សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋាភិបាលនៃប្រទេសប៊ុលហ្គារីស នៅប្តាហ៍នេះបានបង្ហាញពីការប្តេជ្ញាចិត្តក្នុងការគាំទ្រផ្នែកបច្ចេកទេស និងផ្នែកសំណង់ឲ្យទៅប្រទេសអ៊ុយក្រែនដើម្បីរៀបចំហេដ្ឋារចនាសម្ព័ន្ធក្នុងវិស័យថាមពលឡើងវិញ។ គោលជំហរបស់ប៊ុលហ្គារីបានធ្វើឡើងនៅក្រោយកិច្ចជំនួបរវាងរដ្ឋមន្ត្រីកិច្ចការងារថាមពលប៊ុលហ្គារី លោក Traicho Traikov ជាមួយនឹងលោកស្រី Olesya Ilashchuk អគ្គរដ្ឋទូតអ៊ុយក្រែនប្រចាំនៅប៊ុលហ្គារី នេះបើយោងតាមការចេញផ្សាយរបស់កាសែតប៊ុលហ្គារី Novinata កាលពីថ្ងៃពុធ សប្ដាហ៍នេះ។
នៅក្នុងកិច្ចជំនួប ភាគីតំណាងប្រទេសទាំងពីរក៏បានពិភាក្សាផងដែរអំពីនីតិវិធីដើម្បីធ្វើឱ្យស៊ីជម្រៅនូវកិច្ចសហប្រតិបត្តិការទ្វេភាគីក្នុងវិស័យថាមពល ក៏ដូចជាប្រធានបទសំខាន់២ដែលកំពុងមានការចាប់អារម្មណ៍ខ្លាំងក្នុងបរិបទសន្តិសុខថាមពលនៅទូទាំងពិភពលោក។
អគ្គរដ្ឋទូតអ៊ុយក្រែនបានសម្តែងការដឹងគុណចំពោះកិច្ចគាំទ្រផ្នែកមនុស្សធម៌ និងហិរញ្ញវត្ថុរបស់ប៊ុលហ្គារីនាពេលកន្លងមកតាមរយៈយន្តការការពារជនស៊ីវិលរបស់សហភាពអឺរ៉ុប (European Union Civil Protection)។ កិច្ចប្រជុំក៏បានលើកឡើងអំពីការផ្តល់ម៉ាស៊ីនបំប្លែងចរន្ត និងវ៉ុលចំនួន៩គ្រឿងដែលប៊ុលហ្គារីនឹងផ្គត់ផ្គង់សម្រាប់ការស្ដារឡើងវិញនូវរោងចក្រថាមពលកំដៅមួយរបស់ប្រទេសអ៊ុយក្រែនផងដែរ ដោយជំនួយទាំងនេះស្ថិតនៅក្រោមកិច្ចព្រមព្រៀងដែលបានចុះហត្ថលេខាដោយប្រតិបត្តិករប្រព័ន្ធអគ្គិសនីរវាងភាគីទាំងពីររួចរាល់ហើយ។
ក្រៅពីនោះ កិច្ចជំនួបក៏បានពិភាក្សាគ្នាអំពីលទ្ធភាពសម្រាប់ការផ្លាស់ប្តូរជំនាញផងដែរ ដោយផ្តល់សមត្ថភាពជាក់ស្តែងឲ្យទៅអ៊ុយក្រែនក្នុងប្រតិបត្តិការជាមួយបច្ចេកវិទ្យាថ្មីៗ ក៏ដូចជាបច្ចេកវិទ្យាសល់ពីអតីតសហភាពសូវៀត៕
Account
Security
Favourite Content