សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អាមេរិកមិនត្រឹមតែចង់បានកាណាដាជារដ្ឋទី៥២ របស់ខ្លួនប៉ុណ្ណោះទេ ថែមទាំងបន្តដាក់សំពាធពាណិជ្ជកម្ម និងព្រមានប្រើប្រាស់គ្រប់វិធីទាំងអស់ដើម្បីឲ្យការងារនេះអាចក្លាយទៅជាការពិតទៀតផង នេះបើយោងតាមអ្វីដែលប្រធានាធិបតីអាមេរិក លោក Donald Trump តែងតែគំរាមកំហែងកន្លងមក។
យ៉ាងណាក្តី ទោះបីជាបានរិះគន់ទៅនឹងមហិច្ឆតារបស់រដ្ឋាភិបាលក្រុងវ៉ាស៊ិនតោនរួចទៅហើយនោះ ប្រទេសកាណាដាក៏ចាប់ផ្តើមសងសឹកតាមរយៈការដំឡើងពន្ធតបតវិញ និងព្រមទាំងការបង្កើនខ្ទង់ចំណាយយោធាជាច្រើនផងដែរ ដោយចុងក្រោយគឺជាកុងត្រាដែលមានតម្លៃរាប់សិបពាន់លានដុល្លារក្នុងការបង្កើនសមត្ថភាពកងទ័ពជើងទឹកដែលរួមមាននាវាបំបែកផ្ទាំងទឹកកកខ្នាតយក្សចំនួន២គ្រឿងនិងនាវាចម្បាំងជាច្រើនផ្សេងទៀតផងដែរ។
យោងតាមការចេញផ្សាយដោយ The Defense News បានឲ្យដឹងថា កាលពីសប្តាហ៍មុន រដ្ឋាភិបាលទីក្រុងអូតាវ៉ា បានឈានទៅដល់ការសម្រេចចិត្តក្នុងការវិនិយោគជាទឹកប្រាក់ប្រមាណជាង៤ពាន់លានដុល្លារប៉ុណ្ណោះសម្រាប់តែនាវាបំបែកផ្ទាំងទឹកកកចំនួន២គ្រឿង ដើម្បីប្រគល់ឲ្យកងកម្លាំងទ័ពជើងទឹករបស់ខ្លួនក្នុងការប្រើប្រាស់។
នាវាដំបូងដែលមានតម្លៃប្រមាណជា ៣,២ពាន់លានដុល្លារកាណាដា ឬត្រូវជា ២,២ពាន់លានដុល្លារ ត្រូវបានប្រគល់កុងត្រាសាងសង់ទៅឲ្យក្រុមហ៊ុនអ្នកផលិតក្នុងស្រុក Seaspan ដែលមានមូលដ្ឋាននៅក្នុងទីក្រុង Vancouver ហើយតាមផែនការក្រុមហ៊ុននឹងចាប់ផ្តើមការងារនៅដើមខែមេសាខាងមុខនេះហើយ។
ដោយឡែក នាវាបំបែកផ្ទាំងទឹកកទី២នឹងត្រូវប្រគល់សិទ្ធិសាងសង់ទៅឲ្យក្រុមហ៊ុន Davies ជាមួយនឹងកុងត្រាដែលមានតម្លៃប្រមាណជា ៣,៣ពាន់លានដុល្លារកាណាដា ហើយវារំពឹងទុកថានឹងអាចរួចរាល់នៅត្រឹមឆ្នាំ២០៣០ខាងមុខនេះ។
យ៉ាងណាក្តី សម្រាប់រដ្ឋាភិបាលក្រុងវ៉ាស៊ិនតោនវិញ ចំពោះប្រភេទនាវាម៉ូដេលនេះវាមិនត្រូវបានបញ្ជាក់ប្រាប់នៅក្នុងយុទ្ធសាស្ត្រនៃកងទ័ពជើងទឹករបស់គេទេ ប៉ុន្តែប្រធានាធិបតី លោក Donald Trump ធ្លាប់បាននិយាយថា ចាំបាច់គាត់ត្រូវតែបញ្ជាទិញនាវាថ្មីៗទាំងនេះយ៉ាងហោចណាស់ក៏៤០គ្រឿងដែរ។
គួរឲ្យដឹងដែរថា ក្រៅតែពីកញ្ចប់លុយជាង៤ពាន់លានដុល្លារនេះហើយ រដ្ឋាភិបាលអូតាវ៉ា ក៏បានប្រកាសបញ្ចេញថវិកាជាតិប្រមាណជា ២២.២ពាន់លានដុល្លារកាណាដាផ្សេងទៀតដើម្បីទិញនាវាចម្បាំងម៉ូដេល River-class destroyers ចំនួន៣គ្រឿងផងដែរ៕
Account
Security
Favourite Content