សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានអះអាងថា ការកែទម្រង់បរិយាកាសវិនិយោគ និងធុរកិច្ចជាបន្តបន្ទាប់របស់រាជរដ្ឋាភិបាលកម្ពុជា បានផ្តល់ទំនុកចិត្តដល់វិនិយោគិន ធុរជនក្នុង និងក្រៅប្រទេសឱ្យបន្តបណ្តាក់ទុននៅកម្ពុជាជាបន្តបន្ទាប់ ដោយក្នុងចំនួនរោងចក្រធុនធំៗដែលបើកដំណើរការនៅតែបង្ហាញសញ្ញាវិជ្ជមាន ខណៈដែលរោងចក្រថ្មីៗបានកើតឡើង ១៦៣ បន្ថែមទៀត។
ឯកឧត្តមកិត្តិសេដ្ឋាបណ្ឌិត ចម ប្រសិទ្ធ រដ្ឋមន្ត្រីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០២១ និងទិសដៅការងារ ឆ្នាំ២០២២ ថា ៖
“ក្នុងឆ្នាំ ២០២១ រោងចក្រថ្មីកើតឡើងចំនួន ១៦៣ ខណៈរោងចក្របិទទ្វារមានចំនួន ១៤៨ ដែលនេះមានន័យថា ទោះស្ថិតក្នុងកាលៈទេសៈលំបាកបណ្តាលមកពីជំងឺកូវីដ-១៩ ក៏មានតួលេខកំណើនវិជ្ជមានរវាងចំនួនរោងចក្របើកថ្មី និងចំនួនបិទទ្វារ”
ឯកឧត្តម ចម ប្រសិទ្ធ បានថ្លែងបន្តថា ៖
“វិស័យឧស្សាហកម្មបានចូលរួមចំណែកយ៉ាងច្រើនដល់ការអភិវឌ្ឍ ការទ្រទ្រង់ និងលើកកម្ពស់កំណើនសេដ្ឋកិច្ចជាតិ ប្រកបដោយចីរភាព និងបរិយាប័ន្ន ការបង្កើតការងារ ការបង្កើនតម្លៃបន្ថែមក្នុងសេដ្ឋកិច្ច និងការបង្កើនប្រាក់ចំណូលសមរម្យជូនប្រជាជន”
ឯកឧត្តមកិត្តិសេដ្ឋាបណ្ឌិត ក៏បានបញ្ជាក់ថាដែរថា ក្នុងឆ្នាំ២០២១ រោងចក្រធុនធំកំពុងដំណើរការនៅកម្ពុជាមានចំនួន ១ ៨៧៩ និងផ្តល់ឱកាសការងារចំនួន ៩៨៦ ៦៧៧ កន្លែង (ស្ត្រី ៧៦ ភាគរយ) ខណៈតម្លៃបរិមាណផលិតផលសរុបមាន ៧ ៤៣៣ លានដុល្លារ ធ្លាក់ចុះប្រមាណ ១៥ ភាគរយ បើធៀបនឹងឆ្នាំ២០២០ ក្នុងនោះ តម្លៃបរិមាណផលិតផលបម្រើទីផ្សារក្នុងស្រុកមានជាង ១ ៩៧៧ លានដុល្លារ និងតម្លៃបរិមាណផលិតផលនាំចេញមានជាង ៥ ៤៥៦ លានដុល្លារ។
អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង បានលើកឡើងថា តាមការសង្កេតរបស់លោក ចំនួនរោងចក្រដែលបើកដំណើរការនៅកម្ពុជាក្នុងឆ្នាំ ២០២១ ពិតជាកើតឡើងច្រើន ដែលកំណើននេះអាចមកពីការបង្កើតបាននូវកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគី និងការកែសម្រួលលក្ខខណ្ឌវិនិយោគ ការរក្សាបាននូវសមត្ថភាពផលិតក្នុងអំឡុងពេលប្រទេសមួយចំនួនត្រូវជាប់គាំងដោយសារជំងឺកូវីដ-១៩ និងការមានវត្ថុធាតុដើមសម្រាប់ផលិតកម្មជាដើម។
លោកឧកញ៉ា លឹម ហេង បានមានប្រសាសន៍ថា ៖
“ការចូលជាធរមាននៃកិច្ចព្រមព្រៀងពាណិជ្ជកម្មជាមួយចិន និងកូរ៉េ និងកិច្ចព្រមព្រៀង ACEP ធ្វើឱ្យអ្នកវិនិយោគជាច្រើនចាប់ផ្តើមចូលមកសិក្សា និងបណ្តាក់ទុននៅកម្ពុជា ដើម្បីនាំទៅទីផ្សាររបស់គេ រួមទាំងទីផ្សារប្រទេសក្នុងតំបន់មួយចំនួនមានការលើកលែងពន្ធសម្រាប់ការនាំចេញផលិតផលផងដែរ៕”
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មុខរបរចិញ្ចឹមគ្រួច ឆាប់បានទទួលផល ហើយរកចំណូលបានខ្ទង់ពាន់ដុល្លារក្នុងមួយខែៗ
Top News, ជំនួញ, ព្រឹត្តិការណ៍
• 23/06/2026
មុខរបរចិញ្ចឹមគ្រួច ហាក់ត្រូវបានមើលរំលងពីបណ្តាកសិករក្នុងស្រុក ប៉ុន្តែមុខរបរមួយនេះមិនត្រឹមតែងាយស្រួលប្រកប និងឆាប់បានប្រមូលផលលក់នៅលើទីផ្សារប៉ុណ្ណោះទេ ប៉ុន្តែថែមទាំងផ្តល់ចំណូលខ្ពស់រហូតខ្ទង់ពាន់ដុល្លារក្នុងមួយខែៗទៀតផង
សេចក្តីព្រាងច្បាប់វិសោធនកម្មផ្លូវថ្នល់ នឹងជួយអភិវឌ្ឍហេដ្ឋារចនាសម្ព័ន្ធដឹកជញ្ជូនឱ្យកាន់តែប្រសើរ
ព្រឹត្តិការណ៍, អាជីវកម្មថ្មី និងនវានុវត្ត
• 22/06/2026
សេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់មានសារៈសំខាន់ខ្លាំងរបស់រាជរដ្ឋាភិបាលក្នុងគោលបំណងពង្រឹងការគ្រប់គ្រង ថែទាំ និងអភិវឌ្ឍន៍ហេដ្ឋារចនាសម្ព័ន្ធដឹកជញ្ជូនឱ្យកាន់តែមានប្រសិទ្ធភាព និងទាន់សម័យ។
SK Hynix ដណ្តើមតំណែង Samsung ក្លាយជាក្រុមហ៊ុនមានតម្លៃបំផុតនៅកូរ៉េខាងត្បូង
ព្រឹត្តិការណ៍, អាជីវកម្មថ្មី និងនវានុវត្ត
• 22/06/2026
ក្រុមហ៊ុនផលិតបន្ទះឈីបអង្គចងចាំ SK Hynix បានវ៉ាដាច់ក្រុមហ៊ុន Samsung Electronics ក្លាយជាក្រុមហ៊ុនចុះបញ្ជី ដែលមានតម្លៃបំផុតរបស់ប្រទេសកូរ៉េខាងត្បូង
សិប្បកម្មកែច្នៃចំណីអាហារក្នុងស្រុក សម្រុកបង្កើនការផលិតសម្រាប់ផ្គត់ផ្គង់ទីផ្សារ និងជំរុញការនាំចេញទៅក្រៅប្រទេស
ជំនួញ, ព្រឹត្តិការណ៍, អាជីវកម្មថ្មី និងនវានុវត្ត
• 22/06/2026
សិប្បកម្មកែច្នៃចំណីអាហារក្នុងស្រុក ដែលរួមមានទាំងប្រភេទអាហារសម្រេច និងពាក់កណ្តាលសម្រេច កំពុងសម្រុកបង្កើនការផលិតសម្រាប់ផ្គត់ផ្គង់ទីផ្សារ និងជំរុញការនាំចេញទៅក្រៅប្រទេស
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content