ស្វែងយល់ពីស្ថាប័នហិរញ្ញវត្ថុល្អបំផុតទាំង ១០ នៅលើពិភពលោក

បរទេស ៖ ស្ថាប័នហិរញ្ញវត្ថុមានដូចជាធនាគារ ក្រុមហ៊ុនកាតឥណទាន ក្រុមហ៊ុនធានារ៉ាប់រង ក្រុមហ៊ុនគណនេយ្យ ឈ្មួញជើងសារមូលបត្រ និងស្ថាប័នហិរញ្ញវត្ថុដទៃទៀតដែលមានឯកទេសក្នុងការផ្តល់ជូនសេវាកម្មហិរញ្ញវត្ថុតាមភាពខុសប្លែកគ្នារៀងៗខ្លួន។ វាពិបាកក្នុងការស្វែងរកក្រុមហ៊ុនមួយដែលជាប់ចំណាត់ថ្នាក់ជាក្រុមហ៊ុនទី ១ នៅក្នុងបញ្ជីនៃស្ថាប័នហិរញ្ញវត្ថុល្អបំផុតទាក់ទងនឹងសេវាកម្មគ្រប់បែបយ៉ាង។

គេមានលក្ខណៈវិនិច្ឆ័យជាច្រើនប្រភេទសម្រាប់ការរៀបចំណាតថ្នាក់ក្រុមហ៊ុនហិរញ្ញវត្ថុ ហើយនេះជាមូលហេតុដែលអ្នកនឹងឃើញថាបញ្ជីចំណាត់ថ្នាក់ឈ្មោះក្រុមហ៊ុនទាំងនេះមិនដូចគ្នា។ ការរៀបចំណាត់ថ្នាក់ខ្លះផ្អែកលើតម្លៃមូលធននៃស្ថាប័នហិរញ្ញវត្ថុ រីឯខ្លះទៀតរៀបចំណាត់ថ្នាក់ផ្អែកលើទ្រព្យសម្បត្តិសរុបឬចំណូលប្រចាំឆ្នាំ។ ខាងក្រោមនេះជាគ្រឹះស្ថានហិរញ្ញវត្ថុកំពូលទាំង ១០ដែលត្រូវបានរៀបចំណាត់ថ្នាក់តាមចំណូលប្រចាំឆ្នាំរបស់ពួកគេ។

១០. Fannie Mae ៖ ស្ថាប័ននេះត្រូវបានគេស្គាល់ជាផ្លូវការថា ជាសមាគមប្រាក់កម្ចីជាតិសហព័ន្ធ (Federal National Mortgage Association) ដែលគេហៅកាត់ថា FNMA ។ ប៉ុន្តែជាទូទៅគេស្គាល់ស្ថាប័ននេះក្រោមឈ្មោះថា Fannie Mae ដែលត្រូវបានបង្កើតឡើងក្នុងឆ្នាំ ១៩៣៨។ ក្រុមហ៊ុននេះមានជំនាញក្នុងការផ្តល់សេវាកម្មវិនិយោគ ហើយមានទីស្នាក់ការកណ្តាលនៅរដ្ឋធានីវ៉ាស៊ីនតោន សហរដ្ឋអាមេរិក។ Fannie Mae មានប្រាក់ចំណូលប្រចាំឆ្នាំប្រមាណ ២២,៩ ពាន់លានដុល្លារ។

៩. ING Group ៖ ING Group មានឈ្មោះពេញថា Internationale Nederlanden Groep ។ ស្ថាប័ននេះមានជំនាញក្នុងការផ្តល់ជូនសេវាកម្មធនាគារ និងហិរញ្ញវត្ថុ។ សាជីវកម្មនេះត្រូវបានបង្កើតឡើងក្នុងឆ្នាំ ១៩៩១ ហើយមានទីស្នាក់ការកណ្តាលនៅទីក្រុងអាំស្ទែរដាំប្រទេសហូឡង់។ វាត្រូវបានជាប់ចំណាត់ថ្នាក់ជាក្រុមសេវាកម្មធនាគារ និងហិរញ្ញវត្ថុធំបំផុតផ្អែកលើប្រាក់ចំណូល ដែលប្រាក់ចំណូលប្រចាំឆ្នាំមានប្រមាណ ៥៧.៧៧ ពាន់លានដុល្លារ។

៨. Santander Group ៖ Santander Group គឺជាក្រុមធនាគារមួយដែលត្រូវបានបង្កើតឡើងនៅឆ្នាំ ១៨៥៧ មានទីស្នាក់ការកណ្តាលនៅ Santander ប្រទេសអេស្ប៉ាញ។ ស្ថាប័ននេះមានចំណូលប្រចាំឆ្នាំប្រមាណ ៥៨.២៥ ពាន់លានដុល្លារអាមេរិក ដែលត្រូវបានចាត់ថ្នាក់ជាក្រុមធនាគារធំបំផុតនៅលើពិភពលោកដោយផ្អែកលើតម្លៃមូលធនទីផ្សារ និងជាធនាគារធំបំផុតនៅតំបន់អឺរ៉ុបផងដែរ ផ្អែកលើតម្លៃទីផ្សារ។

៧. BNP Paribas ៖ BNP Paribas គឺជាក្រុមហ៊ុនសេវាកម្មហិរញ្ញវត្ថុ និងជាធនាគារមួយដែលត្រូវបានបង្កើតឡើងក្នុងឆ្នាំ២០០០។ ស្ថាប័ននេះមានទីស្នាក់ការកណ្តាលនៅ Boulevard des Italiens ទីក្រុងប៉ារីស ប្រទេសបារាំង ហើយមានចំណូលប្រចាំឆ្នាំប្រមាណ ៦៤,៨៤ ពាន់លានដុល្លារអាមេរិក។

៦. China Construction Bank (ធនាគារសំណង់ចិន) ៖ China Construction Bank មានឈ្មោះកាត់ថា CCB ដែលស្ថាប័ននេះត្រូវបានបង្កើតឡើងនៅឆ្នាំ ១៩៥៤ មានទីស្នាក់ការកណ្តាលនៅទីក្រុងប៉េកាំង ប្រទេសចិន។ ធនាគារនេះត្រូវបានចាត់ថ្នាក់ជាធនាគារធំបំផុតមួយនៅក្នុងប្រទេសចិន និងត្រូវបានជាប់ចំណាត់ថ្នាក់ជាធនាគារធំជាងគេទី ២ នៅលើពិភពលោកផ្អែកលើតម្លៃមូលធនទីផ្សារ។ ប្រាក់ចំណូលប្រចាំឆ្នាំរបស់ធនាគារគឺប្រមាណ ៦៥.០៦ ពាន់លានដុល្លារ។

៥. Industrial and Commercial Bank of China (ធនាគារឧស្សាហកម្ម និងពាណិជ្ជកម្មចិន) ៖ Industrial and Commercial Bank of China មានឈ្មោះកាត់ថា ICBC ។ ធនាគារនេះត្រូវបានចាត់ថ្នាក់ជាធនាគារធំបំផុតនៅលើពិភពលោកផ្អែកលើទំហំមូលធនទីផ្សារ និងទ្រព្យសម្បត្តិសរុបរបស់ខ្លួន។ ធនាគារនេះត្រូវបានបង្កើតឡើងក្នុងឆ្នាំ១៩៨៤ មានផ្តល់ជូនសេវាកម្មធនាគារ ហិរញ្ញវត្ថុ និងវិនិយោគ។ ទីស្នាក់ការកណ្តាលរបស់ធនាគារនេះមានទីតាំងនៅទីក្រុងប៉េកាំង ប្រទេសចិន ហើយចំណូលប្រចាំឆ្នាំរបស់ ICBC ត្រូវបានប៉ាន់ប្រមាណថាមានចំនួនប្រមាណ ៧៧.៨៦ ពាន់លានដុល្លារអាមេរិក។

៤. AXA ៖ AXA គឺជាក្រុមហ៊ុនសេវាកម្មហិរញ្ញវត្ថុដែលមានជំនាញក្នុងការផ្តល់ជូនសេវាកម្មចូលនិវត្តន៍ ធានារ៉ាប់រង និងវិនិយោគ។ ក្រុមហ៊ុននេះត្រូវបានបង្កើតឡើងនៅឆ្នាំ១៨១៧ ដោយមានទីស្នាក់ការកណ្តាលនៅទីក្រុងប៉ារីស ប្រទេសបារាំង។ ប្រាក់ចំណូលប្រចាំឆ្នាំរបស់ក្រុមហ៊ុននេះគឺមានប្រមាណ ១១៦.៦៥ ពាន់លានដុល្លារអាមេរិក។

៣. Assicurazioni Generali ៖ Assicurazioni Generali គឺជាក្រុមហ៊ុនធានារ៉ាប់រងធំបំផុតមួយនៅលើពិភពលោក និងជាក្រុមហ៊ុនធំបំផុតនៅអ៊ីតាលី។ ក្រុមហ៊ុននេះត្រូវបានបង្កើតឡើងនៅឆ្នាំ ១៨៣១ ហើយមានទីស្នាក់ការកណ្តាលនៅ Trieste ប្រទេសអ៊ីតាលី។ ប្រាក់ចំណូលប្រចាំឆ្នាំរបស់ក្រុមហ៊ុននេះមានប្រមាណ ១១៩,៩៦ ពាន់លានដុល្លារអាមេរិក។

២. Allianz ៖ Allianz គឺជាក្រុមហ៊ុនសេវាកម្មហិរញ្ញវត្ថុដែលត្រូវបានបង្កើតឡើងក្នុងឆ្នាំ ១៨៩១។ ក្រុមហ៊ុននេះត្រូវបានគេចាត់ចំណាត់ថ្នាក់ជាក្រុមហ៊ុនធានារ៉ាប់រងធំបំផុតនៅលើពិភពលោក។ ទីស្នាក់ការកណ្តាលរបស់ក្រុមហ៊ុននេះមានទីតាំងនៅទីក្រុងមុយនិច ប្រទេសអាឡឺម៉ង់ ហើយចំណូលប្រចាំឆ្នាំមានប្រមាណ ១៤៤,២១ ពាន់លានដុល្លារអាមេរិក។

១. Berkshire Hathaway ៖ Berkshire Hathaway គឺជាក្រុមហ៊ុនធំបំផុតមួយដែលមានមូលដ្ឋាននៅសហរដ្ឋអាមេរិក។ ក្រុមហ៊ុននេះមានឯកទេសក្នុងការដំណើរការអាជីវកម្មផ្សេងៗដូចជាធានារ៉ាប់រងអាយុជីវិត លក់គ្រឿងអលង្ការ លក់រាយគ្រឿងសង្ហារឹមផ្ទះ និងអាជីវកម្មផ្សេងទៀត។ ក្រុមហ៊ុននេះត្រូវបានបង្កើតឡើងនៅឆ្នាំ១៨៣៩ ហើយមានទីស្នាក់ការកណ្តាលនៅទីក្រុងអូម៉ាហា រដ្ឋណេប្រាស្កាស ហរដ្ឋអាមេរិក។ ប្រាក់ចំណូលប្រចាំឆ្នាំរបស់ក្រុមហ៊ុននេះត្រូវបានប៉ាន់ប្រមាណថាមានប្រហែល ១៦២,៤៦ ពាន់លានដុល្លារអាមេរិក៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party

ព្រឹត្តិការណ៍, អត្ថបទពាណិជ្ជកម្ម

• 10/07/2026

អតីតពលករដែលមកពីថៃ អំពាវនាវពលករដទៃទៀតចូលរួមធ្វើតេស្ត RPL ដើម្បីទទួលស្គាល់ជំនាញជាផ្លូវការ

ព្រឹត្តិការណ៍, សេដ្ឋកិច្ច

• 10/07/2026

អតីតពលករខ្មែរដែលបានត្រឡប់មកពីប្រទេសថៃ បានអំពាវនាវដល់អតីតពលករដទៃទៀតមកចុះឈ្មោះធ្វើតេស្តទទួលស្គាល់ជំនាញពីមុន(RPL) ដោយសារវាជាយន្តការដ៏សំខាន់ទទួលបានវិញ្ញាបនប័ត្របញ្ជាក់ពីចំណេះដឹង និងជំនាញ

SDF ចុះកិច្ចព្រមព្រៀងភាពជាដៃគូយុទ្ធសាស្ត្រជាមួយសមាគមឧស្សាហកម្មធំៗ ៤ ដើម្បីជំរុញការអភិវឌ្ឍជំនាញឱ្យត្រូវតម្រូវការឧស្សាហកម្ម

ព្រឹត្តិការណ៍, សេដ្ឋកិច្ច

• 10/07/2026

កម្ពុជា បង្កើនការយកចិត្តទុកដាក់ និងបដិសណ្ឋារកិច្ចលើទេសចរណ៍មូស្លីម

ព្រឹត្តិការណ៍, សេដ្ឋកិច្ច

• 10/07/2026

ទេសចរណ៍មូស្លីម មិនមែនគ្រាន់តែជាទីផ្សារដ៏មានសក្តានុពលប៉ុណ្ណោះទេ ប៉ុន្តែជាឱកាសក្នុងការបង្ហាញថា កម្ពុជា ជាគោលដៅទេសចរណ៍ប្រកបដោយសុវត្ថិភាព ភាពកក់ក្តៅ ទំនុកចិត្ត

ឆមាសទី ១ ឆ្នាំ ២០២៦ ការធ្វើពាណិជ្ជកម្មរវាងកម្ពុជា និងដៃគូអន្តរជាតិ សម្រេចបានជាង ៣៦ ពាន់លានដុល្លារ

ព្រឹត្តិការណ៍, សេដ្ឋកិច្ច

• 10/07/2026

ការដោះដូរទំនិញរវាងកម្ពុជា និងដៃគូពាណិជ្ជកម្មអន្តរជាតិសំខាន់ៗរបស់ខ្លួន សម្រេចបានទំហំទឹកប្រាក់ប្រមាណ ៣៦.៨៤ ពាន់លានដុល្លារអាម៉េរិក ក្នុងរយៈពេល ៦ ខែ ឆ្នាំ ២០២៦ នេះ

ទីផ្សារការិយាល័យជួលនៅកម្ពុជា នៅតែពឹងផ្អែកលើវិនិយោគិនបរទេស

ព្រឹត្តិការណ៍, អចលនទ្រព្យ

• 10/07/2026

អគារិយាល័យជួលនៅកម្ពុជា នៅតែបន្តពឹងលើវិនិយោគិន ឬធុរជនបរទេស ខណៈវិនិយោគិននិងសហគ្រិនក្នុងស្រុកបន្តប្រើប្រាស់ផ្ទះវីឡា ផ្ទះល្វែងធ្វើជាទីស្នាក់ការរបស់ខ្លួន

តម្លៃមាស និងប្រេងឆៅឡើងថ្លៃបន្តិច ខណៈការវាយប្រហារនៅតំបន់ឈូងសមុទ្រកំពុងឡើងកំដៅ

ព្រឹត្តិការណ៍, សេដ្ឋកិច្ច

• 10/07/2026

នៅថ្ងៃសុក្រសប្ដាហ៍នេះ តម្លៃមាសឡើងថ្លៃ ០.២ ភាគរយ ឬ ៤ ១២៨ ដុល្លារក្នុងមួយអោននៅលើទីផ្សារអន្តរជាតិ ខណៈដែលនៅលើទីផ្សារកម្ពុជាមានតម្លៃ ៤៩៦ ដុល្លារក្នុងមួយជី និង ៤ ៩៦១ ដុល្លារក្នុងមួយតម្លឹង

កម្ពុជា-ឡាវ រួមគ្នាពន្លឿនកិច្ចអភិវឌ្ឍហេដ្ឋារចនាសម្ព័ន្ធ ដើម្បីពង្រីកទំហំពាណិជ្ជកម្ម និងការវិនិយោគ

ព្រឹត្តិការណ៍, សេដ្ឋកិច្ច

• 10/07/2026

កម្ពុជា - ឡាវ កំពុងឈានចូលដល់របត់ថ្មីមួយ ដែលផ្តោតលើការប្រែក្លាយទំនាក់ទំនងការទូតប្រពៃណីឱ្យទៅជាកាតាលីករសេដ្ឋកិច្ចពិតប្រាកដ

មេដឹកនាំម៉ាឡេស៊ី និងថៃ ជួបពិភាក្សាគ្នាដោះស្រាយបញ្ហាជលផល ក្រោយមានភាពរកាំរកូស

ព្រឹត្តិការណ៍, សេដ្ឋកិច្ច

• 10/07/2026

ក្រោយពីមានភាពរកាំរកូសលើការនាំចេញត្រី និងបង្គាជិតពីរខែ មេដឹកនាំម៉ាឡេស៊ី និងថៃបានជួបពិភាក្សាគ្នាដោះស្រាយបញ្ចប់បញ្ហានេះរួចរាល់ ព្រមទាំងប្តេជ្ញាពង្រឹងពាណិជ្ជកម្មទ្វេភាគីឱ្យដល់គោលដៅ ៣០ ពាន់លានដុល្លារត្រឹមឆ្នាំ ២០២៧