សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ឱនភាពពាណិជ្ជកម្មរបស់ឥណ្ឌាបានកើនឡើងដល់ ៤១,៧ ពាន់លានដុល្លារនៅក្នុងខែតុលា ដែលជាកម្រិតខ្ពស់បំផុតមិនធ្លាប់មានពីមុនមក នេះបើយោងតាមសេចក្ដីរាយការណ៍ពី CNBC។
យោងតាមទិន្នន័យរបស់ LSEG បានឲ្យដឹងថា ឱនភាពពាណិជ្ជកម្មឥណ្ឌាបានកើនឡើងដល់ ៤១,៧ ពាន់លានដុល្លារធំជាងការព្យាករណ៍របស់រ៉យទ័ចំនួន ២៨,៨ ពាន់លានដុល្លារ។ មិនត្រឹមតែប៉ុណ្ណោះ វាគឺជាកម្រិតខ្ពស់បំផុតមិនធ្លាប់មានបើធៀបនឹងចំនួន ៣៧,៨ ពាន់លានដុល្លារនៅក្នុងខែវិច្ឆិកា ឆ្នាំ២០២៤។ ឱនភាពពាណិជ្ជកម្មទំនិញរបស់ឥណ្ឌាត្រូវបានជំរុញដោយការកើនឡើងនៃការនាំចូលមាស ខណៈដែលការនាំចេញទៅកាន់អាម៉េរិកទទួលរងនូវផលប៉ះពាល់យ៉ាងខ្លាំងពីអត្រាពន្ធគយខ្ពស់។ នេះមានន័យថា ការនាំចូលរបស់ឥណ្ឌាច្រើនជាងការនាំចេញ ធ្វើឲ្យឱនភាពពាណិជ្ជកម្មកើនឡើងដល់អត្រាខ្ពស់។
កាលពីថ្ងៃចន្ទ សប្ដាហ៍នេះ ទិន្នន័យពីក្រសួងពាណិជ្ជកម្មឥណ្ឌា បានបង្ហាញថា ឥណ្ឌាបាននាំចូលមាសចំនួន ១៤,៧ ពាន់លានដុល្លារក្នុងខែតុលា ដែលកើនឡើងជិត ២០០% ពីរយៈពេលដូចគ្នាកាលពីឆ្នាំមុន។
លើសពីនេះ ទិន្នន័យពាណិជ្ជកម្មក៏ឆ្លុះបញ្ចាំពីផលប៉ះពាល់នៃពន្ធគយអាម៉េរិកផងដែរ ដោយសារការនាំចេញរបស់ឥណ្ឌាទៅកាន់ប្រទេសមហាអំណាចមួយនេះធ្លាក់ចុះប៉ុន្មានខែជាប់ៗគ្នា ចាប់តាំងពីពន្ធគយ ៥០% ចូលជាធរមានកាលពីចុងខែសីហា។ ការចរចាពាណិជ្ជកម្មរវាងសហរដ្ឋអាម៉េរិក និងឥណ្ឌា ហាក់នៅមិនទាន់ច្បាស់លាស់នៅឡើយទេ ខណៈដែលការចរចាបានដំណើរការអស់រយៈពេលជាច្រើនខែមកហើយ។ នៅក្នុងខែតុលា ការនាំចេញទៅអាម៉េរិកធ្លាក់ចុះ ៨,៥% បើធៀបនឹងរយៈពេលដូចគ្នាកាលពីឆ្នាំមុន។ លើសពីនេះ ការនាំចេញត្បូង និងគ្រឿងអលង្ការរបស់ឥណ្ឌាមានតម្លៃត្រឹម ២,៣ ពាន់ដុល្លារ ធ្លាក់ចុះ ២៩,៥% និងទំនិញវិស្វកម្មមានតម្លៃ ៩,៤ ពាន់លានដុល្លារ ធ្លាក់ចុះ ១៦,៧%។ ដោយឡែក ការនាំចេញកប្បាស អំបោះ និងសម្លៀកបំពាក់ដែលផលិតរួចធ្លាក់ចុះប្រហែល ១២% ឬ ១៣%៕
Account
Security
Favourite Content