សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី Weforum បានរាយការណ៍ថា ប្រទេសទាំង ៧ នេះបានសម្រេចគោលដៅសូន្យសុទ្ធរួចទៅហើយ ដែលមានន័យថាពួកគេបានធ្វើឱ្យមានតុល្យភាពរវាងកាបូនដែលពួកគេបញ្ចេញ ជាមួយនឹងកាបូនដែលពួកគេស្រូបយក។
ទី១ ប្រទេស ប៊ូតាន់ ស្ថិតនៅជួរភ្នំហិម៉ាល័យ និងគ្របដណ្តប់ដោយមានព្រៃឈើ ៧២ ភាគរយ។ ដើមឈើទាំងនោះស្រូបយកកាបូនជាង ៩ លានតោនក្នុងមួយៗឆ្នាំ។
ទី២ ប្រទេស ស៊ូរីណាម ជាប្រទេសអាមេរិកខាងត្បូងគ្របដណ្តប់ទៅដោយព្រៃឈើ ៩៧ ភាគរយ និងសម្បូរតំបន់ព្រៃឈើជាងគេនៅលើភពផែនដី។
ទី៣ ប្រទេស ប៉ាណាម៉ា ដែលគ្របដណ្តប់ទៅដោយព្រៃឈើ ៥៧ ភាគរយ ហើយគ្រោងនឹងពង្រឹកព្រៃឈើន្ថែមចំនួន ៥ ម៉ឺនហិកតាទៀតត្រឹមឆ្នាំ ២០៥០។
ទី៤ ប្រទេស ហ្គីយ៉ាណា មានផ្ទៃដី ១៤,៤៨ ហិកតាពោរពេញទៅដោយព្រៃឈើចាស់ៗ ដែលមានលក្ខណៈពិសេសក្នុងការចាប់យកកាបូន។
ទី៥ ប្រទេស ហ្គាបុង ជាប្រទេសមួយក្នុងចំណោម៦ ដែលមានទីតាំងនៅតំបន់ក្នុងព្រៃទឹកភ្លៀងកុងហ្គោ។ វាក៏ជាប្រទេសមួយដែលមានការកាប់បំផ្លាញព្រៃឈើតិចបំផុតក្នុងចំណោមព្រៃឈើសំខាន់ៗទាំងអស់នៅលើពិភពលោកផងដែរ។
ទី៦ ប្រទេស ម៉ាដាហ្គាស្កា ជាប្រទេសអាហ្វ្រិកមួយស្រូបយកកាបូនសុទ្ធ ខណៈដែលមានការកាប់បំផ្លាញព្រៃឈើទ្រង់ទ្រាយធំដូចគ្នា។ Energy Monitor កត់សំគាល់ថា ប្រសិនបើអត្រានៃការបាត់បង់ដើមឈើបច្ចុប្បន្ននៅតែបន្ត ម៉ាដាហ្គាស្ការនឹងក្លាយជាអ្នកបញ្ចេញកាបូនឌីអុកស៊ីតសុទ្ធនៅត្រឹមឆ្នាំ២០៣០។
ទី៧ កោះ Nieu ជាកោះដែលមានភ្នំភ្លើង និងបណ្តុំផ្កាថ្មតូចតូច ស្ថិតនៅមហាសមុទ្រប៉ាស៊ីហ្វិកខាងត្បូង ហើយជាជម្រករបស់ប្រជាជនប្រមាណ ២០០០នាក់ប៉ុណ្ណោះ។ ភ្នំភ្លើងរួមចំណែកត្រឹមតែ ០.០០០១ ភាគរយប៉ុណ្ណោះដល់ការបំភាយឧស្ម័នផ្ទះកញ្ចក់ជាសកល ខណៈដែលព្រៃឈើនៅតំបន់នោះស្រូបយកបរិមាណកាបូនច្រើនជាងនេះទៅទៀត។
ទន្ទឹមនឹងនេះដែរ បច្ចុប្បន្ននេះ សកលលោកក៏កំពុងធ្វើសកម្មភាពនានាដើម្បីប្រយុទ្ធប្រឆាំងនឹងការប្រែប្រួលអាកាសធាតុ ខណៈដែលសហរដ្ឋអាមេរិក និងប្រទេសជាច្រើនបានប្តេជ្ញាចិត្តឈានដល់គោលដៅសូន្យសុទ្ធត្រឹមឆ្នាំ២០៥០។ ការបំភាយកាបូនសូន្យសុទ្ធត្រូវបានសម្រេចនៅពេលដែលកាបូនឌីអុកស៊ីតត្រូវបានស្រូបចេញពីបរិយាកាសឲ្យបានកាន់តែច្រើនជារៀងរាល់ឆ្នាំជាងការបញ្ចេញ។ ជាមួយគ្នានេះ ដើម្បីអាចឈានដល់គោលដៅសូន្យសុទ្ធនៅលើមាត្រដ្ឋានពិភពលោក គឺត្រូវមានការខិតខំប្រឹងប្រែងរួមគ្នាដើម្បីការពារការឡើងកំដៅផែនដីលើសពីគោលដៅអាកាសធាតុ ១,៥ អង្សារ៕
Account
Security
Favourite Content