សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្មីៗនេះ សហរដ្ឋអាមេរិកបានប្រកាសដាក់ទណ្ឌកម្មថ្មីជាច្រើនទៀតប្រឆាំងទៅនឹងរដ្ឋាភិបាលមីយ៉ាន់ម៉ាដែលកំពុងដឹកនាំដោយយោធាទោះបីជាសេដ្ឋកិច្ចរបស់សមាជិកអាស៊ីអាគ្នេយ៍មួយនេះហាក់ដូចជាមិនទាន់មានភាពល្អប្រសើរឡើងវិញនៅឡើយក្តី។ ទណ្ឌកម្មថ្មីៗដែលត្រូវបានគេមើលឃើញថា បានធ្វើឡើងសំដៅទៅលើក្រសួងការពារជាតិរបស់មីយ៉ាន់ម៉ាព្រមទាំងធនាគារចំនួន២ផង។ រដ្ឋាភិបាលក្រុងវ៉ាស៊ីនតោនបានចោទប្រកាន់របបយោធាបានប្រើប្រាស់អំណាចក្នុងការចាយលុយរដ្ឋទៅបញ្ជាទិញអាវុធ និងទំនិញពីបរទេសក្នុងទំហំយ៉ាងច្រើនសន្ធឹកសន្ធាប់។
សេចក្តីថ្លែងការណ៍ដែលត្រូវបានធ្វើឡើងដោយរតនាគារជាតិអាមេរិកបានអះអាងថា យោធាមីយ៉ាន់ម៉ាបានពឹងផ្អែកទៅលើប្រភពបរទេសជាច្រើនរួមទាំងក្រុមហ៊ុនមួយចំនួនរបស់រុស្ស៊ីផងក្នុងការបញ្ជាទិញអាវុធ និងនាំចូលវត្ថុធាតុដើមក្នុងការផលិតអាវុធដោយខ្លួនឯង ហើយដែលវាត្រូវបានយកមកប្រើប្រាស់ក្នុងការធ្វើសកម្មភាពអហិង្សាលើពលរដ្ឋមីយ៉ាន់ម៉ា។
ក្នុងនោះរដ្ឋាភិបាលក្រុងវ៉ាស៊ីនតោនបានលំអិតថាក្រសួងការពារជាតិមីយ៉ាន់ម៉ាបាននាំចូលអាវុធ និងវត្ថុធាតុដើមដែលមានតម្លៃយ៉ាងហោចណាស់១០០០លានដុល្លារគិតចាប់តាំងតែពីរដ្ឋប្រហារឆ្នាំ២០២១ដែលរបបយោធាបានធ្វើការដណ្តើមអំណាចដោយខុសច្បាប់ចេញពីរដ្ឋាភិបាលស្របច្បាប់ដែលដឹកនាំដោយលោកស្រីអង់សាស៊ូជី។
ធនាគារមីយ៉ាន់ម៉ាទាំងពីរដែលទទួលរងនូវទណ្ឌកម្មថ្មីដោយអាមេរិកនោះមានដូចជា ធនាការ MFTB និងធនាគារ MICB ដែលសុទ្ធតែជាប្រតិបត្តិការគ្រប់គ្រងដោយរដ្ឋ។ ធនាគារទាំងពីរបានអនុញ្ញាតឲ្យរបបយោធាក្នុងការប្រើប្រាស់ប្រាក់ចំណូលដែលរដ្ឋាភិបាលប្រមូលបានពីអាជីវកម្មរបស់សហគ្រាសរដ្ឋតូចធំបូករួមទាំងក្រុមហ៊ុនប្រេង និងហ្គាស Myanma Oil and Gas Enterprise ។
របាយការណ៍ចោទប្រកាន់ក៏បានពណ៍នាដែរថា យោធាមីយ៉ាន់ម៉ាបានធ្វើការដោះដូរប្រាក់ចំណូលរបស់ខ្លួនជាមួយនឹងទីផ្សារបរទេសដើម្បីទទួលបានរូបិយវត្ថុបរទេសសម្រាប់ការបញ្ជាទិញទំនិញមួយចំនួនបានដូចជា សាំងសម្រាប់ចាក់យន្តហោះវត្ថុធាតុដើម និងគ្រឿងបន្លាស់ព្រមទាំងឧបករណ៍មួយចំនួនដែលអាចយកមកប្រើប្រាស់ក្នុងការផលិតអាវុធខ្នាតតូចនៅក្នុងប្រទេស ក៏ដូចជាទំនិញផ្សេងទៀតដែលរូបិយវត្ថុមីយ៉ាន់ម៉ាគឺ Kyat មិនត្រូវបានអនុញ្ញាតឲ្យធ្វើការជួញដូរបានននៅក្នុងទីផ្សារអន្តរជាតិ៕
Account
Security
Favourite Content