សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា សហរដ្ឋអាម៉េរិកនឹងកាត់បន្ថយពន្ធលើកញ្ចប់អីវ៉ាន់ ឬមុខទំនិញតូចៗ ឬ “de minimis” ដែលនាំចូលពីប្រទេសចិន ក្នុងកម្រិតពី ១២០% មកចុះមកនៅត្រឹម ៥៤%វិញ។
ថ្មីៗនេះ ប្រធានាធិបតីសហរដ្ឋអាម៉េរិក Donald Trump បានយល់ព្រមកាត់បន្ថយពន្ធលើកញ្ចប់ទំនិញតូចៗ ឬ “de minimis” ដែលដឹកជញ្ជូនពីចិនដីគោក និងហុងកុង មកកាន់អាម៉េរិក។ យោងទៅតាមសេចក្តីថ្លែងការរបស់សេតវិមានបានឲ្យដឹងថា អាម៉េរិក នឹងកាត់បន្ថយពន្ធលើទំនិញកញ្ចប់តូចៗពី ១២០% មកត្រឹម ៥៤% ដែលនឹងចាប់ផ្តើមពីថ្ងៃទី ១៣ ខែឧសភា តទៅ (ថ្ងៃទី ១៤ នៅអាស៊ី) ដោយតម្លៃដឹកជញ្ជូនថយចុះនៅសល់ត្រឹម ១០០ ដុល្លារក្នុងមួយជើង។
កាលពីមុន អាម៉េរិកលើកលែងលើកញ្ចប់ទំនិញតូចៗ ឬ de minimis ពីប្រទេសចិនដោយមិនគិតពន្ធ និងត្រូវបានត្រួតពិនិត្យតិចតួចប៉ុណ្ណោះ។ កញ្ចប់ទំនិញតូចៗទាំងនោះត្រូវបានបង្រួបបង្រួមចូលគ្នា ដើម្បីខាងគយអាចបោសម្អាតកញ្ចប់រាប់ពាន់ក្នុងពេលតែមួយ។ ក្នុងប៉ុន្មានឆ្នាំថ្មីៗនេះ ចំនួននៃការនាំចូលទំនិញអនឡាញមកកាន់សហរដ្ឋអាមេរិកបានកើនឡើងខ្លាំងក្លា ដោយច្រើនជាង ៩០ ភាគរយនៃកញ្ចប់ទាំងអស់គឺជាកញ្ចប់ទំនិញតូចៗ ឬ de minimis ។ ក្នុងចំណោមនោះ ប្រហែល ៦០ ភាគរយមានប្រភពមកពីប្រទេសចិន។ កាលពីខែកុម្ភៈ ប្រធានាធិបតី Donald Trump បញ្ឈប់ការលើកលែងនេះដោយបានដាក់ពន្ធចំនួន ១២០% នៃតម្លៃកញ្ចប់ ឬ មានតម្លៃ ២០០ ដុល្លារក្នុងមួយជើង ដែលគ្រោងនឹងចូលជាធរមាននៅខែមិថុនា។ កញ្ចប់តូចៗ ‘de minimis’ ទាំងអស់ពីប្រទេសចិន និងហុងកុងចាំបាច់ត្រូវមានឯកសារគយមុនពេលមកដល់ ហើយទំនិញដែលគ្មានឯកសារនេះនឹងត្រូវបញ្ជូនត្រឡប់ទៅវិញ។ ផែនការដាក់ពន្ធនេះប៉ះពាល់ខ្លាំងដល់ក្រុមហ៊ុនលក់អីវ៉ាន់អនឡាញដូចជា Shein, Temu, និងក្រុមហ៊ុន e-commerce ផ្សេងទៀត។
គួរឲ្យបញ្ជាក់ដែរថា ច្បាប់ de minimis របស់សហរដ្ឋអាម៉េរិកសម្រាប់លើកលែងលើការនាំចូលកញ្ចប់ទំនិញតូចៗត្រូវបានបង្កើតឡើងនៅឆ្នាំ ១៩៣៨ ប៉ុន្តែត្រូវបានរិះគន់យ៉ាងខ្លាំងពីទាំងគណបក្សប្រជាធិបតេយ្យ និងគណបក្សសាធារណរដ្ឋ។ អ្នកខ្លះយល់ថា វាគឺជាចន្លោះប្រហោងដែលអនុញ្ញាតឱ្យផលិតផលចិនមានតំលៃថោកចូលសហរដ្ឋអាមេរិក ដែលប៉ះពាល់ដល់ឧស្សាហកម្មក្នុងប្រទេស ហើយត្រូវបានប្រើក្នុងរូបភាពខុសច្បាស់ដូចជា ការនាំចូលគ្រឿនញៀន និងសារធាតុគីមីជាដើម៕
Account
Security
Favourite Content