ការអនុវត្តទាំងស្រុងតាមប្រព័ន្ធ FMIS នឹងក្លាយជាចលករជួយពន្លឿន

ភ្នំពេញ ៖ រាជរដ្ឋាភិបាល នៅព្រឹកថ្ងៃទី១៧ ខែតុលា ឆ្នាំ២០២២ បានប្រកាសដាក់ឱ្យប្រើប្រាស់នីតិវិធីអនុវត្តចំណាយថវិកាចរន្តគ្រប់មុខសញ្ញាគម្រោងប្រព័ន្ធព័ត៌មានវិទ្យាគ្រប់គ្រងវិស័យហិរញ្ញវត្ថុសាធារណៈ (FMIS) ទាំងស្រុងនៅក្រសួងសេដ្ឋកិច្ច និងហិរញ្ញវត្ថុ និងក្រសួងបរិស្ថាន ជាផ្លូវការ។

ការប្រកាសដាក់ឱ្យប្រើប្រាស់នីតិវិធីអនុវត្តចំណាយថវិកាចរន្តគ្រប់មុខសញ្ញាគម្រោង FMIS គឺក្នុងគោលបំណងដើម្បីគាំទ្រ ជំរុញ និងពន្លឿនសកម្មភាពទូទៅរបស់កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ (PFMRP) នៅគ្រប់ដំណាក់កាល ដោយបង្កើននូវគណនេយ្យភាព ប្រសិទ្ធភាព ភាពស័ក្កិសិទ្ធិ និងការធ្វើទំនើបភាវូបនីយកម្មប្រព័ន្ធគ្រប់គ្រងហិរញ្ញវត្ថុសាធារណៈនៅកម្ពុជា ដែលនឹងផ្ដល់នូវព័ត៌មានចំណូលចំណាយថវិកាគ្រប់ជ្រុងជ្រោយ ទាន់ពេលវេលា និងនៅក្នុងរយៈពេលវែង។

ចាប់ពីឆ្នាំ២០១៨ មានក្រសួងចំនួន ១០ ប៉ុណ្ណោះ ក្នុងនោះមានក្រសួងបរិស្ថានផងដែរ បានអនុវត្តប្រព័ន្ធ FMIS ។ ពេលនោះ ការអនុវត្តប្រព័ន្ធFMIS នេះគ្រាន់តែជាការងារបន្ថែមលើការងារមានស្រាប់ដោយមិនមានការកាត់បន្ថយលើការរៀបចំឯកសារចំណាយទៅក្រសួងសេដ្ឋកិច្ច និងហិរញ្ញវត្ថុទេ។ នៅខែមេសា ឆ្នាំ២០២១ មានការកែសម្រួលប្រព័ន្ធ FMIS នេះលើមុខងារបៀវត្ស ដោយមិនចំាបាច់រៀបចំឯកសារបៀវត្សបញ្ចូនទៅក្រសួងសេដ្ឋកិច្ចនិងហិរញ្ញវត្ថុ គឺអនុវត្តទាំងស្រុងក្នុងប្រព័ន្ទFMIS និងនៅខែតុលា ឆ្នាំ២០២២ មានការកែសម្រូលប្រព័ន្ធFMISនេះជាថ្មីបន្តទៀតលើមុខងារចំណាយដែលមានហានិភ័យទាប ដូចជា ចំណាយ (ទឹក អគ្គិសនី សេវាទូរសព្ទ…) ដោយមិនចាំបាច់រៀបចំឯកសារទាំងអស់នេះបញ្ចូនទៅក្រសួងសេដ្ឋកិច្ច និងហិរញ្ញវត្ថុនោះទេ គឺអនុវត្តទាំងស្រុងក្នុងប្រព័ន្ធ FMIS តែម្តង។

ចំពោះការអនុវត្តនីតិវិធីថ្មីនៃ ប្រព័ន្ធ FMIS លើគ្រប់មុខសញ្ញាចំណាយថវិកាចរន្តកាលចុងខែកក្កដា ឆ្នាំ២០២២ ក្រុមការងារ FMIS នៃក្រសួងសេដ្ឋកិច្ច និងហិរញ្ញវ្តត្ថុ បានចុះសិក្សាពីនិតិវិធីគ្រប់មុខសញ្ញាចំណាយថវិកាចរន្ត និងចលនាឥណទាននៅក្រសួងបរិស្ថាន ក្នុងគោលបំណងពន្យល់ និងណែនាំពីរបៀបអនុត្តទាំងស្រុងលើមុខងារចំណាយចរន្ត និងចលនាឥណទាន ។

ការអនុវត្តសម្រាប់នីតិវិធីតម្រង់ទិសថ្មីលើការបើកផ្តល់បៀវត្ស និងចំណាយបន្ទុកបុគ្កលិកផ្សេងៗ ដែលមានគោលរបបកំណត់ច្បាស់លាស់ និង ចំណាយទូទាត់ត្រង់ដែលមានហានិភ័យទាបតាមប្រព័ន្ធ FMIS ទាំងស្រុងទៅក្រសួង-ស្ថាប័នសរុបចំនួន ៣៤ ដោយជោគជ័យ។ ផ្អែកលើបទពិសោធន៍នេះ ក្រុមការងារ FMIS នៃក្រសួងសេដ្ឋកិច្ចនិងហិរញ្ញវត្ថុ បានបន្តដាក់ឱ្យអនុវត្តនីតិវិធីថ្មី លើគ្រប់មុខសញ្ញាចំណាយថវិកាចរន្តសម្រាប់ក្រសួងសេដ្ឋកិច្ច និងហិរញ្ញវត្ថុ និងក្រសួងបរិស្ថាន ព្រមទាំងអង្គភាពថវិកានៃក្រសួងទាំង ២។

ថ្លែងក្នុងកម្មវិធី “ប្រកាសដាក់ឱ្យប្រើប្រាស់នីតិវិធីអនុវត្តចំណាយថវិកាចរន្តគ្រប់មុខសញ្ញាតាមប្រព័ន្ធ FMIS ទាំងស្រុងនៅក្រសួងសេដ្ឋកិច្ច និងហិរញ្ញវត្ថុ និងក្រសួងបរិស្ថានជាផ្លូវការ” នៅថ្ងៃទី១៧ ខែកញ្ញ ឆ្នាំ២០២២ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ដ្រីក្រសួងសេដ្ឋកិច្ច និងហិរញ្ញវត្ថុ បានគូសបញ្ជាក់ថា ការកែសម្រួលនីតិវិធីអនុវត្តការងារ ដែលនឹងត្រូវអនុវត្តទាំងស្រុងតាមប្រព័ន្ធ FMIS នឹងក្លាយជាចលករដ៏សំខាន់ក្នុងការជួយពន្លឿនកម្មវិធីកែទម្រង់ហិរញ្ញវត្ថុសាធារណៈរបស់រាជរដ្ឋាភិបាលកម្ពុជាឱ្យកាន់តែមានប្រសិទ្ធភាពខ្ពស់។

ឯកឧត្តមអគ្គបណ្ឌិតសភាចារ្យ បានមានប្រសាសន៍ថា ៖

“នីតិវិធីថ្មីតាមប្រព័ន្ធ FMIS បានផ្តល់អត្ថប្រយោជន៍ជាច្រើនដូចជា៖ ទី១. កាត់បន្ថយចំណាយរដ្ឋបាលបានមួយចំនួនធំ ដែលចំណាយរដ្ឋបាលផ្សេងៗ និងមធ្យោបាយធ្វើដំណើរក្នុងរដ្ឋាភិបាលមានចំនួន ៥០% នៃចំណាយសរុបប្រចាំឆ្នាំ, ទី២. មានភាពលឿន និងរហ័សជាងមុនតាំងពីដំណាក់កាលស្នើសុំ រហូតដល់ការទូទាត់អាណត្តិ, ទី៣. មានតម្លាភាព និងគណនេយ្យភាពក្នុងការអនុវត្តថវិកា ដោយអ្នកស្នើសុំអាចមើលដឹងស្ថានភាពនៃការស្នើសុំរបស់ខ្លួនតាមដំណាក់កាលនីមួយៗ”

ឯកឧត្តមអគ្គបណ្ឌិតសភាចារ្យ បានគូសបញ្ជាក់បន្ថែមទៀតថា ការអនុវត្តនីតិវិធីថ្មីតាមប្រព័ន្ធ FMIS ទាំងស្រុង នឹងប្រែក្លាយប្រព័ន្ធ FMIS ជាមជ្ឈមណ្ឌលទិន្នន័យព័ត៌មានហិរញ្ញវត្ថុស្តង់ដាររបស់រដ្ឋសម្រាប់បំពេញតម្រូវការជូនថ្នាក់ដឹកនាំគ្រប់លំដាប់ថ្នាក់ ដើម្បីធ្វើការវិភាគ និងរៀបចំគោលនយោបាយក្នុងការបម្រើប្រយោជន៍ដល់សាធារណៈជន។

ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS បានថ្លែងឱ្យដឹងថា ឯកឧត្តមពិតជាមានមោទនភាព ដែលបានឃើញគម្រោង FMIS ឈានដល់បើកទំព័រថ្មីសមិទ្ធផលថ្មីមួយទៀត គឺការដាក់ឱ្យអនុវត្តនីតិវិធីថ្មី សម្រាប់ការចំណាយថវិកាចរន្តតាមប្រព័ន្ធ FMIS ទាំងស្រុងក្នុងក្របខណ្ឌក្រសួងសេដ្ឋកិច្ច និងហិរញ្ញវត្ថុ និងក្រសួងបរិស្ថាន រួមជាមួយនឹងវឌ្ឍនភាពនៃការអនុវត្តគម្រោង FMIS ជារួមដែលក្រុមការងារគ្រប់គ្រងគម្រោង FMIS ដែលខិតខំបំពេញភារកិច្ចយ៉ាងសកម្ម និងសម្រេចបាននូវវឌ្ឍនភាពជាច្រើន ដែលជួយគាំទ្រ និងជំរុញដល់ការអនុវត្តនូវកម្មពិធីកែទម្រង់ហិរញ្ញវត្ថុសាធារណៈរបស់រាជរដ្ឋាភិបាល។

ឯកឧត្តមបណ្ឌិតសភាចា្យបានលើកឡើងថា ៖

“កិច្ចការរៀបចំនីតិវិធីនេះ ត្រូវបានចាត់ទុកថាជាកិច្ចការអាទិភាពសម្រាប់ការអនុវត្តកម្មពិធីកែទម្រង់ហិរញ្ញវត្ថុសាធារណៈ ក្នុងដំណាក់កាលទី៣ ឈានចូលដំណាក់កាលពី៤ ដើម្បីធានាដល់ការអនុវត្តថវិកាផ្អែកលើសមិទ្ធកម្ម សម្រាប់អង្គភាពថវិកានៅថ្នាក់ជាតិ និងថ្នាក់ក្រោមជាតិ ស្របតាមគោលដៅដែលបានកំណត់ក្នុងឯកសារពង្រីកការអនុវត្តគម្រោង FMIS ជំហ៊ានទី៣ ឆ្នាំ ២០២១-២០២៥”

គួររំលឹកផងដែរថា ចាប់តាំងពីឆ្នាំ២០១៣ ជាចំណុចនៃការចាប់ផ្តើមអនុវត្តន៍របស់គម្រោង FMIS ជំហ៊ានទី១ និងជាឆ្អឹងខ្នងក្នុងការគាំទ្រយ៉ាងពេញទំហឹងដល់ការពង្រឹងគណនីភាពហិរញ្ញវត្ថុសម្រាប់ការគ្រប់គ្រងកម្មពិធីកែទម្រង់ហិរញ្ញវត្ថុសាធារណៈ ដែលបានចាប់ផ្តើមដាក់ឱ្យប្រើប្រាស់ដំបូងក្នុងឆ្នាំ២០១៦ នៅអគ្គនាយកដ្ឋានគន្លឹះចំនួន៨ នៃក្រសួងសេដ្ឋកិច្ច និងហិរញ្ញវត្ថុ និងនៅរតនាគាររាជធានី-ខេត្តទាំង២៥ ជាមួយមុខងារស្នូលទាំង៦ នៃប្រព័ន្ធ FMIS។

ជំហ៊ានទី២នៃគម្រោង FMIS ចាប់ផ្តើមនៅឆ្នាំ២០១៧ និងបញ្ចប់នៅឆ្នាំ២០២០ ដោយបានពង្រីកវិសាលភាពប្រើប្រាស់ប្រព័ន្ធនេះទៅកាន់គ្រប់ក្រសួង-ស្ថាប័ននៃរដ្ឋាភិបាល អង្គភាពថវិកាអាណាប័កផ្ទេរសិទ្ធិពេញលេញនៅថ្នាក់កណ្តាល និងមន្ទីរសេដ្ឋកិច្ច និងហិរញ្ញវត្ថុទាំង២៥ រាជធានីខេត្ត ព្រមទាំងសម្រេចបានការអនុវត្តមុខងារបន្ថែមចំនួន ២ទៀត គឺមុខងាររៀបចំផែនការថវិកា និងមុខងារលទ្ធិកម្មពេលលេញ។

បច្ចុប្បន្ន ក្រសួងបាន និងកំពុងអនុវត្តគម្រោងជំហ៊ានទី៣ ដែលចាប់ផ្តើមពីឆ្នាំ២០២១ និងគម្រោងបញ្ចប់ក្នុងឆ្នាំ២០២៥ ដែលបានពង្រីកប្រព័ន្ធប្រើប្រាស់ប្រព័ន្ធ FMIS ទៅដល់រដ្ឋបាលរាជធានីខេត្តទាំង២៥ បានពង្រីកការប្រើប្រាស់មុខងារថ្មីៗ ពង្រឹងការប្រើប្រាស់ប្រព័ន្ធដែលរៀបចំជាបណ្តើរៗនូវនីតិវិធីថ្មីសម្រាប់ចំណាយថវិកាចរន្តតាមប្រព័ន្ធ FMIS ទាំងស្រុង និងបន្តពង្រីកការប្រើប្រាស់ទៅកាន់ការដ្ឋាននៅរាជធានីខេត្តបន្ថែមទៀត ដែលបច្ចុប្បន្ន ការដ្ឋានគម្រោងសរុបមានចំនួន ១៥៨ការដ្ឋាន និងអ្នកប្រើប្រាស់ប្រព័ន្ធចំនួន ២ ១៨៩ រូប។ នេះបើយោងតាមយោងតាមឯកឧត្តមបណ្ឌិតសភាចារ្យ ហ៊ាន សាហ៊ីប។

ដំណើរការនៃការរៀបចំនីតិវិធីថ្មីសម្រាប់ចំណាយថវិកាចរន្តតាមប្រព័ន្ធ FMIS ទាំងស្រុង ដោយលែងមានការអនុវត្តប្រតិបត្តិការហិរញ្ញវត្ថុ និងថវិកានៅក្រៅប្រព័ន្ធតទៅទៀតស្របតាមផែនការយុទ្ធសាស្ត្រតម្រង់ទិសនីតិវិធីអនុវត្តន៍ការងារតាមប្រព័ន្ធ FMIS ឆ្នាំ២០២០-២០២៥ មានដូចតទៅ ៖ ទី១ អនុវត្តន៍តាមការសម្រេចដ៏ខ្ពង់ខ្ពស់របស់ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ក្រុមការងារបានសិក្សា និងរៀបចំផែនការយុទ្ធសាស្ត្រតម្រង់ទិសនីតិវិធីអនុវត្តន៍ការងារតាមប្រព័ន្ធ FMIS ឆ្នាំ២០២០-២០២៥ រួចរាល់នៅដើមឆ្នាំ២០២០ ទី២ បានចាប់ផ្តើមអនុវត្តន៍នីតិវិធីតាមអភិក្រម គឺយកមុខសញ្ញាចំណាយដែលមានភាពទាប ដូចជាចំណាយបៀវត្ស បន្ទុកបុគ្គលិក ទឹក ភ្លើង ទូរគមនាគមន៍ជាដើម ចាប់ឆ្នាំ២០២២ ដែលផ្តើមចេញពីក្រសួងសេដ្ឋកិច្ច និងហិរញ្ញវត្ថុជាគំរូ និងគិត្រឹមឆ្នាំត្រីមាសទី៣ ឆ្នាំ២០២២នេះ បានដាក់ឱ្យអនុវត្តន៍ដោយជោគជ័យនូវនីតិវិធីអនុវត្តន៍ការងារថ្មីតាមប្រព័ន្ធ FMIS ទាំងស្រុងនៅក្រសួងនានាលើនីតិវិធីចំណាយបើកផ្តល់បៀវត្ស និងចំណាយលើបន្ទុកបុគ្គលិកផ្សេងៗ ដែលមានគោលរបបកំណត់ច្បាស់លាស់ និងនីតិវិធីចំណាយទូទាត់ត្រង់ដែលមានហានិភ័យកម្រិតទាប។

ឯកឧត្តមបណ្ឌិតសភាចារ្យ ហ៊ាន សាហ៊ីប បានថ្លែងថា ៖

“នៅដើមឆ្នាំ២០២២នេះ អនុវត្តន៍តាមការសម្រេចរបស់ឯកឧត្ដមអគ្គបណ្ឌិតសភាចារ្យ ឧបនាយករដ្ឋមន្រ្តី ក្រុមការងារបានអនុវត្តន៍កិច្ចការងារច្រើនក្នុងការរៀបចំនីតិវិធីថ្មីសម្រាប់ចំណាយថវិកាចរន្ត ដែលត្រូវអនុវត្តន៍នៅក្នុងក្របខណ្ឌក្រសួងសេដ្ឋកិច្ច និងហិរញ្ញវត្ថុទាំងមូល រួមជាមួយនឹងក្រសួងបរិស្ថានជាគំរូ មុននឹងឈានទៅដល់ការអនុវត្តនៅក្រសួងស្ថាប័នផ្សេងៗទៀត”

ឯកឧត្តមបណ្ឌិតសភាចារ្យ បានថ្លែងបន្តថា ក្រុមការងារ FMIS បានព្យាយាមផ្តោតលើអាទិភាពលើការរៀបចំកិច្ចការត្រៀមជាច្រើន ដូចជា ១) ការរៀបចំការអនុវត្ត និងគ្រប់គ្រងផែនការសកម្មភាព ២) បញ្ជ្រាបការយល់ដឹង ការសិក្សារៀបចំ និងវិភាគលើរំហូរនៃនីតិវិធីអនុវត្តន៍ការងារបច្ចុប្បន្ន និងឯកសារតម្រូវការ ៣) ការវិភាគ និងរៀបចំរំហូរនីតិវិធីអនុវត្តន៍ការងារថ្មីក្នុងប្រព័ន្ធ ការប្រជុំពិគ្រោះយោបាល់លើការរៀបចំរំហូរនីតិវិធី និងលើឯកសារស្តង់ដារនីតិវិធីអនុវត្តន៍ការងារ និងឯកសារគតិយុទ្ធទ្រទ្រង់ការអនុវត្ត ៤)ការបណ្តុះបណ្តាល ការកំណត់ឈ្មោះតួនាទីអ្នកប្រើប្រាស់ ការដាក់ដំឡើងហេដ្ឋារចនាសម្ព័ន្ធប្រព័ន្ធបច្ចេកវិទ្យាព័ត៌មាន និង៥) ការអភិវឌ្ឍកែសម្រួលក្នុងប្រព័ន្ធ និងពិនិត្យក្នុងក្របខណ្ឌអនុវត្តន៍សវនកម្ម និងអធិការកិច្ច។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានថ្លែងថា បច្ចុប្បន្ន គេហៅថា E-Government និងការអភិវឌ្ឍបច្ចេកវិទ្យា ឬសម័យកាលឧស្សាហកម្ម ៤.០ ដូច្ននេះការវិវត្តន៍នៃបច្ចេកវិទ្យាទៅកាន់កិច្ចការសេវាសាធារណៈគឺរឿងធម្មតា។ ចង់មិនចង់ ថ្នាក់ដឹកនាំគ្រប់ស្ថាប័ន គ្រប់លំដាប់ថ្នាក់គឺត្រូវតែខិតខំចាប់យកបច្ចេកវិទ្យាទៅប្រើប្រាស់ទៅក្នុងធុរកិច្ច ឬក្នុងកិច្ចការងារប្រចាំថ្ងៃ ប្រចាំខែ និងប្រចាំឆ្នាំជាដើម។

លោកបណ្ឌិត ហុង វណ្ណៈ បានលើកឡើងដូច្នេះថា ៖

“ខ្ញុំគិតថា ប្រព័ន្ធ FMIS មានសារសំខាន់ណាស់ទៅក្នុងការគ្រប់គ្រងហិរញ្ញវត្ថុសាធារណៈ ដូចយើងដឹងស្រាប់គឺថា រាជរដ្ឋាភិបាលកម្ពុជា ដែលមានក្រសួងសេដ្ឋកិច្ច និងហិរញ្ញវ ត្ថុជាសេនាធិការផ្ទាល់ បានដាក់ចេញកម្មពិធីគម្រោងគ្រប់គ្រងហិរញ្ញវត្ថុទៅក្នុងគ្រប់ស្ថាប័នសាធារណៈទាំងអស់នៅទូទាំងប្រទេស”

លោកបានបន្តថា ៖

“ការដាក់ដំណើរការកម្មពិធីនេះ ដែលគឺជាប្រព័ន្ធមួយល្អ នោះគឺ ទី១) ជំរុញ និងលើកទឹកចិត្តដល់ថ្នាក់ដឹកនាំក្នុងស្ថាប័ននីមួយបង្កើតនូវសកម្មភាពការងាររបស់ខ្លួនប្រចាំខែ ប្រចាំឆ្នាំ ហើយសមស្របទៅតាមថវិការបស់ខ្លួន ដែលបានលើកឡើង ឬស្នើឡើង ទី២) តម្លាភាពក្នុងប្រព័ន្ធការងារ និងទី៣ មន្ត្រីនីមួយៗបំពេញការងារពេញដៃពេញជើងទៅតាមសកម្មភាពដែលខ្លួនបានអនុវត្តន៍ហើយ”

បើទោះបីជាមានប្រព័ន្ធគ្រប់គ្រងហិរញ្ញវត្ថុសាធារណៈល្អប្រសើរ និងមានតម្លាភាព លោកបណ្ឌិត ហុង វណ្ណៈ នៅតែអំពាវនាវដល់ថ្នាក់នាំក្រសួង និងមន្ត្រីពាក់ព័ន្ធទាំងអស់ពិនិត្យលើការគ្រប់គ្រង និងការអនុវត្តន៍គម្រោងប្រព័ន្ធ FMIS មត់ចត់ ដិតដល់ និងច្បាស់លាស់សំដៅទៅការអនុវត្តគម្រោងនេះឱ្យកាន់តែមានប្រសិទ្ធភាព។

សូមបញ្ជាក់ផងដែរថា FMIS គឺជាការធ្វើសមាហរណកម្មស្វ័យប្រវត្តិកម្មនូវដំណើរការការងារ ការគ្រប់គ្រងហិរញ្ញវត្ថុសាធារណៈ ដែលបច្ចុប្បន្នកំពុងធ្វើដោយដៃ ដោយគ្របដណ្តប់ទាំងការធ្វើនីយកម្មថវិកា ការអនុវត្តថវិកា គណនេយ្យ របាយការណ៍ ការត្រួតពិនិត្យ និងការធ្វើសវនកម្ម។ ប្រព័ន្ធនេះនឹងគ្របដណ្តប់លើសពីកម្មវិធីកុំព្យូទ័រ និងឧបករណ៍កុំព្យូទ័រ ដោយរាប់បញ្ជូលទាំងធនធានមនុស្ស អង្គភាព និងការគ្រប់គ្រងការផ្លាស់ប្តូរ ដែលនឹងនាំមកនូវនីតិវិធីអនុវត្តការងារថ្មី។

ផលប្រយោជន៍រំពឹងទុកពីប្រព័ន្ធ FMIS នឹងជួយពង្រឹងដល់ការអនុវត្តថវិកាតាមរយៈការចំណាយដោយស្វ័យប្រវត្តិតាមប្រព័ន្ធកុំព្យូទ័រ ការទទួលចំណូល (ការប្រមូល និង ប្រាក់បញ្ញើសម្រាប់ចំណូលមិនមែនសារពើពន្ធ ព្រមទាំងភ្ជាប់ជាមួយប្រព័ន្ធចំណូលពន្ធដារ ពន្ធគយ និងគ្រប់គ្រងបំណុល) គណនេយ្យ និងរបាយការណ៍នៅរតនាគារកណ្តាល និងបណ្តារតនាគារខេត្ត ហើយការផ្តល់នូវតម្លាភាពក្នុងការទទួលនូវរាល់ព័ត៌មានហិរញ្ញវត្ថុតាម online ក៏ជាកត្តារួមចំណែកដ៏ចំបងសម្រាប់ពង្រឹងដល់ការអនុវត្ត PFM ។ ក្រៅពីនេះ FMIS គឺជាកាលានុវត្តភាពសម្រាប់អនុវត្តនូវនីតិវិធីដ៏ល្អបំផុតមួយ ដែលដើរតាមបទដ្ឋានអន្តរជាតិនៃការគ្រប់គ្រងហិរញ្ញវត្ថុរបស់រដ្ឋាភិបាល៕

លោក ហេង សុវណ្ណ | Mr. Heng Sovann

ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

កម្ពុជានឹងមានរោងចក្រផ្គុំដំឡើងម៉ូតូ និងកង់បី នៅខណ្ឌដង្កោ ក្នុងទំហំទុនវិនិយោគ ៨លានដុល្លារអាម៉េរិក

ព្រឹត្តិការណ៍, សេដ្ឋកិច្ច

• 07/04/2026

រោងចក្រផ្គុំដំឡើងទោចក្រយានយន្ត (ម៉ូតូ) និងត្រីចក្រយានយន្ត ( កង់បី ) មួយកន្លែង ត្រូវបានគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា សម្រេចជាស្ថាពរចុះបញ្ជីវិនិយោគជាគម្រោងដែលមានលក្ខណៈសម្បត្តិគ្រប់គ្រាន់នៅក្នុងខណ្ឌដង្កោរ ភ្នំពេញ

កំពង់ផែស្វយ័តក្រុងព្រះសីហនុ និង CSX រៀបចំវេទិកាក្រុមហ៊ុនចុះបញ្ជីលក់មូលបត្រក្រោមប្រធានបទ «សក្តានុពលរបស់កំពង់ផែស្វយ័តក្រុងព្រះសីហនុ»

ព្រឹត្តិការណ៍, ហិរញ្ញវត្ថុ

• 07/04/2026

កំពង់ផែស្វយ័តក្រុងព្រះសីហនុ និងផ្សារមូលបត្រកម្ពុជា CSX បានរៀបចំវេទិកាក្រុមហ៊ុនចុះបញ្ជីលក់មូលបត្រក្រោមប្រធានបទ «សក្តានុពលរបស់កំពង់ផែស្វយ័តក្រុងព្រះសីហនុ»

ឧកញ៉ា តែ តាំងប៉ ៖ ក្រោយបញ្ចប់ព្រឹត្តិការណ៍ពិព័រណ៍នៅចុងសប្ដាហ៍នេះ ផលិតផលខ្មែរនឹងកាន់ចំណែកទីផ្សារច្រើនជាង ៣០ភាគរយ

ព្រឹត្តិការណ៍, សេដ្ឋកិច្ច

• 07/04/2026

នៅត្រឹមចុងសប្ដាហ៍នេះ ព្រឹត្តិការណ៍ពិព័រណ៍ផលិតផលជាតិលើកទី៣ នឹងរៀបចំឡើងរយៈពេល៤ថ្ងៃ ចាប់ពីថ្ងៃទី០៩-១២ ខែមេសា ឆ្នាំ២០២៦ នៅសាលសន្និបាត និងមជ្ឈមណ្ឌលពិព័រណ៍កោះពេជ្រ ដែលមានការដាក់តាំងបង្ហាញផលិតផលខ្មែរសរុបរាប់រយប្រភេទ

លោក Donald Trump ស្នើសុំបង្កើនចំនួននាវាយោធាទ្វេដងក្នុងថវិកាជាតិ ១,៥ ទ្រីលានសម្រាប់ឆ្នាំ ២០២៧

ព្រឹត្តិការណ៍, សេដ្ឋកិច្ច

• 07/04/2026

ប្រធានាធិបតីអាមេរិកលោក Donald Trump បានប្រកាសកាលពីចុងសប្តាហ៍កន្លងមកនេះថា នឹងបង្កើនខ្ទង់ចំណាយ សម្រាប់ការសាងសង់នាវាយោធាឱ្យបានចំនួនទ្វេដង ធៀបទៅនឹងអ្វីដែលធ្លាប់ស្នើកាលពីឆ្នាំទៅ។

ការឡើងថ្លៃអេល្យូម បង្កការគំរាមកំហែងដល់វិស័យឈីប វេជ្ជសាស្រ្ត និងអវកាស

ព្រឹត្តិការណ៍, អាជីវកម្មថ្មី និងនវានុវត្ត

• 07/04/2026

វិបត្តិសេដ្ឋកិច្ចពិភពលោកដោយសារសង្រ្គាមនៅមជ្ឈិមបូព៌ាកំពុងលាតសន្ធឹងហួសពីប្រេង ពោលគឺអេល្យូម (Helium) បានក្លាយជាទំនិញ ដែលងាយរងគ្រោះមួយផងដែរ។

ធនាគារធំៗនៅកម្ពុជាឈរជើងយ៉ាងរឹងមាំ ខណៈទ្រព្យសកម្មក្នុងប្រព័ន្ធកើនដល់ជាង ១០០ ពាន់លានដុល្លារ

ព្រឹត្តិការណ៍, ហិរញ្ញវត្ថុ

• 07/04/2026

បើទោះបីជាសេដ្ឋកិច្ចពិភពលោកបាននិងកំពុងជួបប្រទះនូវភាពមិនប្រាកដប្រជាក៏ដោយ ក៏ប្រព័ន្ធធនាគារនៅកម្ពុជានៅតែបន្តឈរជើងយ៉ាងរឹងមាំ ហើយនៅតែរក្សាបានភាពធន់ ដោយទ្រព្យសកម្មប្រព័ន្ធធនាគារសរុបមានជិត ១០២ ពាន់លានដុល្លារ ក្នុងឆ្នាំ២០២៥។

AMRO ព្យាករថា អតិផរណាកម្ពុជាមានអត្រាជិត ៣ ភាគរយ ខណៈអ្នកជំនាញយល់ថាជាអតិផរណាកម្រិតខ្ពស់

ព្រឹត្តិការណ៍, សេដ្ឋកិច្ច

• 07/04/2026

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន AMRO ព្យាករថា សេដ្ឋកិច្ចកម្ពុជា អាចនឹងសម្រេចបានក្នុងរង្វង់ ៤,៩ភាគរយ ជាមួយនឹងអតិផរណា បានកើនឡើងក្នុងអត្រា ២,៩ ភាគរយ សម្រាប់ឆ្នាំ ២០២៦ នេះ។

កិច្ចពិភាក្សាកម្មវិធីហិរញ្ញវត្ថុ រដូវកាលទី ៣ ក្លាយជាវេទិកាចំណេះដឹងហិរញ្ញវត្ថុសម្រាប់ប្រជាកសិករ

ព្រឹត្តិការណ៍, ហិរញ្ញវត្ថុ

• 06/04/2026

ក្រុមហ៊ុន Apsara Media Services (AMS) កាលពីថ្ងៃទី០៣ ខែមេសា ឆ្នាំ២០២៦ បានសហការជាមួយនឹងសមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) និងក្រុមហ៊ុនក្រេឌីត ប្យួរ៉ូ (ខេមបូឌា) (CBC) ដោយមានការគាំទ្រដោយធនាគារជាតិនៃកម្ពុជា (NBC) បានរៀបចំកម្មវិធី វេទិកាចំណេះដឹងផ្នែកហិរញ្ញវត្ថុកម្ពុជា កិច្ចពិភាក្សា កម្មវិធី «វិថីហិរញ្ញវត្ថុ រដូវកាលទី៣» នៅស្រុកបន្ទាយមាស ខេត្តកំពត។

អតីតព្រលានយន្តហោះអន្តរជាតិ-ភ្នំពេញ នឹងបើកឱ្យសាធារណជនចូលលេងកម្សាន្តរយៈពេល៩ថ្ងៃ អំឡុងបុណ្យចូលឆ្នាំខ្មែរ

ព្រឹត្តិការណ៍, អចលនទ្រព្យ

• 06/04/2026

ព្រលានយន្តហោះពោធិ៍ចិនតុង ដែលរាជរដ្ឋាភិបាលអភិវឌ្ឍន៍ធ្វើជាសួនសាធារណៈ នឹងត្រូវបើកសាកល្បងឱ្យសាធារណជនចូលទស្សនាកម្សាន្ត ហាត់ប្រាណ និងលេងកីឡា ដោយឥតគិតថ្លៃរយៈពេល០៩ថ្ងៃ

ត្រីមាសទី១ ឆ្នាំ២០២៦ សេដ្ឋកិច្ចវៀតណាមកើនឡើងយឺត ដោយសារការនាំចូលប្រេងពីមជ្ឈិមបូព៌ារងផលប៉ះពាល់ខ្លាំង

ព្រឹត្តិការណ៍, សេដ្ឋកិច្ច

• 06/04/2026

សេដ្ឋកិច្ចរបស់ប្រទេសវៀតណាមនៅក្នុងត្រីមាសទី១ ដើមឆ្នាំ២០២៦នេះ មានការកើនឡើងយឺតយ៉ាវ ដោយសារតែការនាំចូលប្រេងពីមជ្ឈិមបូព៌ាទទួលរងនូវផលប៉ះពាល់ខ្លាំង ដែលជាហេតុជំរុញឱ្យមានអតិផរណាកើនឡើង