សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានស្នើដល់វិស័យឯកជនចូលរួមកសាងហេដ្ឋារចនាសម្ព័ន្ធនានា និងជំរុញខឿនសេដ្ឋកិច្ចជាតិឱ្យកាន់តែល្អប្រសើរ។ ការលើកឡើងនេះត្រូវបានធ្វើឡើងនៅក្នុងពិធីពិសាអាហារសាមគ្គីពេលព្រឹកថ្ងៃទី០១ ខែវិច្ឆិកា ឆ្នាំ២០២៤ នៅសណ្ឋាគារ Raffle Le Royal រាជធានីភ្នំពេញ។
អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន នៅព្រឹកថ្ងៃសុក្រ ទី១ ខែវិច្ឆិកា ឆ្នាំ២០២៤ នៅសណ្ឋាគារ Raffle Le Royal បានដឹកនាំថ្នាក់ដឹក សមាជិកនៃក្រុមការងារចំពោះកិច្ច និងសមាជិកសភាពាណិជ្ជកម្មកម្ពុជា ព្រមទាំង អ្នកឧកញ៉ា ឧកញ៉ា ឯកឧត្តម លោកជំទាវ ក្នុងវិស័យសំណង់ និងអចលនទ្រព្យចូលរួមពិធីពិសាអាហារសាមគ្គីពេលព្រឹក ក្រោមអធីបតីភាពឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងថ្នាក់ដឹកនាំក្រសួងសំខាន់ៗ មួយចំនួនផងដែរ។
ពិសាអាហារសាមគ្គីនេះ គឺមានគោលបំណងបង្កើតចំណងមិត្តភាព កិច្ចសហប្រតិបត្តិការកាន់តែប្រសើរវាងវិស័យឯកជន និងក្រសួងរៀបចំដែនដី នគរូបនីយកម្ម និងសំណង់ និងបង្ហាញពីភាពជាដៃគូពិសេស តាមរយៈក្រុមការងារ “ឌ” “ផ្នែកសំណង់ និងអចលនទ្រព្យ” ក្រោមយន្តការនៃវេទិការាជរដ្ឋាភិបាល-ផ្នែកឯកជន ជាពិសេសគឺដើម្បីឱ្យវិស័យឯកជនជ្រាបអំពីទិសដៅរបស់រាជរដ្ឋាភិបាលក្នុងអាណត្តិថ្មី ក៏ដូចជាទិសដៅរបស់ក្រសួងផងដែរ។
ជាមួយគ្នានេះផងដែរ អ្នកឧកញ៉ា គិត ម៉េង ក៏បានលើកឡើងអំពីកិច្ចសហប្រតិបត្តិការល្អកន្លងមក និងបានរំលេចពីការយកចិត្តទុកដាក់អំពីបញ្ហាកង្វល់របស់វិស័យឯកជនក្នុងវិស័យសំណង់ និងអចលនទ្រព្យ សម្រាប់ជាដៃគូសន្ទាជាមួយ ឯកឧត្តម ឧបនាយករដ្ឋមន្ត្រី ជាសហប្រធានក្រុមការងារ “ឌ” តំណាងផ្នែករដ្ឋាភិបាលជាមួយសភាពាណិជ្ជកម្មកម្ពុជា ក្នុងវិស័យសំណង់ និងអចលនទ្រព្យ ដែលបង្កភាពងាយស្រួល និងបំបាត់បញ្ហាដែលជាកង្វល់របស់វិស័យឯកជន។ លើសពីនេះ តាមរយៈក្រុមការងារវិស័យឯកជននឹងផ្តល់ជាធាតុចូល សំណូមពរ អនុសាសន៍ចាំបាច់ជាច្រើន ជូនដល់ក្រសួងផងដែរ៕
Account
Security
Favourite Content