សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អាជីវកម្មបរិយាបន្ន គឺជាអាជីវកម្មឈរលើគោលការណ៍ធុរកិច្ចប្រកបដោយនវានុវត្តន៍ សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានវិសាលភាពធំធេង ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប។ បន្ទាត់អាជីវកម្មបរិយាបន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ។
ភ្ជាប់ជាមួយប្រធានបទខាងលើនេះ ក្នុងគោលបំណងចែករំលែកនូវចំណេះដឹង និងលើកស្ទួយ ជំរុញឱ្យបណ្តាម្ចាស់អាជីវកម្ម ក៏ដូចជាម្ចាស់សហគ្រាសនានានៅក្នុងព្រះរាជាណាចក្រកម្ពុជាអាចធ្វើការអភិវឌ្ឍខ្លួនទៅជាអាជីវកម្មបរិយាបន្នពេញលេញ តាមរយៈសមាគមសហគ្រិនវ័យក្មេងកម្ពុជា (YEAC) សហការជាមួយស្ថាប័ន សហគ្រាស និងម្ចាស់អាជីវកម្មដែលជាដៃគូពាក់ព័ន្ធ ក្រោមកិច្ចគាំទ្រដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរៀបចំនូវកម្មវិធីបណ្តុះបណ្តាលដ៏ពិសេសមួយ ស្ដីពី «អាជីវកម្មបរិយាន្ន» ដែលនឹងប្រព្រឹត្តទៅនៅថ្ងៃទី៣១ ខែតុលា ឆ្នាំ២០២៤ ចាប់ពីម៉ោង ៨ : ៣០នាទីព្រឹក ដល់ម៉ោង ៥ : ០០នាទីល្ងាច នៅគណៈកម្មាធិការសេដ្ខកិច្ច និងធុរកិច្ចឌីជីថល (DEBC), ជាន់ទី១៧ នៃអគារមជ្ឈមណ្ឌលអភិវឌ្ឍធុរកិច្ច (BDC) ផ្លូវ OCIC ខណ្ឌជ្រោយចង្វារ រាជធានីភ្នំពេញ។
នៅក្នុងវគ្គបណ្តុះបណ្តាលដ៏មានសារសំខាន់មួយនេះ លោកអ្នកដែលបានចូលរួមនឹងបានស្វែងយល់ច្បាស់ពី ស្ថានភាពវិស័យឧស្សាហកម្មនៅកម្ពុជា, ទិដ្ឋភាពទូទៅនៃអាជីវកម្មបរិយាបន្ន, សកម្មភាពយុទ្ធសាស្ត្រសម្រាប់ការលើកកម្ពស់អាជីវកម្មបរិយាបន្ន, លក្ខណៈវិនិច្ឆ័យអាជីវកម្មបរិយាបន្ន ហើយហេតុអ្វីបានជាយើងគួរចាប់យកអាជីវកម្មបរិយាបន្ន?
ដោយឡែក ចំពោះអ្នកជំនាញចូលរួមបកស្រាយបញ្ជាក់ទាក់ទងទៅនឹងចំណុចសំខាន់ៗដូចបានបង្ហាញខាងលើនេះមានដូចជា ៖ ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងវាគ្មិនចំនួន៣រូបទៀត ដែលជាម្ចាស់ក្រុមហ៊ុនធ្លាប់ទទួលបានពានរង្វាន់កម្រិតអាស៊ានក្នុងនាមជាអាជីវកម្មបរិយាបន្ន រួមមាន អ្នកស្រី ចៅ លន់មូលីការ ស្ថាបនិកក្រុមហ៊ុន Cambodian Standard Development & Supply Co.,Ltd , លោកស្រី ហុក ស្រីហួរ អគ្គនាយិកាក្រុមហ៊ុន ភីភី អេហ្វ យ៉ាំមី មេនូហ្វេកធែរីង ឯ.ក , និងលោកស្រី ឌីផន ភិរម្យ ស្ថាបនិកក្រុមហ៊ុនថែទាំសុខភាពចល័ត ម៉ាច់ (MUCH) ។
សូមបញ្ជាក់ ៖ សម្រាប់អ្នកដែលមានបំណងចូលរួមវគ្គបណ្តុះបណ្តាលដ៏មានសារសំខាន់មួយនេះអាចចុះឈ្មោះតាមរយៈ
✍️ ទាញយកពាក្យស្នើសុំនៅទីនេះ https://forms.gle/GV4hC8XWcQG6HYUWA ឬស្កេន QR Code ក្នុងផ្ទាំងផ្សព្វផ្សាយ
ចំពោះអ្នកចូលរួមដោយផ្ទាល់ ផ្តល់ការបរិច្ចាគ ២៥ ដុល្លារ/ម្នាក់ (Physical) និងអ្នកចូលរួមតាមអនឡាញ ១៥ ដុល្លារ/ម្នាក់ (Online)
Account
Security
Favourite Content