សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ភ្ញៀវទេសចរ ឬអ្នកធ្វើដំណើរជនជាតិចិនរាប់សែននាក់ បានលុបចោលសំបុត្រយន្តហោះទៅកាន់ប្រទេសជប៉ុន ដោយសារជម្លោះការទូតកាន់តែមានភាពតានតឹងពាក់ព័ន្ធនឹងគោលជំហររបស់ជប៉ុនចំពោះតៃវ៉ាន់ នេះបើយោងតាមសេចក្ដីរាយការណ៍ពី The Guardian ។
កាលពីថ្ងៃអាទិត្យ កន្លងទៅនេះ នាយករដ្ឋមន្ត្រីជប៉ុន លោកស្រី Sanae Takaichi បានលើកឡើងថា ប្រសិនបើ ចិន ប៉ុនប៉ងឈ្លានពានតៃវ៉ាន់ នោះអាចនឹងប៉ះពាល់ដល់ជប៉ុន។ ការអធិប្បាយរបស់លោកស្រីបានធ្វើឲ្យរដ្ឋាភិបាលចិនខឹងសម្បារ ហើយបានព្រមាន និងហាមដល់ពលរដ្ឋចិនដែលចង់ទៅប្រទេសជប៉ុន។ ទន្ទឹមនឹងនេះ ក្រុមហ៊ុនអាកាសចរណ៍ចិនចំនួន ៧ បានលុបចោលសំបុត្រយន្តហោះ (free cancellation) ទៅកាន់ប្រទេសជប៉ុន។
លោក Hanming Li ដែលជាអ្នកជំនាញផ្នែកសេវាជើងហោះហើរបានប៉ាន់ប្រមាណថា សំបុត្រយន្តហោះទៅកាន់ប្រទេសជប៉ុនដែលត្រូវបានលុបចោលមានសរុបប្រមាណ ៥ សែនសំបុត្រដោយប្រតិបត្តិការហោះហើរនឹងត្រូវធ្វើឡើងនៅចន្លោះថ្ងៃទី ១៥ និង ១៧ ខែវិច្ឆិកា។ នេះគឺជាការលុបចោលជើងហោះហើរដ៏ធំបំផុតចាប់តាំងពីការរាតត្បាតជំងឺកូវីដ ប៉ុន្តែវាប្រហែលជាមានផលប៉ះពាល់តិចតួចប៉ុណ្ណោះលើឧស្សាហកម្មក្នុងស្រុករបស់ប្រទេសចិន។ គួរឲ្យបញ្ជាក់ដែរថា ចិន គឺជាប្រភពភ្ញៀវទេសចរធំទី២ របស់ជប៉ុន និងមាននិស្សិតជាច្រើនទៅសិក្សានៅទីនោះ។
លើសពីនេះ ក្រុមហ៊ុនអាកាសចរណ៍ចិន Sichuan Airlines បានលុបចោលជើងហោះហើរទាំងអស់រវាងទីក្រុង Chengdu និង Sapporo របស់ជប៉ុន ខណៈដែលក្រុមហ៊ុនអាកាសចរណ៍ Spring Airlines ក៏បានលុបចោលជើងហោះហើរជាច្រើនទៅកាន់ជប៉ុនផងដែរ។ ទីភ្នាក់ងារទេសចរណ៍ខ្លះបានបញ្ឈប់ដំណើរការនៃការដាក់ពាក្យស្នើសុំទិដ្ឋាការរបស់ពលរដ្ឋចិនដែលធ្វើដំណើរទៅកាន់ប្រទេសជប៉ុន ខណៈដែលព្រឹត្តិការណ៍ឆ្លាស់វប្បធម៌ជប៉ុន-ចិនមួយចំនួនត្រូវបានលុបចោលផងដែរ។ បន្ថែមពីនេះ អ្នកចែកចាយភាពយន្តនៅក្នុងប្រទេសចិនបានផ្អាកការបញ្ចាំងភាពយន្តជប៉ុន ខណៈដែលការលក់សំបុត្ររឿងល្បីៗទើបនឹងចេញ ដូចជា Demon Slayer: Infinity Castle បានធ្លាក់ចុះខ្លាំងក្នុងរយៈពេលប៉ុន្មានថ្ងៃនេះ។
សូមជម្រាបថា ជម្លោះការទូតរវាងរដ្ឋាភិបាលចិន និងជប៉ុន នេះបានធ្វើឱ្យក្រុមធុរកិច្ចជប៉ុនមានភាពច្របូកច្របល់ ខណៈដែលអ្នកដឹកនាំឧស្សាហកម្មបានជំរុញឲ្យលោកស្រី Takaichi នាយករដ្ឋមន្ត្រីជប៉ុន បន្ធូរបន្ថយភាពតានតឹង។ កាលពីថ្ងៃចន្ទ សប្ដាហ៍នេះ ទីក្រុងតូក្យូ បានបញ្ជូនមន្ត្រីក្រសួងការបរទេសកំពូលម្នាក់ លោក Masaaki Kanai ទៅកាន់ទីក្រុងប៉េកាំងក្នុងគោលបំណងដើម្បីជជែកពិភាក្សា ឈានទៅរកការបន្ធូរបន្ថយកំដៅ និងភាពតានតឹង៕
Account
Security
Favourite Content