សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍័ថា តម្លៃប្រេងបានឡើងថ្លៃបន្តិច ដោយសារការកើនឡើងតម្រូវការប្រេងនៅក្នុងប្រទេសឥណ្ឌាដែលជាប្រទេសនាំចូលប្រេងធំទីបីរបស់ពិភពលោក រួមជាមួយនឹងស្ថានភាពសេដ្ឋកិច្ចរបស់សហរដ្ឋអាមេរិកមានភាពល្អប្រសើរឡើងបន្តិចវិញក្រោយកការគ្រប់គ្រងសារជាថ្មីរបស់រដ្ឋបាល លោក Donald Trump ។
នៅក្នុងសប្ដាហ៍នេះ តម្លៃប្រេងឆៅម៉ាក Brent បានឡើងថ្លៃ ០,៤៥ ភាគរយ ឬ ៧២,៩៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៤២ ភាគរយ ឬ ៦៩,៥៣ ដុល្លារក្នុងមួយបារ៉ែល។
ស្របពេលដែលសេដ្ឋកិច្ចសហរដ្ឋអាមេរិកគឺជាអ្នកប្រើប្រាស់ប្រេងច្រើនជាងគេរបស់ពិភពលោកបានងាកក្បាលទៅរកស្ថានភាពល្អប្រសើរឡើងវិញបន្តិច បណ្តាពាណិជ្ជករកំពុងរង់ចាំមើលទិន្នន័យដែលបង្ហាញពីតម្រូវការស្តុកប្រេងឆៅ និងប្រេងឥន្ធនៈរបស់ប្រទេសមួយនេះ។ ផ្អែកលើការស្ទង់មតិដោយរ៉យទ័រ អ្នកវិភាគបានប៉ាន់ប្រមាណជាមធ្យមថា ស្តុកប្រេងឆៅរបស់អាមេរីកបានធ្លាក់ចុះប្រហែល ២ លានបារ៉ែលគិតត្រឹមសប្តាហ៍ទី៣នៃខែធ្នូ។ នេះបង្ហាញថា តម្រូវការប្រេងមានសញ្ញាវិជ្ជមាន។ កាលពីថ្ងៃចន្ទ សប្ដាហ៍នេះ ប្រាក់ដុល្លារអាម៉េរិកបានឡើងថ្លៃក្នុងកម្រិតខ្ពស់។
លោក Giovanni Staunovo អ្នកវិភាគរបស់ UBS បានលើកឡើងថា ស្របពេលប្រាក់ដុល្លារអាមេរិកផ្លាស់ប្តូរពីចុះខ្សោយទៅកាន់តែរឹងមាំ វាបានធ្វើឱ្យប្រេងដែលមានតម្លៃថ្លៃសម្រាប់អ្នកទិញអន្តរជាតិ កាត់បន្ថយតម្រូវការ ដែលបណ្តាលឱ្យតម្លៃប្រេងធ្លាក់ចុះមកវិញ។ នេះបង្ហាញពីភាពប្រែប្រួលនៃតម្លៃប្រេងចំពោះការប្រែប្រួលរូបិយប័ណ្ណ។ កាលពីថ្ងៃសុក្រ សប្ដាហ៍កន្លងទៅ លោកប្រធានាធិបតីជាប់ឆ្នោតរបស់សហរដ្ឋអាម៉េរិក Donald Trump បានជំរុញឱ្យសហភាពអឺរ៉ុបបង្កើនការនាំចូលប្រេង និងឧស្ម័នរបស់សហរដ្ឋអាមេរិក។ បើមិនដូច្នោះទេ ពួកគេប្រឈមមុខនឹងការយកពន្ធលើការនាំចេញរបស់តំបន់មួយនេះ។
ទន្ទឹមនឹងនេះ ការនាំចូលប្រេងឆៅដោយប្រទេសឥណ្ឌា ដែលជាប្រទេសនាំចូលប្រេងធំជាងគេទី៣ របស់ពិភពលោក បានកើនឡើង ២,៦ ភាគរយ ឬ ១៩,០៧ លានតោន បើធៀបនឹងឆ្នាំមុន។ នេះបង្ហាញពីតម្រូវការប្រេងខ្លាំង ចំពេលដែលមានការកើនឡើងនៃសកម្មភាពសេដ្ឋកិច្ច និងការធ្វើដំណើរឡើងវិញរបស់ពិភពលោក៕
Account
Security
Favourite Content