សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីរ៉យទ័រ បានរាយការណ៍ថា តម្លៃប្រេងបានឡើងថ្លៃជាង ១ ភាគរយ បន្ទាប់ពីទិន្នន័យលក់រាយរបស់សហរដ្ឋអាមេរិកជំរុញឱ្យមានការលក់ចេញជាប្រាក់ដុល្លារ ជាមួយនឹងរបាយការណ៍របស់ទីភ្នាក់ងារថាមពលអន្តរជាតិ (IEA) ដែលបង្ហាញពីកំណើនតម្រូវការយឺតនៅឆ្នាំនេះ។
ទន្ទឹមនឹងនេះ តម្លៃប្រេងឆៅម៉ាក Brent កើនឡើង ១,៥ ភាគរយ ឬ ៨២,៨៦ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) កើនឡើង ១,៨ ភាគរយ ឬ ៧៨,០៣ ដុល្លារក្នុងមួយបារ៉ែល។ បន្ថែមពីនេះ សន្ទស្សន៍ប្រាក់ដុល្លារអាមេរិកបានធ្លាក់ចុះប្រហែល ០,៣ ភាគរយ បន្ទាប់ពីទិន្នន័យបង្ហាញថា ការលក់រាយរបស់សហរដ្ឋអាមេរិកបានធ្លាក់ចុះច្រើនជាងការរំពឹងទុកនៅក្នុងខែមករា។ ជាទូទៅ ប្រាក់ដុល្លារទន់ខ្សោយជំរុញតម្លៃប្រេងឡើងថ្លៃ ពីព្រោះវានឹងមានតម្លៃថោកសម្រាប់អ្នកកាន់រូបិយប័ណ្ណផ្សេងទៀត។
កាលពីថ្ងៃព្រហស្បតិ៍ នាយកដ្ឋានពាណិជ្ជកម្មអាម៉េរិកបានបង្ហាញថា ការលក់រាយបានធ្លាក់ចុះ ០,៨ ភាគរយកាលពីខែមករា ខណៈដែលការលក់រាយនៅខែធ្នូបានកើនឡើង ០,៤ ភាគរយ។ ទិន្នន័យនេះបានជំរុញឱ្យមានក្តីសង្ឃឹមសម្រាប់ការកាត់បន្ថយអត្រាការប្រាក់របស់ធនាគារកណ្តាលអាម៉េរិកនាពេលអនាគត ដែលនឹងជំរុញទីផ្សារប្រេង។
ទោះជាយ៉ាងណាក្តី ការឡើងថ្លៃតម្លៃប្រេងបន្ថែមទៀតអាចនឹងត្រូវបានកំណត់ដោយរបាយការណ៍របស់ IEA ដែលបានកាត់បន្ថយការព្យាករណ៍កំណើនឆ្នាំ២០២៤ របស់ខ្លួនមកត្រឹម ១,២២ លានបារ៉ែលក្នុងមួយថ្ងៃដោយសារតម្រូវការប្រេងពិភពលោកកំពុងបាត់បង់សន្ទុះ។ ចំពោះផ្នែកការផ្គត់ផ្គង់ IEA បានប៉ាន់ប្រមាណថា ការផ្គត់ផ្គង់នឹងកើនឡើង ១,៧ លានបារ៉ែលក្នុងមួយថ្ងៃក្នុងឆ្នាំនេះ លើសពីការព្យាករណ៍កាលពីលើកមុនដែលមានត្រឹម ១,៥ លានបារ៉ែលក្នុងមួយថ្ងៃ៕
Account
Security
Favourite Content