សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅក្នុងរបាយការណ៍មួយដែលត្រូវបានបង្ហាញកាលពីចុងសប្តាហ៍ទៅនេះបានបញ្ជាក់ថា Nvidia កំពុងរៀបចំក្រុមការងារដើម្បីរចនារូបរាងបន្ទះឈីបថ្មីរបស់ខ្លួនជាច្រើនម៉ូដែលដោយសង្ឃឹមថានឹងអាចសម្របខ្លួនទៅតាមគោលការណ៍នាំចេញ និងរឹតបន្តឹងថ្មីរបស់រដ្ឋាភិបាលអាមេរិក ជាពិសេស ធ្វើយ៉ាងណាអាចធានាឲ្យបាននូវការនាំចេញទៅកាន៉ទីផ្សារប្រទេសចិនដូចគ្រាមុន។
ជាទូទៅគេដឹងថា Nvidia មានកិច្ចសហប្រតិបត្តិការអាជីវកម្មយ៉ាងជិតស្និទ្ធជាមួយនឹងអតិថិជនសំខាន់ៗរបស់ប្រទេសចិន ដូចជា Alibaba Group, ByteDance និង Tencent Holdings ជាដើម ហើយតាមផែនការអាចសម្រេចចេញជាផ្លូវការនូវគំរូថ្មីនៃបន្ទះឈីបនាខែមិថុនាខាងមុខនេះហើយ។
តាមពិតទៅ ប្រធានប្រតិបត្តិការរបស់ក្រុមហ៊ុន លោក Jensen Huang ធ្លាប់បានលើកឡើងអំពីវិធីសាស្ត្រក្នុងការរចនារូបរាងបន្ទះឈីបឡើងវិញបែបនេះតាំងតែពីខែមេសាមកម្ល៉េះ ពោលគឺនៅគ្រាដែលលោកបានបំពេញទស្សនកិច្ចទៅកាន់ទីក្រុងប៉េកាំងដើម្បីផ្សះផ្សារ និងស្វែងរកដំណោះស្រាយរួមគ្នាជាមួយនឹងអតិថិជនចិនក្នុងការរារាំងទប់ស្កាត់ផលប៉ះពាល់ទៅនឹងការតម្លើងពន្ធគយរបស់រដ្ឋាភិបាលអាមេរិក។
កន្លងមកក្រុមហ៊ុន Nvidia ក៏ធ្លាប់បានប្រកាសព្រមាននៅក្នុងរបាយការណ៍ដែរថា ប្រាក់ចំណេញរបស់ខ្លួននឹងអាចខាតទៅដល់៥,៥ពាន់លានដុល្លារនៅក្រោយការសម្រេចចិត្តតម្លើងពន្ធគយរបស់អាមេរិកជាពិសេសទៅលើផលិតផលបន្ទះឈីប H20។ ក្រៅពីបន្ទះឈីបនេះ Nvidia ក៏នឹងមានផែនការក្នុងការផ្លាស់ប្តូររូបរាងបន្ទះឈីប Blackwell ជាច្រើនម៉ូដេលផងដែរ។
និយតករសហរដ្ឋអាមេរិកបានបង្កើនការត្រួតពិនិត្យការនាំចេញលើឧបករណ៍អេឡិចត្រូនិកប្រភេទ AI កម្រិតខ្ពស់ទាំងនោះក្នុងរយៈពេលប៉ុន្មានខែថ្មីៗនេះក្នុងគោលបំណងកំណត់ការចូលប្រើប្រាស់របស់ប្រទេសចិនចំពោះបច្ចេកវិទ្យាកុំព្យូទ័រទំនើប។ យុទ្ធសាស្ត្រដូចគ្នានេះ Nvidia ធ្លាប់បានធ្វើឡើងដែរដោយការរចនាឡើងវិញ និងទម្លាក់ចំណាត់ថ្នាក់បន្ទះឈីបដូចជា A800 និង H800 ដើម្បីបំពេញតាមកម្រិតនៃការអនុលោមតាមច្បាប់ទាំងនោះ។ យ៉ាងណាក្តី មកដល់ពេលនេះវិនិយោគិនកំពុងនាំគ្នាត្រៀមចង់មើលការអាប់ដេតរូបរាងបន្ទះឈីបថ្មីទាំងនោះនៅខែមិថុនា និងដំណើរការថ្មីនៅលើបន្ទះឈីបផងដែរ ហើយក្រុមហ៊ុនក៏នៅតែបន្តការព្យាយាមរុករកដំណោះស្រាយថ្មីផ្សេងទៀតដើម្បីប្រឈមមុខទៅនឹងការរឹតបន្តឹងបទប្បញ្ញត្តិបច្ចេកវិទ្យាអាមេរិក-ចិនបន្ថែមទៀតផងដែរ៕
Account
Security
Favourite Content