សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមរបាយការណ៍ពី Mercy Corps ដែលជាអង្គការជំនួយមនុស្សធម៌ពិភពលោកបានចេញផ្សាយថា បញ្ហាកិច្ចព្រមព្រៀងសមុទ្រខ្មៅអាចធ្វើឱ្យអសន្តិសុខស្បៀងកាន់តែអាក្រក់នៅខាងមជ្ឈិមបូព៌ា និងអាហ្វ្រិកខាងជើង។
ទន្ទឹមនេះ ប្រទេសជាច្រើននៅក្នុងតំបន់ទាំងពីរនេះកំពុងជួបប្រទះវិបត្តិស្បៀងអាហារធ្ងន់ធ្ងរដោយសារតែគ្មានលទ្ធភាពទិញអាហារ និងរងផលប៉ះពាល់ទៅពីជម្លោះពាណិជ្ជកម្មនៅក្នុងសមុទ្រខ្មៅ។ លើសពីនេះ បញ្ហាកាន់តែអាក្រក់ទៅៗ ដោយសារការសន្យាផ្តល់មូលនិធិមនុស្សធម៌ និងការផ្គត់ផ្គង់ស្បៀងអាហារថយចុះជាបន្តបន្ទាប់។ ប្រទេសដែលរងគ្រោះខ្លាំងរួមមាន លីបង់ ស៊ីរី យេម៉ែន ហ្ស៊កដានី អ៊ីរ៉ាក់ ប៉ាឡេស្ទីន (West Bank និង Gaza)ទុយនីស៊ី អេហ្ស៊ីប។ និង តំបន់នៅអាហ្វ្រិកខាងជើង។
មិនត្រឹមតែប៉ុណ្ណោះ ជាមួយនឹងការកើនឡើងចំនួនប្រជាជន និងការកើនឡើងនៃតម្រូវការអាហារសំខាន់ៗ បណ្តាលឲ្យប្រទេសទាំងនោះត្រូវប្រឈមមុខនឹងអសន្តិសុខស្បៀងអស់ជាច្រើនទសវត្សរ៍មកហើយ។ កត្តាទាំងនេះបាននាំឱ្យប្រទេសមួយចំនួននៅទូទាំងមជ្ឈឹមបូព៌ា និងអាហ្វ្រិកខាងជើងពឹងផ្អែកខ្លាំង ទៅលើគ្រាប់ធញ្ញជាតិដែលនាំចូល ជាពិសេសការដឹកជញ្ជូនតាមសមុទ្រខ្មៅ។
ចាប់តាំងពីមានជម្លោះជាមួយនឹងអ៊ុយក្រែនមក រុស្ស៊ីបានបិទកំពង់ផែដោយរឹតបន្តឹងការដឹកជញ្ជូនគ្រាប់ធញ្ញជាតិពីអ៊ុយក្រែនទៅកាន់ពិភពលោកទាំងមូល។ កិច្ចព្រមព្រៀងសមុទ្រដែលជាកិច្ចព្រមព្រៀងរវាងប្រទេសទាំងពីរដែលត្រូវបានសម្របសម្រួលដោយអង្គការសហប្រជាជាតិ និងតួកគី ដែលបានដឹកជញ្ជូនស្បៀងអាហារចំនួន ៣២,៩ លានតោនចាប់តាំងពីត្រូវបានចុះហត្ថលេខានៅថ្ងៃទី ២២ ខែកក្កដា ឆ្នាំ ២០២២។ យ៉ាងណាមិញ នៅខែកក្កដា ឆ្នាំ២០២៣ រុស្ស៊ីបានបដិសេធមិនបន្តកិច្ចព្រមព្រៀងនេះទេបន្ទាប់ពីវាផុតកំណត់។
ក្នុងខែកក្កដាឆ្នាំនេះ ឥណ្ឌាក៏បានហាមឃាត់ការនាំចេញអង្ករដើម្បីការពារការផ្គត់ផ្គង់ក្នុងស្រុកផងដែរ។ បន្ថែមពីនេះ បញ្ហាស្បៀងអាហារកើតឡើងក្នុងពេលតែមួយអាចនឹងនាំឱ្យមានការចាប់ផ្តើមនៃយុគសម័យអតិផរណាអាហារមិនធ្លាប់ពីមុនមកនៅក្នុងតំបន់មជ្ឈិមបូព៌ា និងអាហ្វ្រិកខាងជើង។
យោងតាមរបាយការណ៍ដដែល បានលើកឡើងថា ប្រទេសស៊ីរី លីបង់ និងយេម៉ែន ទំនងជាទទួលរងផលប៉ះពាល់ខ្លាំងបំផុតពីបញ្ហាសមុទ្រខ្មៅ ដោយសារពួកគេពឹងផ្អែកយ៉ាងខ្លាំងលើគ្រឿងឧបភោគបរិភោគដែលបាននាំចូល ភាពផុយស្រួយរបស់រដ្ឋ អស្ថិរភាពនយោបាយ បញ្ហាសេដ្ឋកិច្ច សក្តានុពលនៃផលិតកម្មក្នុងស្រុកនៅមានកម្រិត។ លើសពីនេះផងដែរ ការដឹកជញ្ជូនគ្រាប់ធញ្ញជាតិពីរុស្ស៊ី និងអ៊ុយក្រែន ជាប្រភពស្បៀងអាហារសម្រាប់ប៉ាឡេស្ទីន ទុយនីស៊ី និងអេហ្ស៊ីបយូរណាស់មកហើយ។ ជាងនេះទៅទៀត ម៉ាក្រូសេដ្ឋកិច្ចដ៏ផុយស្រួយនៅប្រទេសទាំងនោះជំរុញឱ្យតម្លៃទំនិញឡើងថ្លៃ និង ធ្វើឱ្យពួកគេងាយរងគ្រោះពីវិបត្តិស្បៀងអាហារ៕
Account
Security
Favourite Content