សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មន្ត្រីជាន់ខ្ពស់រដ្ឋាភិបាលចិនបានអះអាងថា រោងចក្រផលិតវ៉ាក់សាំងរបស់ចិនឈ្មោះថា ស៊ីណូហ្វាម ពេលនេះកំពុងទំនាក់ទំនងជាមួយក្រសួងសុខាភិបាលកម្ពុជា ដើម្បីសិក្សាពីលទ្ធភាពក្នុងការដាក់ទីតាំងរោងចក្រផលិតវ៉ាក់សាំងនេះនៅក្នុងប្រទេសកម្ពុជា។ ការដាក់ទីតាំងផលិតវ៉ាក់សាំងនៅកម្ពុជានេះធ្វើឡើងក្រោយរដ្ឋាភិបាលកម្ពុជាស្នើទៅកាន់ប្រធានាធិបតីចិនកាលពីថ្ងៃទី១៧ ខែវិច្ឆិកាកន្លងទៅតាមរយៈឯកអគ្គរដ្ឋទូតចិនប្រចាំកម្ពុជា ។
បន្ទាប់ពីមានការស្នើទៅកាន់ប្រធានាធិបតីចិនក្នុងការជំរុញឲ្យមានរោងចក្រសម្រាប់ផលិតវ៉ាក់សាំងចិននៅក្នុងប្រទេសកម្ពុជា នាថ្ងៃទី៦ ខែធ្នូ ឆ្នាំ២០២១ម្សិលមិញនេះ ឯកអគ្គរដ្ឋទូតចិនប្រចាំកម្ពុជាបានបញ្ជាក់បន្ថែមពីការទទួលយកនូវសំណើររបស់កម្ពុជារួចរាល់ ហើយរហូតមកទល់ពេលនេះ ភាគីពាក់ព័ន្ធដែលរួមមានក្រសួងសុខាភិបាលកម្ពុជា ជាមួយនឹងក្រុមហ៊ុនផលិតវ៉ាក់សាំង ស៊ីណូហ្វាមរបស់ចិន បាន និងកំពុងសហការយ៉ាងជិតស្និតក្នុងការសិក្សារួមគ្នាទៅលើលទ្ធភាព និងទីតាំងផងដែរ។
ឯកឧត្តមបានបញ្ជាក់យ៉ាងដូច្នេះថា ៖
« ពេលនេះក្រុមហ៊ុនផលិតវ៉ាក់សាំងស៊ីណូហ្វាមរបស់ចិន កំពុងទំនាក់ទំនងយ៉ាងជិតស្និទ្ធជាមួយក្រសួងសុខាភិបាលកម្ពុជាដើម្បីសិក្សា និងស្រាវជ្រាវក្នុងការផលិតវ៉ាក់សាំងនៅកម្ពុជា ហើយនៅក្នុងឆ្នាំក្រោយប្រជាជនកម្ពុជានឹងអាចប្រើប្រាស់វ៉ាក់សាំងបង្ការជំងឺកូវីដ-១៩ ដែលផលិតនៅក្នុងប្រទេសតែម្តង»
ជាមួយគ្នានេះ សម្ដេច ហ៊ុន សែន ក៏បានថ្លែងផងដែរថា ៖
«ការសុំឲ្យមានការផលិតវ៉ា់ក់សាំងនៅស្រុកខ្មែរ…..ឥឡូវទទួលបានការគាំទ្រពីខាងរដ្ឋាភិបាលចិនផង ខាងក្រុមហ៊ុនផង…។ បន្តិចទៀតនេះ កង្វះវ៉ាក់សាំងដែលតែងតែជាកង្វល់របស់កម្ពុជាកន្លងមក នឹងឈានដល់ការទទួលបានដំណោះស្រាយហើយ ដោយយើងអាចមានវ៉ាក់សាំងផ្គត់ផ្គង់ខ្លួនឯងបាន»
សម្ដេចបានបន្តថា ៖
«យ៉ាងណាមិញ បើទោះជាវ៉ាក់សាំងទាំងនោះផលិតនៅក្នុងស្រុកក្ដី ក៏មិនអាចចែកឲ្យប្រើប្រាស់ដោយមិនគិតថ្លៃដែរ ពោលគឺមានការទិញលក់ជាធម្មតា គ្រាន់តែថា វ៉ាក់សាំងនោះនឹងមានតម្លៃធូរជាងនាំចូល ព្រោះមិនបានចំណាយលើថ្លៃដឹកជញ្ជូនផ្លូវឆ្ងាយដូចដែលកម្ពុជាធ្វើកន្លងមក។ ការធ្វើដូច្នេះ គឺកម្ពុជាមានលទ្ធភាពដើម្បីទិញវ៉ាក់សាំងដែលផលិតនៅក្នុងរោងចក្រដែលផលិតនៅក្នុងប្រទេសខ្លូនឯងផ្ទាល់ ដើម្បីប្រើប្រាស់នៅក្នុងប្រទេសខ្លួន ហើយថែមទាំងមានលទ្ធភាពដើម្បីចែកចាយវ៉ាក់សាំងនេះទៅកាន់ប្រទេសដទៃ តាមរយៈនៃការបញ្ជាទិញរបស់ប្រទេសដទៃទៀតផង»
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content