បញ្ហាសំខាន់ៗចំនួន៥ ដែលជាកត្តានាំឲ្យសេដ្ឋកិច្ចចិនមានការធ្លាក់ចុះ

បរទេស ៖ យោងទៅតាមប្រភពព័ត៌មានពី BBC បានរាយការណ៍ថា ការធ្លាក់ចុះនៃសេដ្ឋកិច្ចរបស់ប្រទេសចិន បានធ្វើឱ្យតម្រូវការពិភពលោកចុះខ្សោយ ខណៈដែលប្រទេសមហាអំណាចសេដ្ឋកិច្ចមួយនេះហាក់មិនសូវប្រឈមមុខនឹងអតិផរណាខ្លាំងដូចប្រទេសលោកខាងលិចនោះទេ។

ក្នុងនាមជាប្រទេសដែលដើរតួជារោងចក្ររបស់ទីផ្សារពិភពលោក បច្ចុប្បន្ននេះ ចិន បានធ្លាក់ចុះនូវចំនួនអតិថិជន ក៏ដូចជាតម្រូវការទីផ្សារ ទាំងនៅក្នុងស្រុក និងនៅក្រៅស្រុក ខណៈដែលភាពតានតឹងនៃពាណិជ្ជកម្មរវាងចិន ជាមួយប្រទេសសេដ្ឋកិច្ចធំៗដូចជាអាមេរិកកំពុងរារាំងដល់កំណើនសេដ្ឋកិច្ច រួមទាំងការចុះខ្សោយនៃតម្លៃប្រាក់យ័នផងដែរ។

មានបញ្ហាជាច្រើន ដែលបានធ្វើឱ្យសេដ្ឋកិច្ចរបស់ប្រទេសចិនមានការធ្លាក់ចុះ ដោយក្នុងនោះរួមមានដូចជា ៖

១. ការរងប៉ះពាល់ពីយុទ្ធសាស្ត្រគ្មានមេរោគកូវីដ-១៩ (Zero-Covid Policy)៖ យុទ្ធសាស្ត្រគ្មានមេរោគកូវីដ-១៩ បានធ្វើឲ្យប្រជាពលរដ្ឋចិនមិនសូវចំណាយប្រាក់លើអាហារ ភេសជ្ជៈ សម្ភារៈផ្សេងៗ និងទេសចរណ៍ ដែលជាហេតុធ្វើឲ្យមានសម្ពាធលើសេដ្ឋកិច្ច។ ការស្ទង់មតិឯកជនមួយបានបង្ហាញថា សកម្មភាពរោងចក្រពិតជាបានធ្លាក់ចុះនៅក្នុងខែកញ្ញា ដែលប៉ះពាល់ដល់ទិន្នផល ការបញ្ជាទិញថ្មី និងការងារ។

២. ការធ្វើចំណាត់ការមិនគ្រប់គា្រន់របស់ទីក្រុងប៉េកាំង៖ កាលពីខែសីហាកន្លងទៅនេះ ទីក្រុងប៉េកាំងបានប្រកាសផែនការដែលមានទំហំទឹកប្រាក់ ១ ទ្រីលានយ័ន (២០៣ ពាន់លានដុល្លារ) ដើម្បីជំរុញអាជីវកម្មខ្នាតតូច ហេដ្ឋារចនាសម្ព័ន្ធ និងអចលនទ្រព្យ។ ផែនការនេះគួរតែអាចចំណាយឲ្យសមស្របទៅនឹងគោលដៅនៃកំណើនសេដ្ឋកិច្ចដែលគ្រោងទុក និងបង្កើតការងារផ្សេងៗផងដែរ។ ប៉ុន្តែការឆ្លើយតបរបស់រដ្ឋាភិបាលទីក្រុងប៉េកាំង ទៅនឹងបញ្ហានៃការធ្លាក់ចុះសេដ្ឋកិច្ច គឺនៅមានកម្រិតតិចតួច បើប្រៀបធៀបទៅនឹងភាពចុះខ្សោយសេដ្ឋកិច្ចលើកមុនៗ។

៣. វិបត្តិទីផ្សារអចលនទ្រព្យ៖ ការចុះខ្សោយនៃទីផ្សារអចលនទ្រព្យ និងភាពអវិជ្ជមានក្នុងវិស័យសំណង់លំនៅឋានបានធ្វើឱ្យកំណើនសេដ្ឋកិច្ចធ្លាក់ចុះ។ តម្រូវការទិញផ្ទះថ្មីធ្លាក់ចុះ ហើយបានកាត់បន្ថយតម្រូវការនៃការនាំចូលទំនិញ សម្ភារៈ ដែលប្រើក្នុងសំណង់។ ការជំរុញទីផ្សារអចលនទ្រព្យរបស់ទីក្រុងប៉េកាំង បានធ្វើឲ្យតម្លៃផ្ទះនៅក្នុងទីក្រុងជាច្រើនបានធ្លាក់ចុះប្រហែល ២០ ភាគរយនៅឆ្នាំនេះ។

៤. បញ្ហាបម្រែបម្រួលអាកាសធាតុ៖ ការប្រែប្រួលអាកាសធាតុកំពុងចាប់ផ្តើមជះឥទ្ធិពលដ៏យូរអង្វែងដល់ឧស្សាហកម្មរបស់ចិន។ រលកកំដៅដ៏ធ្ងន់ធ្ងរមួយ អមដោយគ្រោះរាំងស្ងួត បានវាយប្រហារខេត្តស៊ីឈ័ន និងទីក្រុងចុងឈីង កាលពីខែសីហាកន្លងទៅនេះ។ ដូចនេះ រោងចក្ររបស់ក្រុមហ៊ុនផលិតធំៗ ដូចជាក្រុមហ៊ុនផលិត iPhone Foxconn និង Tesla ត្រូវបានបង្ខំឱ្យកាត់បន្ថយម៉ោងធ្វើការ ឬបិទទាំងស្រុង។

៥. បច្ចេកវិទ្យារបស់ចិនកំពុងបាត់បង់អ្នកវិនិយោគ៖ Tencent និង Alibaba បានរាយការណ៍ពីការធ្លាក់ចុះនៃប្រាក់ចំណូលដំបូងរបស់ពួកគេនៅក្នុងត្រីមាសចុងក្រោយបំផុតនេះ។ ក្រុមហ៊ុន Softbank របស់ជប៉ុនបានដកសាច់ប្រាក់យ៉ាងច្រើនពី Alibaba ខណៈដែលក្រុមហ៊ុន Berkshire Hathaway របស់លោក Warren Buffet កំពុងលក់ចេញភាគហ៊ុនរបស់ខ្លួននៅក្នុងក្រុមហ៊ុនផលិតរថយន្តអគ្គិសនី BYD ។ ទឹកប្រាក់ជាង ៧ ពាន់លានដុល្លារនៃការវិនិយោគត្រូវបានដកចេញពីក្រុមហ៊ុន Tencent នៅក្នុងឆមាសទី២នៃឆ្នាំនេះ។ មិនត្រឹមតែប៉ុណ្ណោះ អាមេរិកកំពុងតែបង្ក្រាបក្រុមហ៊ុនចិនដែលចុះបញ្ជីក្នុងទីផ្សារភាគហ៊ុនអាមេរិក៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

កម្ពុជា-ធនាគារពិភពលោក ចុះកិច្ចព្រមព្រៀងឥណទានសម្បទាន ១៥០ លានដុល្លារ ដើម្បីតភ្ជាប់ហេដ្ឋារចនាសម្ព័ន្ធក្នុងតំបន់

ព្រឹត្តិការណ៍, សេដ្ឋកិច្ច

• 16/06/2026

កម្ពុជា និងធនាគារពិភពលោក (World Bank) បានចុះហត្ថលេខាលើកិច្ចព្រមព្រៀងឥណទានសម្បទានដំណាក់កាលទីមួយ មានតម្លៃ ១៥០ លានដុល្លារអាម៉េរិក សម្រាប់គម្រោងលើកកម្ពស់ការតភ្ជាប់ហេដ្ឋារចនាសម្ព័ន្ធក្នុងតំបន់

បេសកកម្មគោះទ្វារអ្នកវិនិយោគរបស់មន្ត្រីជាន់ខ្ពស់កម្ពុជា នៅជប៉ុន និង កូរ៉េ រំពឹងទទួលបានវិនិយោគិនថ្មីៗចូលមកបន្ថែម

ព្រឹត្តិការណ៍, សេដ្ឋកិច្ច

• 16/06/2026

នៅក្នុងដំណើរទស្សនកិច្ច និងបេសកកម្មរបស់មន្ត្រីជាន់ខ្ពស់កម្ពុជា ទៅក្រៅប្រទេស ពិតណាស់តែងនាំមកវិញនូវអ្នកវិនិយោគថ្មីៗចូលមកកាន់ប្រទេសកម្ពុជា

ការផ្គត់ផ្គង់ថាមពលនឹងត្រូវការពេលយូរ ទៅរកសភាពធម្មតាវិញ ទោះបីបញ្ចប់សង្រ្គាម និងបើកច្រក Hormuz ឡើងវិញក៏ដោយ

ព្រឹត្តិការណ៍, សេដ្ឋកិច្ច

• 16/06/2026

បើទោះបីជាអាម៉េរិក និងអ៊ីរ៉ង់អាចឈានដល់កិច្ចព្រមព្រៀងបញ្ចប់សង្រ្គាម និងបើកច្រកសមុទ្រ Hormuz ឡើងវិញក្ដី ក៏ការផ្គត់ផ្គង់ប្រេង និងហ្គាសត្រូវចំណាយពេលរាប់ខែ ដើម្បីត្រឡប់មករកសភាពធម្មតាវិញ

ឱនភាពពាណិជ្ជកម្មរបស់សហភាពអឺរ៉ុបជាមួយប្រទេសចិនបានឈានដល់កំណត់ត្រា ១ ពាន់លានអឺរ៉ូក្នុងមួយថ្ងៃ

ព្រឹត្តិការណ៍, សេដ្ឋកិច្ច

• 16/06/2026

ឱនភាពពាណិជ្ជកម្មរបស់សហភាពអឺរ៉ុបជាមួយប្រទេសចិនបានឈានដល់កំណត់ត្រា ១ ពាន់លានអឺរ៉ូមួយថ្ងៃ ដែលជំរុញឱ្យមានក្ដីព្រួយបារម្ភពីអនាគតនៃឧស្សាហកម្មរបស់សហភាពអឺរ៉ុបទាំងមូល

ស្វាយកែវរមៀតនៅឧត្តរមានជ័យ រំពឹងថា នឹងមានទីផ្សារ និងតម្លៃល្អ ក្រោយចុះបញ្ជី GI

ព្រឹត្តិការណ៍, សេដ្ឋកិច្ច

• 16/06/2026

កសិករដាំដុះស្វាយកែវរមៀតនៅឧត្តរមានជ័យ រំពឹងថា ស្វាយកែវរមៀតនៅក្នុងភូមិសាស្ត្ររបស់ខ្លួន នឹងមានទីផ្សារ និងតម្លៃល្អ ពិសេស នឹងជួយទាក់ទាញអ្នកវិនិយោគដើម្បីកែច្នៃសម្រាប់ផ្គត់ផ្គង់ក្នុងស្រុក និងឈានទៅនាំចេញ ក្រោយទទួលបានការចុះបញ្ជីជាផលិតផលសម្គាល់ភូមិសាស្រ្ត (GI)

អ្នកជំនួញធំៗនៅកម្ពុជា រួមគ្នាអភិវឌ្ឍវិស័យកសិកម្ម ជំរុញការកែច្នៃ និងផលិតក្នុងស្រុកឱ្យបានកាន់តែច្រើន

Top News, ព្រឹត្តិការណ៍, សេដ្ឋកិច្ច

• 16/06/2026

អ្នកជំនួញធំៗនៅក្នុងប្រទេសកម្ពុជា បានរួមគ្នាជំរុញការអភិវឌ្ឍវិស័យកសិកម្ម ដើម្បីបង្កើនការផលិត និងកែច្នៃក្នុងស្រុកឱ្យបានកាន់តែច្រើន សម្រាប់ផ្គត់ផ្គង់ទីផ្សារ

មោទនភាពខ្មែរ ! ក្រុមហ៊ុន ខ្មែរ ប៊ែវើរីជីស នាំយកមេដាយមាសលំដាប់ពិភពលោក Monde Selection ឆ្នាំ២០២៦ ចំនួន១០មកកម្ពុជា

ព្រឹត្តិការណ៍, អត្ថបទពាណិជ្ជកម្ម

• 16/06/2026

មោទនភាពខ្មែរ ! ក្រុមហ៊ុន ខ្មែរ ប៊ែវើរីជីស នាំយកមេដាយមាសលំដាប់ពិភពលោក Monde Selection ឆ្នាំ២០២៦ ចំនួន១០ ពីទីក្រុងប៉ារីស មកកាន់ប្រទេសកម្ពុជា

កសិករ នៅតែពេញនិយមប្រើប្រាស់លាមកសត្វប្រចៀវជាជី សម្រាប់ដាំដុះដំណាំ

ជំនួញ, ព្រឹត្តិការណ៍

• 16/06/2026

លាមកសត្វប្រចៀវ គឺជាជីពេញដែលនិយមមួយរបស់កសិករក្នុងវិស័យកសិកម្មតាំងពីដើមមក ហើយរហូតមកដល់សម័យទំនើប ទោះបីជាមនុស្សអាចផលិតជី សម្រាប់ប្រើក្នុងវិស័យកសិកម្មបានច្រើន សម្បូរបែបក៏ដោយ ក៏លាមកប្រចៀវ នៅតែជាជីពេញនិយមសម្រាប់កសិករក្នុងតំបន់មួយចំនួនដដែល

បារាំង ធ្វើជាម្ចាស់ផ្ទះកិច្ចប្រជុំកំពូលក្រុមប្រទេសសេដ្ឋកិច្ចជឿនលឿន G7 ចាប់ពីថ្ងៃទី ១៥ ដល់ ១៧ ខែមិថុនា

ព្រឹត្តិការណ៍, សេដ្ឋកិច្ច

• 15/06/2026

បារាំង ធ្វើជាម្ចាស់ផ្ទះសម្រាប់កិច្ចប្រជុំកំពូលរបស់ក្រុមប្រទេសសេដ្ឋកិច្ចជឿនលឿន G7 ចាប់ពីថ្ងៃទី ១៥ ដល់ ថ្ងៃទី ១៧ ខែមិថុនា នៅទីក្រុង Evian ជិតព្រំប្រទល់ជាមួយនឹងស្វីស