សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្នុងពិធីជួបជុំប្រចាំឆ្នាំមួយនៃក្រុមហ៊ុនបច្ចេកវិទ្យាបន្ទះឈីបកម្រិតខ្ពស់ Nvidia ដែលជាក្រុមហ៊ុនមានតម្លៃក្នុងទីផ្សាររហូតទៅដល់ជិត៣ទ្រីលានដុល្លារនោះ ប្រធានប្រតិបត្តិ និងជាស្ថាបនិក លោក Jensen Huang បានធ្វើការលើកឡើងអំពីការយល់ឃើញរបស់លោកចំពោះអនាគតនៃរ៉ូបូតរូបរាងមនុស្ស (Humanoid Robots) ។
កម្មវិធីដែលប្រារព្ធឡើងនៅក្នុងកីឡាដ្ឋាននាទីក្រុង San Jose រដ្ឋ California លោក Hunag បានបង្ហាញនូវភាពជឿជាក់ថា សម័យកាលរស់នៅជាមួយនឹង Humanoid Robots នៃពិភពលោក នឹងមិនស្ថិតនៅឆ្ងាយពីយើងទៀតឡើយ ពោលគឺយ៉ាងហោចណាស់តិចជាង៥ឆ្នាំទៀតប៉ុណ្ណោះ ជាពិសេសនៅក្នុងវិស័យផលិតកម្មផលិតទំនិញនានា។
ក្នុងឱកាសនោះ លោក Huang ក៏បានធ្វើការបង្ហាញជាផ្លូវការនូវឧបករណ៍ និងកម្មវិធីជំនួយជាច្រើនដែលលោកអះអាងថា វានឹងអាចជួយគាំទ្រដល់សមត្ថភាពរបស់ Humanoid Robots ក្នុងបេសកកម្មដើម្បីសម្រួលឲ្យពិភពលោកកាន់តែមានផាសុកភាព និងភាពងាយស្រួលក្នុងការរស់នៅ។
លោក Huang នៅក្រោយចប់ពិធីជួបជុំដែលបានចូលរួមឆ្លើយសំណូរមួយចំនួនទៅកាន់ក្រុមអ្នកកាសែតពាក់ព័ន្ធទៅនឹងថា តើបច្ចេកវិទ្យា AI និងមនុស្សយន្តប្រភេទនេះនឹងអាចប្រើប្រាស់ទូលំទូលាយបានក្នុងកម្រិតណានៅពេលខាងមុខ ?
ក្នុងចំណោមចម្លើយទាំងអស់ដែលលោក Huang បានឆ្លើយតបថា ៖ ពេលណាដែលមនុស្សយន្តនឹងអាចមានវត្តមាននៅគ្រប់ទីកន្លែងលើពិភពលោកនេះគឺមានរយៈពេលមិនដល់៥ឆ្នាំទៀតនោះទេ ហើយក្នុងនោះវិស័យឧស្សាហកម្មផលិតកម្មគឺជាអ្នកដែលអាចទទួលយកបទពិសោធនេះមុនគេបង្អស់។
ក្នុងនោះផងដែរ លោក Huang ក៏បានធ្វើការព្យាករណ៍ទុកអំពីតម្លៃទីផ្សារនៃការប្រើប្រាសមនុស្សយន្ត Humanoid Robots ផងដែរ ដោយលោកជឿជាក់ថា វានឹងអាចមាននៅចន្លោះប្រហែលជាង១០ម៉ឺនដុល្លារក្នុងមួយគ្រឿងសម្រាប់ការងារផលិតកម្ម៕
Account
Security
Favourite Content