សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ គិតត្រឹមខែធ្នូនេះប៉ុណ្ណោះ អាជ្ញាធរនៃប្រទេសចិនបានអនុម័តផ្តល់អាជ្ញាបណ្ណអាជីវកម្មទៅឲ្យវីដេអូហ្គេមដែលផលិតក្នុងស្រុកបន្ថែមចំនួន១២២ និងក្រៅស្រុកប្រមាណជា ១៣ ដែលធ្វើឲ្យចំនួនសរុបសម្រាប់ឆ្នាំ២០២៤ មានរហូតទៅដល់ ១ ៤០០វីដេអូហ្គេមថ្មីៗដាក់ចូលក្នុងទីផ្សារ។
ទីភ្នាក់ងារជាតិទទួលបន្ទុកកិច្ចការងារគ្រប់គ្រង និងផ្តល់អាជ្ញាបណ្ណវីដេអូហ្កេមរបស់ប្រទេសចិន the National Press and Publication Administration (NPPA) នៅសប្តាហ៍នេះបានថ្លែងថា ហ្គេមថ្មីជាង ១ ៤០០នៅក្នុងឆ្នាំនេះគឺជាចំនួនហ្គេមដែលត្រូវបានអនុញ្ញាតក្នុងកំណត់ត្រាខ្ពស់ជាងគេបំផុតជាងឆ្នាំណាណាទាំងអស់គិតចាប់តាំងតែពីឆ្នាំ២០១៩មក។
មជ្ឈដ្ឋាននៃការតាក់តែងច្បាប់គ្រប់គ្រងឧស្សាហកម្មវីដេអូហ្កេមនៅក្នុងប្រទេសចិនហាក់មានសភាពល្អប្រសើរច្រើននៅរយៈពេលប៉ុន្មានឆ្នាំចុងក្រោយនេះ បន្ទាប់ពីព្រឹត្តិការណ៍ប្រតិបត្តិការបង្ក្រាបទ្រង់ទ្រាយធំទៅលើវីដេអូហ្គេមខុសច្បាប់ និងការប្រើប្រាស់វីដេអូហ្គេមមិនត្រឹមត្រូវកាលពីឆ្នាំ២០២១ ដែលវាបានបណ្តាលឲ្យមានការជាប់គាំងក្នុងការបញ្ចូលហ្គេមថ្មីៗនៅក្នុងទីផ្សាររហូតទៅដល់រយៈពេល៨ខែជាប់គ្នាកាលពីគ្រានោះ។
កន្លងមករដ្ឋាភិបាលចិនបានចេញវិធានការតឹងរឹងចំពោះអ្នកលេងហ្គេមដែលមានអាយុចាប់ពី១៨ឆ្នាំឡើងទៅ និងក្រុមអ្នកដែលអាចលេងហ្គេមបានត្រឹមតែរយៈពេលមួយម៉ោងគឺពីចន្លោះម៉ោង៨យប់ដល់៩យប់សម្រាប់តែនៅថ្ងៃចុងសប្តាហ៍ គឺចាប់ថ្ងៃសុក្រ សៅរ៍ អាទិត្យ និងថ្ងៃឈប់សម្រាកប៉ុណ្ណោះ។
គួរឲ្យដឹងដែរថា សរុបវីដេអូហ្គេមថ្មីៗដែលបានទទួលអាជ្ញាបណ្ណក្នុងឆ្នាំនេះមានប្រមាណជា ១៣០៦ជាហ្គេមផលិតក្នុងស្រុក និង ១១០ហ្គេមផលិតនៅក្រៅប្រទេសធៀបទៅនឹងតួលេខកាលពីឆ្នាំទៅដែលមានត្រឹមតែ ៩៧៧ហ្គេមក្នុងស្រុក និង ៩៨ហ្គេមក្រៅស្រុក ហើយកាលពីឆ្នាំ២០២២ មាន ៤៦៨ហ្គេមក្នុងស្រុក និងនាំចូល៤៤ហ្កេម។
ទីផ្សារហ្គេមក្នុងប្រទេសចិនគឺជាទីផ្សារដែលមានទំហំធំជាងគេបំផុតទី២របស់ពិភពលោក និងមានអត្រាកំណើនដល់ទៅ ៧,៥ភាគរយនៅក្នុងឆ្នាំ២០២៤ នេះ ខណៈដែលចំណូលមានចំនួនដល់ទៅ ៣២៥,៨ពាន់លានយ័ន ឬត្រូវជា ៤៤,៦ពាន់លានដុល្លារ ខណៈដែលចំនួនអ្នកប្រើប្រាស់ហ្កេមនៅទូទាំងប្រទេសមានកំណើន១ភាគរយទៅដល់៦៧៤លាននាក់នៅក្នុងឆ្នាំ២០២៤នេះដែរ។
មិនត្រឹមតែប៉ុណ្ណោះក្រុមអ្នកអភិវឌ្ឍ និងផលិតហ្គេមក្នុងស្រុកចិនក៏អាចទាញយកចំណូលពីអ្នកលេងហ្គេមនៅក្រៅប្រទេសប្រមាណជា ១៨,៦ពាន់លានដុល្លារផងដែរនៅក្នុងឆ្នាំនេះ ពោលគឺស្ថិតនៅក្នុងអត្រាកំណើនប្រមាណជា១៣,៤ភាគរយធៀបទៅនឹងឆ្នាំ២០២៣៕
Account
Security
Favourite Content