សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកឧត្តមឧបនាយករដ្ឋមន្ត្រី សាយ សំអាល់ បានជំរុញ និងលើកទឹកចិត្តដល់ថ្នាក់ដឹកនាំ និងមន្ត្រីក្រោមឱវាទរបស់ក្រសួងរៀបចំដែនដី នគរូបនីយកម្ម និងសំណង់ ត្រូវពង្រឹងសមត្ថភាព បង្កើនជំនាញរបស់ខ្លួនបន្ថែមទៀតលើកិច្ចការស្នូលរបស់ក្រសួង ដោយក្នុងនោះមានគោលនយោបាយសម្បទានដើម្បីសង្គម និងសេដ្ឋកិច្ច, លំនៅឋាន, ឧស្សាហកម្មដែលទាក់ទិននឹងវិស័យទទួលបន្ទុករបស់ក្រសួង, និងត្រូវចូលរួមគិតគូរអំពីនយោបាយ និងសង្គម ។
ការជំរុញរបស់ឯកឧត្តម សាយ សំអាល់ ធ្វើឡើងក្នុងវគ្គបណ្ដុះបណ្ដាលស្ដីពីសមិទ្ធផល និងទិសដៅការងាររៀបចំដែនដី និងនគរូបនីយកម្ម ក្នុងអាណត្តិទី៧ ដែលបានធ្វើឡើងនៅទីស្ដីការក្រសួង នារសៀលថ្ងៃទី២៩ ខែកក្កដា ឆ្នាំ២០២៥។ នៅក្នុងឱកាសនោះដែរ ឯកឧត្តមឧបនាយករដ្ឋមន្ត្រីក៏បានថ្លែងអំណរគុណ ចំពោះឯកឧត្តម ថេង ចន្ទសង្វា រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ ដែលជានិច្ចកាលតែងតែបានគិតគូរអំពីការកសាងអ្នកបន្តវេន ។
ឯកឧត្តមឧបនាយករដ្ឋមន្ត្រី បានបញ្ជាក់ថា ៖ មិនមានពេលណាដែលប្រជាជនកម្ពុជាមានភាពសាមគ្គីស្រុះដៃគ្នាដូចពេលនេះទេ ក្នុងពេលដែលកម្ពុជាកំពុងប្រឈមនឹងការឈ្លានពានពីប្រទេសជិតខាងដែលមានចេតនាក្នុងការរារាំងបង្អាក់ដល់ការអភិវឌ្ឍន៍របស់កម្ពុជា។ ដូច្នេះ ឯកឧត្តម បានជំរុញលើកទឹកចិត្តដល់ថ្នាក់ដឹកនាំ និងមន្ត្រីក្រោមឱវាទក្រសួងត្រូវពង្រឹងសមត្ថភាព បង្កើនជំនាញរបស់ខ្លួនបន្ថែមទៀតលើកិច្ចការស្នូលរបស់ក្រសួងក្នុងនោះមាន គោលនយោបា យសម្បទានដើម្បីសង្គមនិងសេដ្ឋកិច្ច, លំនៅឋាន, ឧស្សាហកម្មដែលទាក់ទិននឹងវិស័យទទួលបន្ទុករបស់ក្រសួង, និងត្រូវចូលរួមគិតគូរអំពីនយោបាយ និងសង្គម ។
ឯកឧត្តមឧបនាយករដ្ឋមន្ត្រី បានគូសបញ្ជាក់ថា ក្នុងអាណត្តិទី៧ នេះ សមរភូមិទី១ របស់ក្រសួងគឺការរៀបចំផ្ទះសម្បែងឲ្យមានរបៀបរៀបរយ មានន័យថា ត្រូវបន្តនិរន្តរភាពការងារ និងធានាឱ្យមានដំណើរការស្ថាប័ន, រក្សាស្មារតីសតិអារម្មណ៍របស់មន្ត្រីរាជការ, មានសាមគ្គី និងឯកភាពផ្ទៃក្នុង, កសាងជំនឿទុកចិត្ត, កសាងពូនជ្រុំរដ្ឋបាលសាធារណៈទំនើប,ឆ្លាតវៃ និងវាងវៃ ហើយការបើកវគ្គបណ្ដុះបណ្ដាលនាពេលនេះគឺជាចំណុចមួយនៅក្នុងការកសាងពូនជ្រុំរដ្ឋបាលសាធារណៈទំនើប ពង្រឹងសមត្ថភាពស្ថាប័នដោយធ្វើការឆ្លើយតបទៅនឹងអ្វីដែលជាតម្រូវការរបស់ប្រជាពលរដ្ឋ, ពង្រឹងសមត្ថភាពមន្ត្រី, ថវិកា និងហិរញ្ញវត្ថុ, ប្រព័ន្ធលើកទឹកចិត្ត,ការងារអប់រំផ្សព្វផ្សាយ ។
ជាមួយនេះ ក្រសួងបានដាក់ចេញនូវគោលនយោបាយបង្កើតបរិយាកាសគ្មានវិវាទនៅក្នុងប្រទេសកម្ពុជា ដោយក្នុងនោះមានការចុះបញ្ជីដីធ្លីបង្ហើយ, ដោះស្រាយវិវាទដីធ្លី, សេវាគាប់ចិត្តតាមប្រព័ន្ធអនឡាញ, ការដោះស្រាយវិវាទនៅតំបន់បឹងទន្លេសាប, ការដោះស្រាយវិវាទនៅតំបន់បេតិកភណ្ឌពិភពលោកអង្គរ, និងការដោះស្រាយវិវាទនៅបុរី។ ក្រៅពីកិច្ចការទាំងនេះ ក្រសួងក៏បានគិតគូរអំពីការរៀបចំផែនការមេដើម្បីកែលម្អទីក្រុង ទីប្រជុំជនឱ្យកាន់តែល្អប្រសើរសម្រាប់បង្កើនចំណូលសេដ្ឋកិច្ចគ្រួសារប្រជាពលរដ្ឋ និងសេដ្ឋកិច្ចជាតិបន្ថែមទៀតផងដែរ។ ក្រសួងរៀបចំដែនដី នគរូបនីយកម្ម និងសំណង់ ត្រូវអនុវត្តកិច្ចការទាំងនេះអោយបានជោគជ័យដើម្បីឱ្យកម្ពុជារស់រានមានជីវិត ហើយរស់ជារៀងរហូត ៕
Account
Security
Favourite Content