សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា តម្លៃប្រេងកើនឡើងថ្លៃបន្តិចបន្ទាប់ពីក្រុមប្រទេសនាំចេញប្រេង និងសម្ព័ន្ធមិត្ត OPEC+ យល់ព្រមបង្កើនទិន្នផលក្នុងល្បឿនយឺតវិញចាប់ពីខែតុលាតទៅ ខណៈដែលមានការព្យាករណ៍អំពីតម្រូវការប្រេងសកលខ្សោយ។
កាលពីថ្ងៃចន្ទ តម្លៃប្រេងឆៅ Brent ឡើងថ្លៃ ០,៥% ឬ ៦៥,៨៤ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៥% ឬ ៦២,១៧ ដុល្លារក្នុងមួយបារ៉ែល។ កាលពីសប្តាហ៍មុន តម្លៃប្រេងទាំងពីរធ្លាក់ចុះជាង ២% ដោយសាររបាយការណ៍ទីផ្សារការងាររបស់អាម៉េរិកខ្សោយ បានធ្វើឱ្យការព្យាករណ៍អំពីតម្រូវការថាមពលធ្លាក់ចុះ។ កាលពីថ្ងៃអាទិត្យ OPEC+ បានព្រមព្រៀងគ្នាបង្កើនផលិតកម្មប្រេងចាប់ពីខែតុលា ខណៈដែលអារ៉ាប៊ីសាអូឌីតដែលជាប្រធានជំរុញឱ្យស្វែងរកចំណែកពីទីផ្សារឡើងវិញ។ OPEC + បានចាប់ផ្តើមបង្កើនផលិតកម្មប្រេងចាប់តាំងពីខែមេសាមកម្ល៉េះ បន្ទាប់ពីការកាត់បន្ថយជាច្រើនឆ្នាំដើម្បីគាំទ្រទីផ្សារប្រេង ប៉ុន្តែការសម្រេចចិត្តក្នុងការជំរុញទិន្នផលបន្ថែមទៀតថ្មីៗនេះគឺជាការភ្ញាក់ផ្អើលមួយ។ OPEC+ នឹងបង្កើនផលិតកម្មក្នុងល្បឿនយឺត ១៣៧ ០០០ បារ៉ែលក្នុងមួយថ្ងៃចាប់ពីខែតុលា ប៉ុន្តែបរិមាណនេះទាបជាងខែមិថុនា/ខែកក្កដា ៤១១ ០០០បារ៉ែលក្នុងមួយថ្ងៃ និង ខែសីហា/ខែកញ្ញា ៥៥៥ ០០០ បារ៉ែលក្នុងមួយថ្ងៃ។
លោក Toshitaka Tazawa អ្នកវិភាគនៅក្រុមហ៊ុន Fujitomi Securities លើកឡើងថា បន្ទាប់ពីធ្លាក់ចុះកាលពីសប្តាហ៍មុន ទីផ្សារប្រេងបានស្ទុះងើបឡើងវិញបន្តិចដែលត្រូវបានគាំទ្រដោយសារការបង្កើនទិន្នផលតិចតួចរបស់ OPEC+ ។ លើសពីនេះ ទីផ្សារព្យាករណ៍ថា ការផ្គត់ផ្គង់ប្រេងនឹងកាន់តែតឹងតែងដោយសារការដាក់ទណ្ឌកម្មថ្មីរបស់អាម៉េរិកប្រឆាំងនឹងរុស្ស៊ី ប៉ុន្តែទំនងជាជំរុញឲ្យ OPEC+ អាចនឹងបង្កើនផលិតកម្មបន្ថែមទៀត ដើម្បីឲ្យការផ្គត់ផ្គង់មានភាពងាយស្រួល។
កាលពីថ្ងៃអាទិត្យ រុស្ស៊ីបានបើកការវាយប្រហារតាមផ្លូវអាកាសដ៏ធំបំផុតរបស់ខ្លួនលើអ៊ុយក្រែន ដោយបានដុតបំផ្លាញអគាររដ្ឋាភិបាលដ៏សំខាន់នៅកណ្តាលទីក្រុងគៀវ និង សម្លាប់មនុស្សយ៉ាងហោចណាស់ ៤ នាក់។ ទន្ទឹមនឹងនេះ ប្រធានាធិបតីអាម៉េរិក Donald Trump បង្ហើបថា មេដឹកនាំពីអឺរ៉ុបនីមួយៗនឹងធ្វើទស្សនកិច្ចនៅអាម៉េរិកនៅថ្ងៃច័ន្ទ និងថ្ងៃអង្គារ ដើម្បីពិភាក្សាពីរបៀបដោះស្រាយសង្រ្គាមរុស្ស៊ី-អ៊ុយក្រែន។ មិនត្រឹមតែប៉ុណ្ណោះ Trump បង្ហាញពីអារម្មណ៍មិនសប្បាយចិត្តចំពោះស្ថានភាពនៃសង្រ្គាមនេះ ប៉ុន្តែលោកបានបង្ហាញទំនុកចិត្តជាថ្មីម្តងទៀតថា សង្គ្រាមនឹងត្រូវបានដោះស្រាយក្នុងពេលឆាប់ៗនេះ៕
Account
Security
Favourite Content