សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពលរដ្ឋនៅជុំវិញពិភពលោកបច្ចុប្បន្នប្រមាណជា៦៧៥លាននាក់ដែលកំពុងរស់នៅដោយមិនមានភ្លើងអគ្គិសនីប្រើប្រាស់ត្រឹមត្រូវ ហើយទាំងអស់នេះជាកត្តាធ្វើឲ្យសេដ្ឋកិច្ចសកលបាត់បង់នូវផលិតភាព និងការអភិវឌ្ឍមួយចំណែកដ៏ធំ ខណៈដែលពិភពលោកកំពុងជួបបញ្ហាវិបត្តិថាមពលធ្ងន់ធ្ងរផងនោះ។
អាជីវកម្មកើតថ្មីមួយនៅក្នុងប្រទេសកូឡំប៊ី ដែលមានឈ្មោះថា E-DINA បានកំណត់បានបញ្ហាដ៏សំខាន់បំផុតមួយនេះហើយជាលទ្ធផលនៃកិច្ចខិតខំអភិវឌ្ឍ និងកែច្នៃទីបំផុតឧបករណ៍ផលិតថាមពលអគ្គិសនីដ៏អស្ចារ្យមួយត្រូវបានផលិតឡើង និងកំពុងទទួលបានជោគជ័យគួរជាទីមោទន ដោយរំពឹងទុកថានឹងអាចពង្រីកខ្លួនទៅជួយដល់មនុស្សរាប់រយលាននាក់ផ្សេងទៀតដែលកំពុងមានតម្រូវការ។
ឧបករណ៍ខ្នាតតូចទំហំប៉ុនដបទឹកដែលមានឈ្មោះថា Waterlight មានមុខងារច្រើន បូករួមទាំងជាអំពូលផង ដែលជាដុំផ្ទុកថាមពលអគ្គិសនី ហើយអាចប្រើប្រាស់បានដល់ទៅរយៈពេលដល់ទៅ៤៥ថ្ងៃដោយគ្រាន់តែចាក់បំពេញទឹកសមុទ្រឲ្យពេញក្នុងដបក្នុងមួយលើកតែប៉ុណ្ណោះ។
Waterlight ត្រូវបានចាត់ទុកថាជាអ្នកជំនាញផលិតថាមពលស្អាត និងមិនមានផលប៉ះពាល់ដល់បរិស្ថាន (Eco-friendly) ដែលមិនត្រឹមតែអាចដើរតួជាឧបករណ៍យកទៅកែច្នៃ និងប្រើប្រាស់ឡើងវិញនៅពេលដែលវាចាស់អាយុកាលនោះទេ វាថែមទាំងមិនមានបញ្ហាជម្រាបទឹកនោះទៀតផង ដែលសមស្របបំផុតសម្រាប់ពលរដ្ឋខ្វះខាតថាមពលអគ្គិសនីប្រើប្រាស់នៅតាមសហគមន៍ដាច់ស្រយាល និងពលរដ្ឋក្រីក្រខ្លាំង។
បច្ចុប្បន្នវាកំពុងត្រូវបានដាក់ឲ្យដំណើរការប្រើប្រាស់នៅតាមសហគមន៍ដាច់ស្រយាលមួយចំនួនក្នុងប្រទេសក្រីក្រដែលអាចជួយសម្រាលដល់កិច្ចការងាររបស់ពលរដ្ឋទាំងយប់ ទាំងថ្ងៃ ជាពិសេសការសិក្សារៀនសូត្ររបស់កុមារតូចៗពេលនៅផ្ទះផងដែរ ដោយ Waterlight មិនត្រឹមតែអាចដើរតួជាអំពូលទំហំ៥០០វ៉ាត់ប៉ុណ្ណោះទេ វាថែមទាំងអាចផ្តល់ជាថាមពលសាកថ្មសម្រាប់ទូរស័ព្ទថាមពលសម្រាប់ស្តាប់វិទ្យុផង ទូរទស្សន៍ផង។
គួរឲ្យដឹងដែរថា តាមរយៈផែនការនៃក្រុមហ៊ុនក្នុងចែកចាយឧបករណ៍នេះទៅកាន់ទីផ្សារនោះគេអាចរកទិញ Waterlight ស្ថិតនៅក្នុងតម្លៃប្រហែលជាពី ៦០ ទៅ ១០០ដុល្លារក្នុងមួយដប ហើយក្នុងនោះមានតែអង្គការសហគមក្រីក្រ និងរដ្ឋាភិបាលប៉ុណ្ណោះ ដែលអាចមានសិទ្ធិលក់បច្ចេកវិទ្យារបស់ E-DINA បាន៕
Account
Security
Favourite Content