សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ ជាពិសេសមុនពេលមានវិបត្តិកូវីដ១៩ ការវិនិយោគលើវិស័យអចលនទ្រព្យនៅក្នុងប្រទេសកម្ពុជាមានភាពមមាញឹក ដោយក្នុងនោះមានវិនិយោគិនមកពីបណ្តាប្រទេសក្នុងតំបន់អាស៊ាន ជាពិសេសជនជាតិចិន ប៉ុន្តែសកម្មភាពទាំងអស់នោះត្រូវបានថមថយទៅវិញគួរឱ្យកត់សម្គាល់ក្រោយមានវិបត្តិជំងឺកូវីដ។ ដោយឡែក អ្វីដែលគួរឱ្យរីករាយនៅពេលនេះ គឺរំហូរនៃការវិនិយោគក្នុងវិស័យនេះចាប់មានសញ្ញាឡើងវិញ ខណៈដែលជនជាតិចិនចាប់ផ្តើមវិលមកកម្ពុជាឡើងវិញជាបណ្តើរៗ។
លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឱ្យដឹងថា បច្ចុប្បន្នរំហូរវិនិយោគទុនមកពីប្រទេសចិននៅតែមានទំហំច្រើននៅក្នុងប្រទេសកម្ពុជា ប៉ុន្តែថ្មីៗនេះដែរ និន្នាការនៃការវិនិយោគមកពីប្រទេសនានាក្នុងតំបន់អាស៊ានក៏ឃើញថាចាប់ផ្ដើមមានកំណើនជាបន្តបន្ទាប់ ខណៈចិនក៏ចាប់ផ្ដើមត្រលប់មកវិញជាបណ្ដើរៗក្រោយពីប្រទេសចិនបានបើកប្រទេសឡើងវិញនៅឆ្នាំ២០២៣នេះ ។
លោកបន្តថា ៖
“តាមពិតទៅកម្ពុជាមិនបានផ្ដោតលើវិនិយោគិនមកពីប្រទេសណាមួយឡើយ ជាក់ស្ដែងកម្ពុជាមិនផ្ដោតតែលើការវិនិយោគមកពីប្រទេសចិននោះទេ ផ្ទុយទៅវិញ កម្ពុជាបានទទួលស្វាគមន៍ពីវិនិយោគិនមកពីបណ្ដាប្រទេសនានាដូចជា ជប៉ុន និងកូរ៉េជាដើម ។ ក្នុងនោះដែរប្រទេសក្នុងតំបន់អាស៊ាន ដូចជា ថៃ ម៉ាឡេស៊ី សិង្ហបុរី និងវៀតណាម ក៏ឃើញថាចាប់ផ្ដើមមានការវិនិយោគថ្មីជាបន្តបន្ទាប់ ហើយយើងនៅមានប្រទេសជាច្រើនទៀតមកបណ្ដាក់ទុនវិនិយោគផងដែរ”
អ្នកស្រី អាន សុធីតា នាយិកាប្រតិបត្តិនៃក្រុមហ៊ុនអចលនទ្រព្យ PropNex Cambodia បានមានប្រសាសន៍កន្លងមកឱ្យដឹងថា ក្នុងរយៈពេលប៉ុន្មានឆ្នាំចុងក្រោយនេះ និន្នាការនៃការវិនិយោគមកពីប្រទេសក្នុងតំបន់អាស៊ាន ឃើញថាចាប់ផ្ដើមមានកំណើនឡើងវិញគួរឱ្យកត់សម្គាល់ ជាពិសេសប្រទេសកូរ៉េ និងជប៉ុន ។
អ្នកស្រីបន្តឱ្យដឹងផងដែរថា ក្នុងឆ្នាំ២០២៣ – ២០២៤ ក៏ដូចជាឆ្នាំបន្តបន្ទាប់ទៀត ការវិនិយោគមកពីបរទេសនឹងរំពឹងថាកើនឡើងវិញស្របនឹងវិបត្តិកូវីដ១៩ត្រូវបានដោះស្រាយជាបន្តបន្ទាប់ ហើយប្រទេសដែលធ្លាប់បិទខ្ទប់ដោយសារកូវីដ១៩ក៏បានបើកឡើងវិញស្ទើរតែទាំងស្រុងទៅហើយនោះដែរ ៕
Account
Security
Favourite Content