សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថាបនិកនៃក្រុមហ៊ុនបណ្តាញទំនាក់ទំនងដ៏ល្បី Telegram លោក Pavel Durov ត្រូវបានអជ្ញាធរបារាំងចាប់ខ្លួនកាលពីថ្ងៃសៅរ៍ម្សិលមិញនេះ នៅពេលដែលគាត់កំពុងបង្ហាញវត្តមាននៅឯអាកាសយានដ្ឋាន Bourget ជាមួយនឹងជើងហោះហើរឯកជនរបស់លោក។
បុរសជនជាតិរុស្ស៊ីកាន់លិខិតឆ្លងដែន២គឺបារាំងផង និងសហភាពអារ៉ាប់ផង ហើយក៏ត្រូវបានគេស្គាល់គ្រប់គ្នាថាជាមហាសេដ្ឋីមានប្រាក់ពាន់លានដុល្លាររូបនេះ ទើបតែបានធ្វើដំណើរមកពីប្រទេស Azerbaijan ហើយចុះចតនៅអាកាសយានដ្ឋានដែលស្ថិតនៅក្រៅទីក្រុងប៉ារីសត្រឹមតែប៉ុន្មាននាទី និងត្រូវបានចាប់ឃាត់ខ្លួននៅវេលាម៉ោងប្រមាណជា៨យប់ម៉ោងក្នុងស្រុកបារាំង។
តុលាការនឹងបើកសវនាការភ្លាមដែរនៅថ្ងៃអាទិត្យនេះដើម្បីកាត់ទោស លោក Pavel លើករណីចោទប្រកាន់ថា Telegram បើកផ្តល់សិទ្ធសេរីខ្លាំងពេកដែលអាចអនុញ្ញាតឲ្យឧក្រិដ្ឋជនក្នុងការបង្កើតគ្រុបទំនាក់ទំនង និងគ្រប់គ្រងបណ្តាញរបស់ពួកគេ។
គួរឲ្យដឹងដែរថា ក្រោយការចាប់ខ្លួននេះបានបន្តិច ប្រទេសរុស្ស៊ីបានធ្វើការទាមទារឱ្យមានការដោះលែងជាបន្ទាន់នូវស្ថាបនិក Telegram លោក Pavel Durov ហើយការស្នើសុំនេះត្រូវបានធ្វើឡើងដោយផ្ទាល៉ពីសំណាក់អនុប្រធានសភារុស្ស៊ី លោក Vladislav Davankov ។
លោក Pavel មានវ័យ ៣៩ឆ្នាំ បច្ចុប្បន្នកំពុងរស់នៅអចិន្ត្រៃយ៍នៅទីក្រុងឌុបៃ ដែលជាទីស្នាក់ការកណ្តាលនៃក្រុមហ៊ុន Telegram ជាមួយនឹងទ្រព្យសម្បត្តិប្រមាណជា ១៥,៥ពាន់លានដុល្លារ។
លោកបានបង្ខំចិត្តចាកចេញពីប្រទេសរុស្ស៊ីកាលពីឆ្នាំ២០១៤ ក្រោយការទាមទារពីសំណាក់រដ្ឋាភិបាលរុស្ស៊ីក្នុងការបិទដំណើរការរបស់ Telegram ដែលជាក្រុមហ៊ុនមានការប្រកួតប្រជែងខ្លាំងជាមួយនឹងបណ្តាញសង្គមដ៏ធំរបស់រុស្ស៊ី VK ទាំងដែលបណ្តាញសង្គមនេះក៏ជាអ្វីដែលលោកបានបង្កើតឡើង ហើយលក់ចេញរួចទៅហើយកាលពីមុន៕
Account
Security
Favourite Content