សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងមួយអំពីករណីនាំចូលផ្លែទុរេនពីប្រទេសជិតខាងមកដាក់លក់លើទីផ្សារកម្ពុជា ដោយមានប្រើប្រាស់នូវសារធាតុគីមី ដែលអាចនឹងប៉ះពាល់ដល់សុខភាពអ្នកទទួលទាន។
បើតាមអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំរបស់ក្រសួងពាណិជ្ជកម្ម ដំណឹងពីការដាក់លក់ផ្លែទុរេនដែលមានសារធាតុគីមីនេះ ត្រូវបានសារព័ត៌មានក្នុងស្រុកមួយចំនួនធ្វើការចុះផ្សាយព្រោងព្រាតក្នុងបណ្ដាញទំនាក់ទំនងសង្គម។ ក្នុងនាមជាអ្នកទទួលបន្ទុក ក្រសួងពាណិជ្ជកម្មតាមរយៈ អគ្គនាយកដ្ឋានខាងលើបានចាត់មន្ត្រីជំនាញចុះស៉ើបអង្កេត និងស្រាវជ្រាវជាបន្ទាន់នៅលើទីផ្សារ និងតាមបណ្ដាច្រកព្រំដែនមួយចំនួននៃប្រទេសកម្ពុជា។
យោងតាមលទ្ធផលស្រាវជ្រាវបឋមរបស់អគ្គនាយកដ្ឋាន ជាមួយអាជីវករលក់ផ្លែទុរេនបានអះអាងថា ផ្លែទុរេនដែលពួកគាត់ដាក់តាំងលក់ គឺជាផលិតផលខ្មែរ ដែលមានប្រភពមកពីខេត្តកំពត កំពង់ចាម បាត់ដំបង និងត្បូងឃ្មុំជាដើម។ ប៉ុន្តែបើតាមការលើកឡើងតៗគ្នាដែលគ្មានប្រភពច្បាស់លាស់ថា ការនាំចូលផ្លែទុរេនពីប្រទេសជិតខាងយកមកលក់ក្នុងទីផ្សារក្នុងស្រុកមួយចំនួនអាចមានការជ្រលក់ទឹកដែលមានផ្ទុកសាធាតុគីមីម្យ៉ាង ហើយការនាំចូលអាចធ្វើឡើងតាមច្រករបៀងតូចៗនៅតាមព្រំដែន។
ជាមួយគ្នានោះ មន្ត្រីស៉ើបអង្កេតនៃអគ្គនាយកដ្ឋាន ក៏បានសង្កេតឃើញថា ផ្លែទុរេនដែលនាំចូលមួយចំនួនពិតជាត្រូវបានជ្រលក់សារធាតុម្យ៉ាង ដែលមន្ត្រីជំនាញមិនទាន់អាចកំណត់អត្តសញ្ញាណ និងផលប៉ះពាល់ដល់សុខភាពអ្នកប្រើប្រាស់ ឬទទួលទានបាននៅឡើយ។
យ៉ាងណាក៏ដោយ អគ្គនាយកដ្ឋាននឹងបន្តធ្វើការស្រាវជ្រាវដើម្បីកំណត់អត្តសញ្ញាណនៃសារធាតុនោះដោយសហការជាមួយក្រសួង និងស្ថាប័នជំនាញពាក់ព័ន្ធផ្សេងៗទៀត។
ពីអគ្គនាយកដ្ឋាន ក៏បានអំពាវនាវដល់អាជីវករដែលប្រកបអាជីវកម្មលក់ផ្លែទុរេនទាំងអស់ សូមកុំឱ្យប្រើប្រាស់សារធាតុដែលមិនមានអត្តសញ្ញាណច្បាស់លាស់ និងសូមឱ្យប្រកបអាជីវកម្មដោយស្មោះត្រង់ កុំបន្លំប្រភពនៃការដាំដុះ ដើម្បីចូលរួមការពារសុខភាពអ្នកទទួលទាន៕
Account
Security
Favourite Content