សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សមតុល្យឥណទានលក្ខណៈបុគ្គលសម្រាប់ប្រើប្រាស់ផ្ទាល់ខ្លួនក្នុងប្រព័ន្ធធនាគារ និងហិរញ្ញវត្ថុក្នុងប្រទេសកម្ពុជាបានកើនឡើងដល់ ១៥,៣១ពាន់លានដុល្លារអាមេរិក ក្នុងដំណាច់ឆមាសទី១ឆ្នាំ ២០២៤ ក្នុងនោះ ៥២,៩២ភាគរយជាកម្ចីសម្រាប់ប្រើប្រាស់ក្នុងវិស័យអចលនទ្រព្យដែលមានការកើនឡើងខ្ពស់ ។ នេះបើតាមរបាយការណ៍របស់ក្រុមហ៊ុន ក្រេឌីតប្យូរ៉ូខេមបូឌា (CBC) ។
របាយការណ៍នេះបានបង្ហាញថា គិតត្រឹមខែកកក្កដា ឆ្នាំ២០២៤ ចំនួនគណនីឥណទានលក្ខណៈបុគ្គលសម្រាប់ប្រើប្រាស់ផ្ទាល់ខ្លួនមានការកើនឡើង ៤,៧៥ភាគរយប្រៀបពីត្រីមាសទី១ឆ្នាំ ២០២៤ ដែលធ្វើឱ្យចំនួនគណនីទូទាំងប្រទេសមានចំនួន ១,៩២លានគណនី ។ ក្នុងចំណោមនោះ មាន ៨១,៤៤ភាគរយ ជាឥណទានសម្រាប់ប្រើប្រាស់ផ្ទាល់ខ្លួន ដូចជាសម្រាប់ទិញសម្ភារៈប្រើប្រាស់របស់របរផ្ទាល់ខ្លួន ។ ចំណែកកម្ចីសម្រាប់អចលនទ្រព្យមានចំនួន ១០,៥៩ភាគរយ និង ៧,៩៧ភាគរយគឺជាកម្ចីឥណទាន ។
បើគណនាលើចំនួនអ្នកខ្ចី សម្រាប់ប្រើប្រាស់ក្នុងវិស័យអចលនទ្រព្យជាង២០ម៉ឺននាក់ ឬគណនី ខណៈទំហំឥណទានសម្រាប់ប្រើប្រាស់ក្នុងវិស័យនេះ មានចំនួនរហូតដល់ជាង ៨ពាន់លានដុល្លារអាមេរិក ។
ក្នុងរបាយការណ៍របស់CBC បានបង្ហាញបន្ថែមថា ការស្នើសុំឥណទានសម្រាប់អចលនទ្រព្យ ឬកម្ចីក្នុងវិស័យលំនៅឋាន បានកើនឡើងប្រមាណ១៧ភាគរយ ធៀបនឹងត្រីមាសទី១ឆ្នាំ២០២៤ ក្នុងនោះ នៅតំបន់ឆ្នេរមានការកើនឡើងខ្លាំងដែលមានរហូតដល២៩ភាគរយ ។ ដោយឡែកទំហំទឹកប្រាក់ដែលបានផ្ដល់ជូនសម្រាប់ទិញលំនៅឋានក៏បានកើនឡើងប្រមាណ១៩ភាគរយផងដែរ ។
ដោយឡែកបើតាមរបាយការណ៍របស់ក្រុមហ៊ុនអចលនទ្រព្យ CBRE Cambodia បានបង្ហាញឱ្យឃើញថា ការអភិវឌ្ឍន៍លើលំនៅឋាន ទាំងប្រភេទលំនៅឋានលក្ខណៈជាបុរី និងលំនៅឋានជាអគារសហកម្មសិទ្ធិនៅតែបន្តអភិវឌ្ឍន៍ ប៉ុន្តែបើធៀបជាមួយនឹងឆ្នាំមុនៗឃើញថាក្នុងឆមាសទី១ ឆ្នាំ២០២៤នេះមានការថមថយច្រើន ជាក់ស្ដែងក្នុងរយៈពេល៦ខែកន្លងមកនេះ មានគម្រោងអភិវឌ្ឍន៍លំនៅឋានមានលក្ខណៈជាបុរីថ្មី មានតែ ២ គម្រោងប៉ុណ្ណោះ គឺគម្រោង Norea Square ( Phase 2) និងគម្រោង ប៉េងហួត អេកូប៉ូលី ( Peng Huoth Eco Poly )ដែលគម្រោងទាំង ២ នេះ មានទីតាំងក្នុងខណ្ឌច្បារអំពៅ ។
បើតាមរបាយការណ៍នេះបានឱ្យដឹងថា គម្រោងអភិវឌ្ឍន៍លំនៅឋានជាបុរី ភាគច្រើនម្ចាស់គម្រោងផ្ដោតលើលំនៅឋានតម្លៃសមរម្យ ដែលមានរហូតដល់៤៩ភាគរយនៃគម្រោងទាំងអស់ ។ ក្នុងឆ្នាំ២០២៤នេះ ក្រុមហ៊ុន CBRE Cambodia រំពឹងថា នឹងមានគម្រោងអភិវឌ្ឍន៍ជាបុរី ចំនួន២៩គម្រោងបានបញ្ចប់ ខណៈពាក់កណ្ដាលឆ្នាំ២០២៤បានសម្រេច៣៥ភាគរយហើយ ។
គួររំលឹកថា ធនាគារជាតិនៃកម្ពុជាកាលពីពេលថ្មីៗនេះបានផ្ដល់ជាទស្សនទានដល់បណ្ដាអ្នកពាក់ព័ន្ធឱ្យមានការប្រុងប្រយ័ត្នចំពោះការផ្ដល់កម្ចីដល់វិស័យអចលនទ្រព្យ ពីព្រោះថា ឥណទានក្នុងវិស័យនេះបានឡើងដល់ចំណុចគួរប្រុងប្រយ័ត្ន ក្នុងពេលដែលការផ្គត់ផ្គង់លើវិស័យអចលនទ្រព្យមានច្រើនជាងតម្រូវការ៕
Account
Security
Favourite Content