សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ដូចដែលគ្រប់គ្នាបានដឹងស្រាប់ហើយថា ក្នុងរយៈពេលប៉ុន្មានឆ្នាំចុងក្រោយនេះ បច្ចេកវិទ្យានៃបន្ទះឈីបបានដើរតួនាទៅយ៉ាងសំខាន់ និងក្លាយជាវត្ថុធាតុដើមដ៏ចាំបាច់បំផុតនៅក្នុងការផលិតឧបករណ៍ផ្សេងៗ រាប់ចាប់តាំងពីឧបករណ៍ប្រើប្រាស់ប្រចាំថ្ងៃ រហូតដល់ការផលិតជាគ្រឿងសព្វាវុធបែបបច្ចេកវិទ្យាជំនាន់ថ្មីដែលមានប្រសិទ្ធភាព និងឥទ្ធិពលមិននឹកស្មានដល់។
អ្វីដែលជាការគួរឱ្យកត់សម្គាល់ និងចងក្នុងប្រវត្តិសាស្ត្រ ក្រុមហ៊ុនបច្ចេកវិទ្យា Taiwan Semiconductor Manufacturing Co. (TSMC) ដែលមានមូលដ្ឋាននៅកោះតៃវ៉ាន់ ត្រូវបានគេមើលឃើញថា បានអភិវឌ្ឍន៍ខ្លួនឥតឈប់ឈរ រហូតបានក្លាយជាក្រុមហ៊ុនលំដាប់កំពូលបំផុតនៅតំបន់អាស៊ីលើកដំបូងជាមួយនឹងតម្លៃរបស់ខ្លួននៅលើទីផ្សាររហូតទៅដល់ប្រមាណ ១ទ្រីលានដុល្លារអាម៉េរិក។
យោងតាមទិន្នន័យនៅលើទីផ្សារជួញដូរសកលបានបង្ហាញថា កាលពីថ្ងៃចុងសប្ដាហ៍កន្លងទៅនេះ តម្លៃរប់សក្រុមហ៊ុន TSMC បានហក់ឡើងទៅដល់ចំណុចដ៏ខ្ពស់មិនធ្លាប់មានប្រមាណ ១ទ្រីលានដុល្លារអាម៉េរិក ដែលតម្លៃនេះមានកម្រិតទីផ្សារស្មើទៅនឹងបណ្តាក្រុមហ៊ុនបច្ចេកវិទ្យាដែលមានតម្លៃរាប់ពាន់លានដុល្លាររបស់សហរដ្ឋអាម៉េរិកផ្សេងទៀត ដូចជា Nvidia, Apple, Microsoft, Alphabet, Amazon និង Meta ។
គួរបញ្ជាក់ថា TSMC បច្ចុប្បន្ននេះបានដើរតួនាទីយ៉ាងសំខាន់ក្នុងការផ្គត់ផ្គង់ខ្សែសង្វាក់ផលិតកម្មផ្នែកបច្ចេកវិទ្យាទៅលើបន្ទះឈីប និងការផលិតឧបករណ៍បច្ចេកវិទ្យាសម្រាប់បណ្តាអតិថិជនអាមេរិកធំៗ រួមទាំងក្រុមហ៊ុន Nvidia និង Apple ផងដែរ។ កាលពីឆ្នាំ២០២៤ អតិថិជនដែលស្ថិតនៅអាម៉េរិកខាងជើងមានចំណែកដល់ទៅ៧០ភាគរយនៃប្រាក់ចំណូលសរុបរបស់ក្រុមហ៊ុន TSMC ហើយក្រុមហ៊ុនបានធ្វើការព្យាករណ៍ថាកំណើនប្រាក់ចំណូលរបស់ខ្លួននឹងអាចកើនឡើងប្រហែលជា៣០ភាគរយបន្ថែមទៀតសម្រាប់ឆ្នាំ២០២៥ ។ នេះបើយោងតាមការចេញផ្សាយដោយកាសែត Reuters ៕
Account
Security
Favourite Content