ការនាំចេញគ្រាប់ធញ្ញជាតិពីអ៊ុយក្រែនមានចំនួនតិចតួចបំផុត

រយៈពេល៣សប្តាហ៍កន្លងផុតទៅ បន្ទាប់ពីកិច្ចព្រមព្រៀងចតុភាគីលើការនាំចេញគ្រាប់ធញ្ញជាតិដែលត្រូវបានចុះហត្ថលេខាកាលពីថ្ងៃទី២២ ខែកក្កដា យ៉ាងហោចណាស់នាវា១៤គ្រឿងដែលដឹកគ្រាប់ធញ្ញជាតិសំខាន់ៗ មានស្រូវសាឡី ពោត ជាដើម ដែលមានបរិមាណជិត៥០ម៉ឺនតោន បានចាកចេញពីកំពង់ផែចំនួន៣ពីប្រទេសអ៊ុយក្រែន ខណៈដែលសង្គ្រាមក្នុងប្រទេសនេះ កំពុងបន្តឆាបឆេះយ៉ាងខ្លាំង ដោយសារការប្រើប្រាស់អាវុធកាន់តែទំនើប។

អ្វីដែលជារឿងគួរឱ្យសោកស្តាយគឺថាក្នុងចំណោមនាវាដឹកធញ្ញជាតិទាំងនោះមិនត្រូវបានដឹកទៅកាន់ប្រទេសដែលប្រឈមការខ្វះខាតស្បៀងអាហារធ្ងន់ធ្ងរនោះទេ ដោយភាគច្រើននាំចេញទៅកាន់ប្រទេសអ្នកមាន ដែលបញ្ជាទិញក្នុងតម្លៃខ្ពស់ក្រោមរូបភាពនៃ «កិច្ចសន្យាពាណិជ្ជកម្ម» ។ នេះបើយោងតាមសេចក្តីរាយការណ៍របស់កាសែត New York Times ដែលមានមូលដ្ឋាននៅសហរដ្ឋអាមេរិក។

“រហូតមកដល់ពេលនេះគ្មាននាវាណាមួយក្នុងចំណោមនាវាដឹកគ្រាប់ធញ្ញជាតិ១៤គ្រឿង ដែលបានចាកចេញពីអ៊ុយក្រែន ធ្វើដំណើរទៅកាន់ប្រទេសដែលប្រឈមនឹងការខ្វះខាតស្បៀងអាហារនោះទេ ដោយសារតែពួកគេកំពុងដឹកគ្រាប់ធញ្ញជាតិ ដែលបានទិញក្រោមកិច្ចសន្យាពាណិជ្ជកម្ម”

យោងសេចក្តីរាយការណ៍របស់ទីភ្នាក់ងារសារព័ត៌មានតួកគី (aa.com.tr) កាលពីសប្តាហ៍មុន កប៉ាល់ឈ្មោះ Rojen ដែលបំពាក់ទង់ជាតិម៉ាល់តា (Malta) ដឹកពោត ១៣ ០០០ តោនពីកំពង់ផែ Chornomorsk នៃប្រទេសអ៊ុយក្រែន ធ្វើដំណើរទៅកាន់ប្រទេសអង់គ្លេស។

តាមសេចក្តីរាយការណ៍របស់ទីភ្នាក់ងារព័ត៌មានដដែលនេះ កប៉ាល់ដឹកគ្រាប់ធញ្ញជាតិ Polarnet ដែលបំពាក់ទង់ជាតិតួកគី កប៉ាល់ Navi-star បំពាក់ទង់ជាតិអៀរឡង់ កប៉ាល់ Osprey S បំពាក់ទង់ជាតិលីបេរីយ៉ានៃតំបន់អាហ្វ្រិកខាងលិច បានចូលដឹកគ្រាប់ធញ្ញជាតិជាបន្តបន្ទាប់ទៅកាន់កំពង់ផែចំនួន៣ ដែលមានចែងក្នុងកិច្ចព្រមព្រៀង មានដូចជា កំពង់ផែ Odesa, Chornomorsk និងកំពង់ផែ Yuzhny នៃប្រទេសអ៊ុយក្រែន។

ដោយសារការដឹកទំនិញភាគច្រើនធ្វើឡើងក្រោមរូបភាពនៃកិច្ចសន្យាពាណិជ្ជកម្ម អង្គការសហប្រជាជាតិ បានជួលកប៉ាល់ដឹកទំនិញឈ្មោះថា «Brave Commander» សម្រាប់ដឹកគ្រាប់ធញ្ញជាតិអ៊ុយក្រែនដោយផ្ទាល់ទៅកាន់ប្រទេសដែលរងផលប៉ះពាល់ខ្លាំងបំផុត ដោយកង្វះខាតនេះ។

យោងតាមការចេញផ្សាយរបស់ New York Times វាគឺជាកប៉ាល់ដំបូងគេ ដែលត្រូវបានជួលឱ្យដឹកគ្រាប់ធញ្ញជាតិទៅកាន់ប្រទេសដែលរងផលប៉ះពាល់យ៉ាងធ្ងន់ធ្ងរដោយកង្វះស្បៀងអាហារ ចាប់តាំងពីកិច្ចព្រមព្រៀងរវាងអ៊ុយក្រែន និងរុស្ស៊ី បានអនុញ្ញាតឱ្យការដឹកជញ្ជូនបន្តឡើងវិញ។

មន្ត្រីអង្គការសហប្រជាជាតិ បាននិយាយថាកប៉ាល់ទី១ ដែលត្រូវបានជួលឱ្យដឹកគ្រាប់ ធញ្ញជាតិអ៊ុយក្រែនដោយផ្ទាល់ទៅកាន់ផ្នែកដែលរងគ្រោះដោយទុរ្ភិក្សនៃ «Horn of Africa» ចាប់តាំងពីការលុកលុយរបស់រុស្ស៊ីបានបញ្ឈប់ការនាំចេញអាហារកាលពី៦ ខែមុននឹងមកដល់អ៊ុយក្រែននៅថ្ងៃសុក្រ។

នាវាផ្ទុកទំនិញជាច្រើនគ្រឿងដែលជួលដោយអង្គការសហប្រជាជាតិនេះត្រូវបានគេរំពឹងថានឹងចូលចតនៅកំពង់ផែ Yuzhny នៅភាគខាងត្បូងប្រទេសអ៊ុយក្រែនជាកន្លែងដែល នឹងផ្ទុកដោយគ្រាប់ធញ្ញជាតិដែលទិញដោយកម្មវិធីស្បៀងអាហារពិភពលោក (WFP) របស់អង្គការសហប្រជាជាតិហើយចែកចាយទៅ

“ប្រទេសដែលរងផលប៉ះពាល់យ៉ាងធ្ងន់ធ្ងរបំផុតដោយស្បៀងអាហារពិភពលោក។ នេះបើយោងតាម លោក Steve Taravella អ្នកនាំពាក្យ WFP បាននិយាយប្រាប់កាសែត New York Times”

អង្គការសហប្រជាជាតិ និងរដ្ឋាភិបាលតួកគី បានសម្របសម្រួលដោយជោគជ័យក្នុងការនាំភាគីជម្លោះគឺ អ៊ុយក្រែន និងរុស្ស៊ី ចូលតុចរចា និងចុះហត្ថលេខាលើកិច្ចព្រមព្រៀងនាំចេញគ្រាប់ធញ្ញជាតិកាលពីថ្ងៃ២២ ខែកក្កដា ពីប្រទេសអ៊ុយក្រែន ដែលជាប់គាំងក្នុងឃ្លាំងសន្និធិរហូតដល់ជាង២២លានតោន ចាប់តាំងពីរុស្ស៊ីចូលលុកលុយអ៊ុយក្រែនពីចុងខែកុម្ភៈ ឆ្នាំ២០២២នេះ។

អគ្គលេខាធិការអង្គការសហប្រជាជាតិលោកអង់តូនីញ៉ូ ហ្គុយតឺរេស (Antonio Guterres) បាននិយាយថាកិច្ចព្រមព្រៀងនោះ នឹងបន្ធូរបន្ថយការខ្វះខាតស្បៀងអាហារជាសាកល ដោយហៅវាថាជា«សញ្ញានៃការសង្គ្រោះ»។

កប៉ាល់ Brave Commander ដែលត្រូវបានចាត់តាំងដោយអង្គការសហប្រជាជាតិនឹងដឹកគ្រាប់ធញ្ញជាតិ២៣០០០ តោនទៅកាន់ប្រទេសជីប៊ូទី (Djibouti)នៅតំបន់អាហ្វ្រិក ខាងកើតដែលកំពុងរងគ្រោះដោយសារគ្រោះរាំងស្ងួតដ៏ខ្លាំងដែលគេហៅថា «Horn of Africa»ជាកន្លែងដែលគ្រោះរាំងស្ងួតរយៈពេល៤ឆ្នាំបានធ្វើឱ្យមនុស្សនៅតំបន់រងគ្រោះនោះប្រមាណ១៨លាននាក់ប្រឈមនឹងការស្រេកឃ្លានយ៉ាងខ្លាំង។

លោក Oleksandr Kubrakov រដ្ឋមន្ត្រីក្រសួងហេដ្ឋារចនាសម្ព័ន្ធរបស់ប្រទេសអ៊ុយក្រែនបានប្រកាសនៅក្នុង tweeter ពីការមកដល់របស់កប៉ាល់Brave Commander កាលពីថ្ងៃព្រហស្បតិ៍សប្តាហ៍មុនដោយនិយាយថា គ្រាប់ធញ្ញជាតិនឹងទៅដល់ប្រទេសអេត្យូពី ដោយឡែក លោក Taravella បាននិយាយថា ទំនិញគ្រាប់ធញ្ញជាតិមួយចំនួនក៏នឹងទៅប្រទេសកេនយ៉ា និងសូម៉ាលីផងដែរ។

មន្ត្រីអង្គការសហប្រជាជាតិបាននិយាយថា ពាណិជ្ជកម្ម ដើរតួនាទីក្នុងការធ្វើឱ្យទីផ្សារមានស្ថិរភាព ទោះបីជាវាមិនទៅដោយផ្ទាល់ទៅកាន់ប្រទេសដែលប្រឈមនឹងការខ្វះខាតស្បៀងអាហារក្តី។

តាម NYT លោក Stephane Dujarric អ្នកនាំពាក្យ ការិយាល័យអគ្គលេខាធិការ អង្គការ សហប្រជាជាតិបានថ្លែងថា ការបើកកំពង់ផែរបស់អ៊ុយក្រែនបានជំរុញឱ្យតម្លៃស្បៀងអាហារពិភពលោកធ្លាក់ចុះ ដែលនៅទីបំផុតនឹងជួយប្រទេសដែលប្រឈមមុខ នឹងអសន្តិសុខស្បៀង។

លោកបាននិយាយថា៖

“ជំហានដំបូងកំពុងយកកប៉ាល់ទាំងនេះចេញពីកំពង់ផែអ៊ុយក្រែនព្រោះវាត្រូវបានទុកនៅទីនោះជាយូរមកហើយ។ កប៉ាល់ផ្សេងទៀតនឹងចូលមក ដោយមានកិច្ចសន្យាពាណិជ្ជកម្ម។ កប៉ាល់ដឹកទំនិញខ្លះនឹងទៅកាន់ប្រទេសកំពុងអភិវឌ្ឍន៍ ហើយកប៉ាល់ផ្សេងទៀតនឹងទៅកាន់គោលដៅផ្សេងទៀត”

តាមសេចកី្តរាយការណ៍ NYT កប៉ាល់ទី១ ដែលបានចាកចេញពីកំពង់ផែ Odesa ប្រទេសអ៊ុយក្រែនកាលពីសប្តាហ៍មុនដែលផ្ទុកដោយគ្រាប់ធញ្ញជាតិត្រូវបានធ្វើដំណើរទៅកាន់ប្រទេសលីបង់ ដែលជាប្រទេសដែលមានអត្រាអតិផរណាអាហារខ្ពស់បំផុត។ ប៉ុន្តែលីបង់ បាននិយាយថា ខ្លួនលែងចង់បានគ្រាប់ធញ្ញជាតិទៀតហើយ ព្រោះវាយឺតពេលពេក។ ឥឡូវនេះវានឹងត្រូវបានលក់បន្ត។

តម្លៃស្រូវសាលីបានធ្លាក់ចុះ នៅមុនពេលមានកិច្ចព្រមព្រៀងដែលសម្របសម្រួល ដោយអង្គការសហប្រជាជាតិហើយនិន្នាការនោះបានបន្តចាប់តាំងពីកិច្ចព្រមព្រៀងនោះត្រូវបានចុះហត្ថលេខា។

កិច្ចសន្យាអនាគតដែលត្រូវបានយោងជាទូទៅ ក្នុងជួញដូរនៅទីក្រុងឈីកាហ្គោ កំពុងជួញដូរប្រហែល៨,១០ដុល្លារក្នុងបរិមាណស្រូវសាឡី២៧គីឡូក្រាម កាលពីថ្ងៃពុធ ដែលជាការធ្លាក់ចុះដ៏ធំមួយពីកម្រិតខ្ពស់បំផុតជាង ១៤ដុល្លារ ក្នុងខែមីនា បន្ទាប់ពីប្រទេសរុស្ស៊ី បានលុកលុយអ៊ុយក្រែនជាលើកដំបូង។

ឥឡូវនេះ តម្លៃស្រូវសាលី បានធ្លាក់ចុះមកវិញជិត ប្រហាក់ប្រហែលទៅនឹងតម្លៃមុនពេលចាប់ផ្តើមសង្គ្រាម ហើយវាអាចបន្តប្រែប្រួលតទៅទៀត។

កិច្ចព្រមព្រៀងនាំចេញគ្រាប់ធញ្ញជាតិរួមជាមួយនឹងការថយចុះនៃតម្រូវការពីប្រទេសមួយចំនួន ដោយសារតែតម្លៃខ្ពស់និងការកើនឡើងនៃការផ្គត់ផ្គង់ពីការប្រមូលផលរដូវរងាបានកាត់បន្ថយសម្ពាធតម្លៃ។ ប៉ុន្តែមានការព្រួយបារម្ភអំពីថាតើកិច្ចព្រមព្រៀងនេះនឹងមានរយៈពេលយូរប៉ុណ្ណា បើប្រទេសទាំង២ បង្កើនឥទ្ធិពលសង្គ្រាមយ៉ាងខ្លាំងបែបនេះ ហើយអាកាសធាតុក្តៅស្ងួតដែលកាត់បន្ថយទិន្នផលដំណាំ កំពុងក្លាយជារឿងបង្កើនសម្ពាធបន្ថែមផងដែរ៕

លោក ហេង សុវណ្ណ | Mr. Heng Sovann

ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

កំពង់ផែកំពត ឡូជីស្ទីក ទំហំជាង ១០លានម៉ែត្រការ៉េ នឹងជួយជំរុញឱ្យការធ្វើពាណិជ្ជកម្ម កម្ពុជា-អន្តរជាតិ កាន់តែងាយស្រួល

ព្រឹត្តិការណ៍, អចលនទ្រព្យ

• 16/03/2026

កំពង់ផែកំពត ឡូជីស្ទីក ដែលមានទីតាំងស្ថិតនៅក្នុងភូមិ ចង្អោន សង្កាត់ព្រែកត្នោត ក្រុងបូកគោ ខេត្តកំពត ត្រូវបានរាជរដ្ឋាភិបាលសម្រេចចេញអនុក្រឹត្យឱ្យបង្កើត និងអភិវឌ្ឍន៍ជាផ្លូវការ

កូរ៉េខាងត្បូង គ្រោងបោះទុន ៥,៧៧ ពាន់លានដុល្លារ ពន្លឿនកិច្ចអភិវឌ្ឍន៍វិស័យបចេ្ចកវិទ្យានៅឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 16/03/2026

កូរ៉េខាងត្បូង គ្រោងវិនិយោគទុនប្រហែល ៨,៦ ទ្រីលានវ៉ុន (៥,៧៧ ពាន់លានដុល្លារ)នៅក្នុងឆ្នាំនេះសម្រាប់ពន្លឿនកិច្ចរអភិវឌ្ឍន៍លើវិស័យបចេ្ចកវិទ្យាឱ្យកាន់តែមានប្រសិទ្ធភាព រួមមាន semiconductor, បញ្ញាសិប្បនិម្មិត (AI), ការផលិតនាវា, ថាមពល និងអាគុយ

ឧបនាយករដ្ឋមន្ត្រី សាយ សំអាល់ ជំរុញឱ្យពង្រីកការកសាងហេដ្ឋារចនាសម្ព័ន្ធបន្ថែមនៅទីតាំងដីសម្បទានសង្គមកិច្ច និងសេដ្ឋកិច្ច ក្នុងខេត្តកំពង់ឆ្នាំង

Top News, ព្រឹត្តិការណ៍, សេដ្ឋកិច្ច

• 16/03/2026

ឧបនាយករដ្ឋមន្ត្រី សាយ សំអាល់ ជំរុញឱ្យពង្រីកការកសាងហេដ្ឋារចនាសម្ព័ន្ធបន្ថែមនៅទីតាំងដីសម្បទានសង្គមកិច្ច និងសេដ្ឋកិច្ច ក្នុងខេត្តកំពង់ឆ្នាំង ដើម្បីសម្រួលដល់ការរស់នៅរបស់ប្រជាពលរដ្ឋ

ចិនប្រឆាំងយ៉ាងដាច់អហង្ការចំពោះការបើកការស៊ើបអង្កេតសេដ្ឋកិច្ចរបស់សហរដ្ឋអាម៉េរិក ក្រោមមាត្រា ៣០១

ព្រឹត្តិការណ៍, សេដ្ឋកិច្ច

• 16/03/2026

ចិនប្រឆាំងយ៉ាងដាច់អហង្ការចំពោះការសម្រេចចិត្តរបស់អាម៉េរិក ក្នុងការបើកការស៊ើបអង្កេតក្រោមមាត្រា ៣០១ ទៅលើសេដ្ឋកិច្ចចំនួន ៦០ ប្រទេស ដោយសារវាបង្កការរំខានយ៉ាងខ្លាំងដល់សណ្តាប់ធ្នាប់សេដ្ឋកិច្ច និងពាណិជ្ជកម្មអន្តរជាតិ។ នេះបើយោងតាមការរាយការណ៍ពីព័ត៌មានស៊ីនហួរ។

អ៊ុយក្រែន បង្ហាញរ៉ូបូតមានរូបរាងដូចមនុស្ស Phantom MK-1 កាន់អាវុធប្រយុទ្ធនៅក្នុងសមរភូមិជួរមុខ

ព្រឹត្តិការណ៍, អាជីវកម្មថ្មី និងនវានុវត្ត

• 16/03/2026

ថ្មីៗនេះ រ៉ូបូត មានរូបរាងជាមនុស្ស Phantom MK-1 ចំនួន២គ្រឿងត្រូវបានបង្ហាញខ្លួនជាលើកដំបូងនៅក្នុងតំបន់ប្រយុទ្ធជួរមុខនៃសង្គ្រាមនៅអ៊ុយក្រែន

ឥណទានលក្ខណៈបុគ្គលប្រើប្រាស់សម្រាប់អាជីវកម្មខ្នាតតូច កើនដល់ជាង ៣៧ ពាន់លានដុល្លារ

ព្រឹត្តិការណ៍, ហិរញ្ញវត្ថុ

• 16/03/2026

គិតត្រឹមពីខែធ្នូ ឆ្នាំ២០២៥ សមតុល្យឥណទានលក្ខណៈបុគ្គលប្រើប្រាស់សម្រាប់អាជីវកម្មខ្នាតតូច មានទំហំប្រាក់ជាង ៣៧ ពាន់ ឬប៊ីលានដុល្លារអាមេរិក បន្តកើនឡើង ២,៦%។ នេះបើយោងតាមរបាយការណ៍របស់ក្រុមហ៊ុនក្រេឌីត ប្យួរ៉ូ ខេមបូឌា ខូអិលធីឌី បានចេញផ្សាយកាលពីថ្មីៗនេះ។

ប៊ុលហ្គារី និងក្រិក ប្តេជ្ញាកសាងកិច្ចសហប្រតិបត្តិការដើម្បីធានាសន្តិសុខតំបន់ប៉ែកខាងកើតណាតូ

ព្រឹត្តិការណ៍, អាជីវកម្មថ្មី និងនវានុវត្ត

• 13/03/2026

ជំនួបរវាងមេដឹកនាំប្រទេសប៊ុលហ្ការី និងប្រទេសក្រិក កាលពីពេលថ្មីៗនេះបានបង្ហាញពីលទ្ធផលដ៏ល្អប្រសើរនៃទំនាក់ទំនងទ្វេភាគី ជាពិសេសអាចធានាបាននូវសន្តិសុខ និងស្ថិរភាពនៅក្នុងតំបន់ភាគកើតនៃតំបន់ណាតូថែមទៀតផង

រដ្ឋមន្ត្រីឧស្សាហកម្ម ៖ កម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្មដោយសារបញ្ហាថាមពលនោះទេ

ព្រឹត្តិការណ៍, អាជីវកម្មថ្មី និងនវានុវត្ត

• 13/03/2026

រដ្ឋមន្ត្រីឧស្សាហកម្ម ៖ ទោះបីការផ្គត់ផ្គង់ប្រេងលើទីផ្សារសកលកំពុងរាំងស្ទះ ប៉ុន្តែកម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្ម ដោយសារបញ្ហាថាមពលនោះទេ

ដំណឹងល្អ ! តំបន់សេដ្ឋកិច្ចពិសេសទំហំជាង៥០០ហិកតា ត្រូវបានរាជរដ្ឋាភិបាលចេញអនុក្រឹត្យឱ្យបង្កើតជាផ្លូវការ

ព្រឹត្តិការណ៍, អចលនទ្រព្យ

• 13/03/2026

តំបន់សេដ្ឋកិច្ចពិសេសថ្មីមួយដែលមានទំហំជាង៥០០ហិកតា ស្ថិតនៅតាមបណ្ដោយផ្លូវជាតិ៥១ ត្រូវបានរាជរដ្ឋាភិបាលកម្ពុជាសម្រេចឱ្យបង្កើតជាផ្លូវការហើយ

សហរដ្ឋអាម៉េរិក អនុញ្ញាតឱ្យប្រទេសនានាទិញប្រេងជាប់ទណ្ឌកម្មរបស់រុស្ស៊ី

ព្រឹត្តិការណ៍, សេដ្ឋកិច្ច

• 13/03/2026

សហរដ្ឋអាម៉េរិកបានអនុញ្ញាតឱ្យប្រទេសនានាទាំងអស់នៅលើសកលលោកទិញប្រេងទណ្ឌកម្មរបស់រុស្ស៊ីដែលផ្ទុកចោលនៅលើនាវាសមុទ្រជាង ៣០ទីតាំង ស្មើនឹងប្រមាណ ១២៤ លានបារ៉ែល ហើយអាចផ្គត់ផ្គង់គ្រប់គ្រាន់ប្រហែល ៥ ទៅ ៦ ថ្ងៃ