សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្រចៀកក្រាញ់ គឺជាប្រភេទរុក្ខជាតិវល្លិ៍មួយប្រភេទ ដែលមានអត្ថប្រយោជន៍ច្រើនចំពោះសុខភាព ពិសេសគេអាចកិនធ្វើជាភេសជ្ជៈសុខភាពជំនួយសម្រួលដល់បញ្ហាក្រពះពោះវៀនថែមទៀតផង។ ហេតុនេះ ត្រចៀកក្រាញ់គឺជារុក្ខជាតិមួយមានប្រយោជន៍ច្រើន ដែលប្រជាជនគួរតែដាំតាមផ្ទះ ដោយសារវាងាយស្រួលដាំ និងទទួលបានផលលឿន។
អ្នកស្រី ញ៉ែម គុន្ធា អ្នកដាំ និងលក់ពូជត្រចៀកក្រាញ់នៅខេត្តបាត់ដំបង បានថ្លែងប្រាប់ AMS ថា ៖
“ដើមត្រចៀកក្រាញ់នេះងាយស្រួលដាំ ងាយថែទាំ ហើយបច្ចុប្បន្នយើងអាចលក់បានទាំងពូជ និងស្លឹកដែលគេទិញយកទៅ ដោយសារវាមានអត្ថប្រយោជន៍ច្រើន ពិសេសសម្រាប់ជំងឺក្រពះពោះវៀន”
អ្នកស្រី បានបន្ថែមថា ស្លឹកត្រចៀកក្រាញ់មានទីផ្សារណាស់ យើងបេះលក់ស្ទើរមិនទាន់ ដែលយើងអាចលក់បានក្នុងតម្លៃ ២ ម៉ឺនរៀល ក្នុងមួយគីឡូក្រាម ចំណែកកូនវិញ យើងអាចលក់បានក្នុងតម្លៃ ៨០០០ រៀល ក្នុងមួយផើង។
អ្នកស្រី បានឱ្យដឹងថា ៖
“ក្រៅពីលក់ហើយ ខ្ញុំក៏បេះស្លឹកត្រក្រាញ់ទុកកិនលាយស្ករធ្វើជាភេសជ្ជៈញ៉ាំខ្លួនឯងផងដែរ ដោយសារវាមានអត្ថប្រយោជន៍ច្រើនចំពោះសុខភាព”
សម្រាប់អតិថិជនវិញ ភាគច្រើនជាអ្នកដែលបានស្គាល់ ក៏ដូចជាដឹងពីប្រយោជន៍របស់រុក្ខជាតិប្រភេទនេះ ទាំងអ្នកនៅរាជធានីភ្នំពេញ និងតាមបណ្ដាខេត្ត ដែលទិញជាស្លឹកបេះស្រាប់ៗយកទៅកិនលក់បន្ត ហើយខ្លះទៀតក៏ទិញកូនយកទៅដាំខ្លួនឯងតែម្ដង។
ពាក់ព័ន្ធនឹងការដាំវិញ អ្នកស្រី គុន្ធា បញ្ជាក់ទៀតថា រុក្ខជាតិត្រចៀកក្រាញ់ គឺមិនពិបាកក្នុងការដាំ និងថែទាំនោះទេ ដោយយើងទិញពូជទៅវាមានកូនតូចៗស្រាប់ ដែលយើងអាចដាំក្នុងផើង ឬអាចជ្រុំដី ឬធ្វើជារង ដាក់ដាំ និងស្រោចទឹក គឺវាអាចបោះដៃវារពេញថ្នាលតែម្ដង។
ចុងក្រោយ អាជីវករខាងលើក៏មានមតិចូលរួមដែរថា សម្រាប់បងប្អូនដែលមានដីទំនេរអាចសាកដាំបាន ដោយសាររុក្ខជាតិនេះងាយស្រួលដាំ ងាយថែទាំ និងផ្ដល់គុណប្រយោជន៍ច្រើនចំពោះអ្នកទទួលទាន។
គួរបញ្ជាក់ដែរថា ដើមត្រចៀកក្រាញ់ មានប្រយោជន៍ច្រើនដូចជា ជួយបន្ថយជំងឺលើសឈាម បំប៉នខួរក្បាល ព្យាបាលដំបៅក្រពះ បន្ថយកម្ដៅ ធ្វើឱ្យត្រជាក់ខ្លួនជាដើម។ ចំពោះកាកស្លឹកត្រចៀកក្រាញ់ដែលសល់ពីការធ្វើភេសជ្ជៈ គេអាចច្នៃលាបលើមុខ ដងខ្លួន ដៃ ជើង អាចជួយថែរក្សាស្បែក ឱ្យទន់រលោងស្អាតផងដែរ៕
Account
Security
Favourite Content