សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បច្ចេកវិទ្យាកាន់តែទំនើប សង្គ្រាមនាពេលអនាគតកាន់តែគ្រោះថ្នាក់ខ្លាំងចំពោះមនុស្សជាតិ ជាពិសេសសម្រាប់កងម្លាំងយោធាជួរមុខដែលត្រូវចូលរួមប្រយុទ្ធ។ យ៉ាងណាក្តី មានអត្ថបទមួយគួរឲ្យចាប់អារម្មណ៍ដែលត្រូវបានរៀបចំដោយ The Interesting Engineering បានរាយការណ៍ថាកម្លាំងកងទ័ពអាកាសចិនបាន និងកំពុងធ្វើការហ្វឹកហាត់ពីឡុតដែលជាអ្នកបើកយន្តហោះចម្បាំងរបស់ខ្លួនជាច្រើននាក់ជាមួយនឹងវិធីសាស្ត្របែបបុរាណមួយប្រភេទដើម្បីត្រៀមខ្លួនក្នុងការប្រយុទ្ធនៅក្នុងសង្គ្រាមដ៏ទំនើបនាពេលអនាគត។
ប្រភពដដែលនេះបានសរសេរថា ចិនបានប្រើប្រាស់វិធីសាស្ត្រហាត់គុណបុរាណមួយដែលគេស្គាល់ថា Qigong ដោយសង្ឃឹមថាវានឹងអាចជួយបង្កើនសមត្ថភាពរបស់ពីឡុតនៅក្នុងពេលហោះហើរ និងប្រយុទ្ធគ្រប់ប្រភេទបូករួមទាំងការប្រយុទ្ធជាមួយនឹងយន្តហោះដ្រូនទៀតផងដែលបច្ចុប្បន្នមានពីឡុតជួរមុខនៃកម្លាំងទ័ពអាកាសចិនចំនួន៥០រូបបានចូលរួមក្នុងវគ្គហ្វឹកហ្វឺនថ្មីនេះ។
ការហ្វឹកហាត់តាមបែប Qigong នឹងអាចជួយបង្កើនថាមពលស្នូលរបស់រាង្គកាយ ជាពិសេសការវិវឌ្ឍទៅនៃសាច់ដុំ។ តាមការវិភាគគេរកឃើញថា ពីឡុតដែលបានចូលរួមហ្វឹកហាត់តាមបែបបុរាណនេះទទួលបានលទ្ធផលល្អ និងមានប្រសិទ្ធភាពជាងការហ្វឹកហាត់តាមបែបអឺរ៉ុប។
Qigong គឺជាយុទ្ធគុណចិនដែលមានអាយុកាលជាង១,០០០ឆ្នាំមកហើយ។ ការហ្វឹកហាត់អាចជួយបង្កើនផ្នែកបញ្ញាស្មារតីបានខ្លាំងបើទោះជាសកម្មភាពហ្វឹកហាត់មានសភាពយឺតៗ មួយៗក្តី ដែលជាទូទៅអ្នកហ្វឹកហាត់ Qigong តែងតែទទួលបានសុខភាពល្អ មានសាច់ដុំរឹងមាំ និងរក្សាតុល្យភាពរាង្គកាយបានខ្ពស់។
គួរឲ្យដឹងដែរថា ពីឡុតចិនដែលបានចូលរួមហ្វឹកហាត់ទាំងអស់ត្រូវបានគេមើលឃើញថា បានទទួលបាននូវភាពរឹងមាំជាងមុននៃសាច់ដុំរបស់ពួកគេដល់ទៅ១៥ភាគរយជាងការហ្វឹកហាត់ធម្មតា ជាពិសេសនៅក្នុងសាច់ដុំសំខាន់ៗព្រមទាំងសាច់ដុំចង្កេះ និងខ្នងផងដែរ។
រំលឹកដែរថា ចិន គឺជាប្រទេសដែលមានកម្លាំងទ័ពអាកាសធំជាងគេបំផុតនៅក្នុងតំបន់ឥណ្ឌូប៉ាស៊ីហ្វិក និងឈរនៅលេខរៀងទី៣ របស់ពិភពលោក ខណៈដែលបច្ចុប្បន្នយន្តហោះចម្បាំងរបស់ចិនមានប្រហែលជាង ២ ៤០០គ្រឿង៕
Account
Security
Favourite Content