សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា សហរដ្ឋអាម៉េរិក និងសហភាពអឺរ៉ុប បានឈានដល់កិច្ចព្រមព្រៀងពាណិជ្ជកម្ម ដោយ Donald Trump ព្រមបន្ទាបពន្ធពី ៣០% មកត្រឹម ១៥%។
កាលពីថ្ងៃអាទិត្យកន្លងទៅនេះ ប្រធានាធិបតីអាម៉េរិក Donald Trump បានជួបប្រជុំជាមួយនឹងប្រធានគណៈកម្មការអឺរ៉ុប Ursula von der Leyen និងបានសម្រេចលើកិច្ចព្រមព្រៀងក្នុងរយៈពេលប្រហែលមួយម៉ោង។ Trump បានប្រកាសថា អាម៉េរិកនឹងបន្ទាបពន្ធមកត្រឹម ១៥% លើការនាំចូលពីសហភាពអឺរ៉ុបរួមមាន វិស័យរថយន្តដ៏សំខាន់របស់អឺរ៉ុប ឱសថ និងគ្រឿងអេឡិចត្រូនិក ដែលនឹងអនុវត្តចាប់ពីថ្ងៃទី ១ ខែសីហា។
នៅក្នុងផ្នែកមួយនៃកិច្ចព្រមព្រៀងនេះ Trump បាននិយាយថា សហភាពអឺរ៉ុបដែលមាន ២៧ ប្រទេសបានយល់ព្រមទិញថាមពលពីសហរដ្ឋអាម៉េរិកក្នុងទំហំ ៧៥០ ពាន់លានដុល្លារ និងពង្រីកការវិនិយោគបន្ថែមចំនួន ៦០០ ពាន់លានដុល្លារ។ Trump ក៏បានលើកឡើងផងដែរថា បណ្តាប្រទេស សហភាពអឺរ៉ុប ថ្មីៗនេះបានសន្យាបង្កើនការចំណាយលើវិស័យការពារជាតិរបស់ពួកគេនៅក្នុងអង្គការ NATO ដោយត្រូវទិញសព្វាវុធយោធាដែលមានតម្លៃរាប់រយពាន់លានដុល្លារ។
លោកស្រិ Von der Leyen បាននិយាយថា ការទិញដ៏សំខាន់នៃឧស្ម័នធម្មជាតិរាវ ប្រេង និងឥន្ធនៈ នុយក្លេអ៊ែររបស់អាម៉េរិកនឹងកើតឡើងក្នុងរយៈពេល ៣ ឆ្នាំ ដែលជាផ្នែកមួយនៃការដេញថ្លៃរបស់តំបន់ ដើម្បីធ្វើពិពិធកម្មឆ្ងាយពីប្រភពរុស្ស៊ី។ ការចរចាក្នុងនាមជាតំណាងប្រទេសចំនួន ២៧ របស់សហភាពអឺរ៉ុប លោកស្រីក៏កំពុងខិតខំប្រឹងប្រែងក្នុងការរក្សារទំនាក់ទំនងពាណិជ្ជកម្មដែលមានតម្លៃ ១,៩ ទ្រីលានដុល្លារប្រចាំឆ្នាំ។ លើសពីនេះ លោកស្រីយល់ឃើញថា វាជាកិច្ចព្រមព្រៀងដ៏ល្អ ដែលនឹងនាំមកនូវស្ថេរភាព និងការព្យាករណ៍ទុកមុន ដែលមានសារៈសំខាន់ខ្លាំងណាស់សម្រាប់អាជីវកម្មរបស់ភាគីទាំងពីរ។ លោកស្រីបន្ថែមថា ការលើកលែងពន្ធទ្វេភាគីត្រូវបានព្រមព្រៀងលើផលិតផលយុទ្ធសាស្ត្រជាពិសេសយន្តហោះ សារធាតុគីមី ផលិតផលកសិកម្មមួយចំនួន និងវត្ថុធាតុដើមសំខាន់ៗ។
យ៉ាងណាក៏ដោយ ទោះបីជាសហភាពអឺរ៉ុបសង្ឃឹមថា កិច្ចព្រមព្រៀងអាចឈានដល់ “សូន្យ និងសូន្យ” ជាពិសេសសម្រាប់គ្រឿងស្រវឹង ដែលនឹងត្រូវបានដោះស្រាយចេញនៅប៉ុន្មានថ្ងៃខាងមុខនេះក្ដី ប៉ុន្តែពួកគេអាចទទួលយកនូវការដាក់ពន្ធ ១៥% ពី Trump ។ គួរឲ្យបញ្ជាក់ដែរថា សហភាពអឺរ៉ុប រងការវាយប្រហារដោយពន្ធរបស់ Trump ជាច្រើនលើកច្រើនសារ ចាប់តាំងពីលោក Trump ឡើងកាន់តំណែងជាលើកទី២ ។ ចាប់តាំងពី Trump ប្រកាសពន្ធមក តំបន់នេះស្ថិតក្នុងការដាក់ពន្ធពីអាម៉េរិក ២៥% លើរថយន្ត, ៥០% លើដែក និងអាលុយមីញ៉ូម, និងពន្ធឆ្លងព្រំដែន ១០% ដែលទីក្រុងវ៉ាស៊ីនតោនគំរាមដំឡើងដល់ ៣០% ក្នុងសេណារីយ៉ូដែលគ្មានកិច្ចព្រមព្រៀង៕
Account
Security
Favourite Content