមើលឃើញថាកំពុងមានការអភិវឌ្ឍលំនៅឋានយ៉ាងមមាញឹកផងដែរ ទាំងលំនៅឋានផ្ទះជាប់ដី និងលំនៅឋានជាអគាសហកម្មសិទ្ធិ ឬហៅថាខុនដូ ដោយឃើញមានគម្រោងលំនៅឋានខ្លះបានសាងសង់រួចរាល់ជាបន្តបន្ទាប់ ហើយគម្រោងខ្លះកំពុងបន្តដំណើរការខណៈដែលគម្រោងមួយចំនួនទៀតក៏ត្រៀមនឹងដំណើរការសាងសង់ផងដែរ៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

ការនាំចេញរបស់ចិនក្នុងខែឧសភា ហក់ឡើងខ្លាំងលើសការរំពឹងទុក ប៉ុន្តែរងសម្ពាធអន្តរជាតិជុំវិញការលើសសមត្ថភាពផលិត

ព្រឹត្តិការណ៍, សេដ្ឋកិច្ច

• 09/06/2026

កំណើននៃការនាំចេញរបស់ចិននៅក្នុងខែឧសភាកន្លងទៅនេះ មានការកើនឡើងខ្លាំងលើសពីការរំពឹងទុកដែលជំរុញដោយតម្រូវការបន្ទះឈីប យានយន្ត និងកម្មវិធីបច្ចេកវិទ្យាកម្រិតខ្ពស់ផ្សេងទៀត

សម្តេចតេជោ ហ៊ុន សែន លើកទឹកចិត្តឱ្យផលិតទំនិញក្នុងស្រុកកាន់តែច្រើន ដើម្បីផ្គត់ផ្គង់តម្រូវការ

ព្រឹត្តិការណ៍, សេដ្ឋកិច្ច

• 09/06/2026

សម្តេចតេជោ ហ៊ុន សែន លើកទឹកចិត្តឱ្យឧស្សាហកម្មក្នុងស្រុកបង្កើនការផលិតឱ្យបានច្រើនដើម្បីផ្គត់ផ្គង់តម្រូវការជាក់ស្ដែង ខណៈដែលបច្ចុប្បន្ននេះ ជាឱកាសមាសសម្រាប់ការពង្រឹងលទ្ធភាពផលិតក្នុងស្រុក និងគាំទ្រផលិតផលជាតិ

ការនាំចេញរ៉ែកម្ររបស់ចិនទៅកាន់ជប៉ុន ធ្លាក់ចុះជាង ៨០% នៅក្នុងខែមីនា និងមេសា

ព្រឹត្តិការណ៍, សេដ្ឋកិច្ច

• 09/06/2026

ការនាំចេញរ៉ែកម្ររបស់ចិនទៅកាន់ជប៉ុនធ្លាក់ចុះជាង ៨០ ភាគរយនៅក្នុងខែមីនា និងខែមេសា ធៀបនឹងឆ្នាំមុន ដែលការធ្លាក់ចុះគឺឆ្លុះបញ្ចាំងពីផលប៉ះពាល់នៃភាពតានតឹងផ្នែកនយោបាយការទូត

ការប្តូរមកប្រើលុយអឺរ៉ូជាផ្លូវការ គួបផ្សំនឹងវិបត្តិសកល ចាប់ផ្តើមបង្កសម្ពាធហិរញ្ញវត្ថុគ្រួសារនៅប៊ុលហ្ការី

ព្រឹត្តិការណ៍, សេដ្ឋកិច្ច

• 09/06/2026

ឆមាសទីមួយនៃឆ្នាំ ២០២៦ នេះ បានចាប់ផ្តើមនាំមកនូវភាពចលាចលផ្នែកហិរញ្ញវត្ថុដែលមិនធ្លាប់មានពីមុនមកសម្រាប់គ្រួសារទាំងឡាយក្នុងប្រទេសប៊ុលហ្ការី ពោលគឺចំពេលដែលព្រឹត្តិការណ៍សំខាន់ៗក្នុងស្រុកបានកើតឡើងបូករួមនឹងវិបត្តិអន្តរជាតិមួយចំនួន

ប្រធានាធិបតីចិន លោក ស៊ី ជីនពីង ធ្វើទស្សនកិច្ចនៅកូរ៉េខាងជើងរយៈពេល ២ថ្ងៃ ក្រោយអាក់ខាន ៧ឆ្នាំ

ព្រឹត្តិការណ៍, សេដ្ឋកិច្ច

• 08/06/2026

ប្រធានាធិបតីចិន លោក ស៊ី ជីនពីង បានទៅដល់ទីក្រុងព្យុងយ៉ាង ប្រទេសកូរ៉េខាងជើង ដើម្បីបំពេញដំណើរទស្សនកិច្ចផ្លូវការរយៈពេល ២ ថ្ងៃ ក្រោយអាក់ខានអស់រយៈពេល៧ឆ្នាំ

ទេសចរកម្ពុជា ទៅប្រទេសវៀតណាម កើនឡើងខ្លាំង ក្រោយជម្លោះព្រំដែនកម្ពុជា-ថៃ

ព្រឹត្តិការណ៍, សេដ្ឋកិច្ច

• 08/06/2026

ភ្ញៀវទេសចរកម្ពុជា បានឈរនៅលំដាប់ទី ៥ ក្នុងចំណោមទេសចរបរទេសដែលបានចូលទស្សនាប្រទេសវៀតណាមច្រើនជាងគេបំផុតក្នុងរយៈពេល ៥ ខែដំបូងនៃឆ្នាំ ២២០២៦នេះ ពោលគឺកើនឡើង ៤០ ភាគរយ ធៀបនឹងរយៈពេលដូចគ្នាកាលពីឆ្នាំមុន

អ្នកជំនាញ ៖ កសិករគួរជីកស្រះក្បែរចំការដំណាំ ដើម្បីទទួលបានផលចំណេញជាប់ពេញមួយឆ្នាំ

ព្រឹត្តិការណ៍, សេដ្ឋកិច្ច

• 08/06/2026

ទឹក គឺជាកត្តាដ៏សំខាន់មួយក្នុងការរស់នៅប្រចាំថ្ងៃ ក៏ដូចជាសម្រាប់តម្រូវការធ្វើកសិកម្មដែលមាននាទីក្នុងការស្រោចស្រពដំណាំគ្រប់ប្រភេទផងដែរ

តម្លៃមាស អាចហក់ឡើងមកវិញទៅដល់ ៧២០០ ដុល្លារ/មួយតម្លឹងក្នុងឆ្នាំ ២០២៦ នេះ

ព្រឹត្តិការណ៍, សេដ្ឋកិច្ច

• 08/06/2026

បន្ទាប់ពីតម្លៃមាសបានហក់ឡើងយ៉ាងគំហុករហូតដល់ ៦៤ ភាគរយ កាលពីឆ្នាំ ២០២៥ កន្លងមក លោហៈធាតុដ៏មានតម្លៃបំផុតនេះកំពុងស្ថិតនៅលើគន្លងទៅរកកំណើនជាប្រវត្តិសាស្ត្រម្តងទៀត

ការវាយប្រហារគ្នាថ្មីៗរវាងអ៊ីរ៉ង់ និងអ៊ីស្រាអែល រុញឱ្យតម្លៃប្រេងឡើងថ្លៃជិត ៣ ភាគរយ

ព្រឹត្តិការណ៍, សេដ្ឋកិច្ច

• 08/06/2026

តម្លៃប្រេងហក់ឡើងថ្លៃជិត ៣ ភាគរយ នៅក្នុងទីផ្សាអាស៊ី បន្ទាប់ពីអ៊ីរ៉ង់បានបាញ់មីស៊ីលជាច្រើនដងទៅកាន់អ៊ីស្រាអែល ដែលធ្វើឱ្យមានការធ្លាក់ចុះនៃក្តីសង្ឃឹមក្នុងការចរចាបញ្ចប់ជម្លោះ

ឆ្នាំ២០២៦ រដ្ឋាភិបាលគ្រោងចំណាយលើវិស័យអប់រំ ១ ១១៨លានដុល្លារ ខណៈឆ្នាំ២០២៧ គ្រោងចំណាយប្រមាណ ១ ១៧២លានដុល្លារ

ព្រឹត្តិការណ៍, សេដ្ឋកិច្ច

• 05/06/2026

ការចំណាយក្នុងវិស័យអប់រំនៅតែកើនមិនមានការថយចុះនោះទេ ជាក់ស្ដែង ពិដានគោលនៃការចំណាយឆ្នាំ២០២៦ ចេញជាច្បាប់ថវិកាមានចំនួន ៤ ៤៧៤ពាន់លានរៀល ឬប្រមាណ ១ ១១៨លានដុល្លារអាម៉េរិក