សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អាំងប៉ាវ ឬស្រោមសំបុត្រតូចពណ៍ក្រហមគឺជាវត្ថុដ៏មានតម្លៃ និងគួរឲ្យស្រលាញ់ក្នុងចំណោមពលរដ្ឋចិន ពីព្រោះថានៅអំឡុងពេលនៃការប្រារព្ធពិធីបុណ្យចូលឆ្នាំ ដែលជាពេលវេលាជួបជុំយ៉ាងសប្បាយរីករាយនោះ វាគឺជាកញ្ចប់ដែលមានលុយជាអំណោយនៅពីខាងក្នុង ឬជាភាសាចិនគឺ 红包 (hóng bāo) ចែកជូនគ្នាទៅវិញទៅមក។
តាមរយៈការជូនអាំងប៉ាវគ្នាទៅវិញទៅមក ជាពិសេសពីមនុស្សពេញវ័យទៅកូនក្មេង និងពីមនុស្សពេញវ័យ ឬក្មេងៗ ទៅកាន់មនុស្សមានវ័យចាស់ជាង គឺជាវប្បធម៍ជាយូរលង់ណាស់មកហើយរបស់ប្រទេសចិន ដែលអត្ថន័យដ៏ខ្លីគឺជាការជូនពរសំណាងល្អនិងជូនពរឱ្យសម្បូរទ្រព្យធនកាន់តែច្រើនឡើង។
ក្រៅពីនោះការជូនអាំងប៉ាវពីសំណាក់មនុស្សមានវ័យក្មេងទៅកាន់ក្រុមមនុស្សមានវ័យចំណាស់ វាក៏មានអត្ថន័យជាការជូនពរឱ្យពួកគេមានអាយុយឺនយូរ និងដើម្បីបង្ហាញពីការដឹងគុណចំពោះពួកគាត់ផងដែរ។ នៅក្នុងតំបន់ខ្លះទៀតក្នុងប្រទេសចិនមិនត្រឹមតែការជូនអាំងប៉ាវរវាងមនុស្សខុសជំនាន់គ្នានោះទេ ការជូនអាំងប៉ាវត្រូវបានធ្វើឡើងរវាងក្រុមមនុស្សដែលមានគ្រួសាររួចហើយទៅកាន់មិត្តភ័ក្តដែលមិនទាន់រៀបការក៏បានបង្ហាញអំពីការជូនពរឱ្យពួកគេជួបតែសំណាងក្នុងជីវិតផងដែរ។
មានរឿងនិទានជាច្រើនអំពីប្រវត្តិនៃការផ្តល់អាំងប៉ាវគ្នាទៅវិញទៅមក ដែលវាគឺជាជំនឿមួយផងដែររបស់ពលរដ្ឋចិន ៖
យោងតាមការនិទានខ្លះ គេបាននិយាយថា កាលពីបុរាណមកមានបិសាចដ៏ចម្លែកមួយក្បាលមានឈ្មោះថា Nian ដែលតែងតែចេញមកចាប់មនុស្សស៊ីជាអាហារជារៀងរាល់មួយឆ្នាំម្តង ដូចនេះហើយពលរដ្ឋចិនបានប្រើប្រាស់ពីធីជួបជុំគ្នា និងពិធីអបអរសាទរនៅរដូវកាលនេះ ទៅជាការបំភ័យបិសាចមួយក្បាលនោះ ហើយបន្ថែមលើសពីនេះ ឪពុកម្តាយបានជូនលុយទៅឱ្យកូនតូចៗរបស់ខ្លួននៅយប់ថ្ងៃនោះផងដែរ ក្នុងអត្ថន័យថា ពួកគេអាចប្រើប្រាស់លុយនេះទៅឱ្យបិសាច ដើម្បីជាថ្នូរនឹងការដែលមិនចាំបាច់ចាប់ពួកគេស៊ីផងដែរ។
នៅក្នុងរឿងនិទានបុរាណខ្លះវិញក៏បានពណ៍នាថា មានបិសាចមួយឈ្មោះថា Sui នឹងចេញមកពេលចូលឆ្នាំ ដើម្បីចាប់ហែកក្បាលកូនក្មេងស៊ីជាអាហារនៅពេលពួកគេគេង ដូចនេះឪពុកម្តាយត្រូវបន្តចាំយាមកូនៗរហូតពេញមួយយប់ ប៉ុន្តែគ្រាមួយនេះមានឪពុកម្តាយមួយគូបានជូនកូនពួកគេនូវកាក់តូចមួយ ដើម្បីលេង ហើយបន្ទាប់មកក៏បានដាក់វានៅក្បែរខ្នើយ ហើយនៅពេលដែលពួកគេងុយគេងខ្លាំងពេកក៏បានលង់លក់។ ដោយសារកាក់នោះបានចំណាំងផ្លាតភ្លើងទៅចំបិសាច Sui ធ្វើឱ្យរត់គេចបាត់នោះនៅថ្ងៃបន្ទាប់ ឪពុកម្តាយមួយគូនេះក៏បានរៀបចំកាក់ជាច្រើនដាក់ក្នុងស្រោមសំបុត្រក្រហមចែកជូនអ្នកភូមិផ្សេងទៀត ដើម្បីទុកការពារខ្លួនដែរ។ ទោះបីជាយ៉ាងណាក្តីរឿងរ៉ាវ និងប្រវត្តិនៃការជូនអាំងប៉ាវរបស់ពលរដ្ឋចិននេះនៅមានរឿងនិទានបុរាណជាច្រើន និងផ្សេងគ្នាជាច្រើនទៀត ដែលបានដំណាលមកខុសគ្នា ប៉ុន្តែជាទូទៅនាពេលេបច្ចុប្បន្នវាមិនត្រឹមតែបានក្លាយទៅជារឿងទូទៅសម្រាប់ពលរដ្ឋចិននោះទេ សូម្បីតែពលរដ្ឋនៃបណ្តាប្រទេសជាអ្នកកូនកាត់ចិន ឬប្រទេសដែលទទួលរងឥទ្ធិពលពីប្រទេសចិនផងដែរ៕
Account
Security
Favourite Content