សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ ក្នុងឱកាសសម្ពោធដាក់ឲ្យប្រើប្រាស់ស្ពានឆ្លងទន្លេសាប និងស្ពានអាកាសឫស្សីកែវ នាព្រឹកថ្ងៃទី ៣១ ខែឧសភានេះ សម្ដេចតេជោបានមានប្រសាសន៍លើកឡើងអំពីការផ្ដាច់នូវមុខរបររបស់អ្នករត់ទូកដរ ឬសាឡាង តាមរយៈការសាងសង់ស្ពានឲ្យប្រជាពលរដ្ឋឆ្លង។ ប៉ុន្តែយ៉ាងណា ការសាងសង់ស្ពាននេះ ត្រូវបានសម្ដេចគូសបញ្ជាក់ថា ដើម្បីប្រយោជន៍មនុស្សជាច្រើននាក់។
សម្ដេចបានមានប្រសាសន៍យ៉ាងដូច្នេះថា៖
“ខ្ញុំសុំទោសអ្នករត់ទូកដរ ឬអ្នករត់សាឡាងទាំងឡាយ ខ្ញុំបានផ្ដាច់មុខរបររបស់អ្នកច្រើនហើយ ដោយសារមិនអាចគិតគូរតែទៅលើអ្នករត់ទូកដរ រត់សាឡាងទេ ហើយយើងបំភ្លេចចោលមនុស្សរាប់លាននាក់ដែល ត្រូវឆ្លងកាត់ស្ពាននោះទេ។”
សម្ដេចមានប្រសាសន៍បន្តថា សម្រាប់ផ្លូវល្បឿនលឿនក៏យើងទុកឲ្យអ្នកវិនិយោគជាអ្នកធ្វើចុះ ឯស្ពានឆ្លងទន្លេគឺរដ្ឋាភិបាលជាអ្នកចេញលុយធ្វើតែម្ដង ដើម្បីបញ្ចៀសការចំណាយរបស់ប្រជាពលរដ្ឋ រាល់ពេលដែលត្រូវឆ្លងទូកដរ ឬសាឡាង។
សម្ដេចបន្តមានប្រសាសន៍ថា៖
“ពេលខ្លះប្រជាពលរដ្ឋគាត់ឆ្លងមួយថ្ងៃ៥ដង ត្រូវបង់លុយ ទាំង៥ដង អីចឹងទេបានជាយើងសុខចិត្តចំណាយថវិកា ក្នុងប៉ុន្មានថ្ងៃខាងមុខនេះ យើងនឹងបើក ការដ្ឋានសាងសង់ ហើយចំណុចនេះគឺបញ្ជាក់ឲ្យបានច្បាស់ថាផ្លូវល្បឿនលឿនគឺអ្នកវិនិយោគគេសាងសង់ អ្នកណាចង់ធ្វើ ដំណើររហ័ស អស់លុយតិចប្រើផ្លូវល្បឿនលឿនទៅ អ្នកណាមិនចង់ប្រើផ្លូវ ល្បឿនលឿន គឺប្រើផ្លូវជាតិទៅ។”
គួរបញ្ជាក់ថា ស្ពានឆ្លងកាត់ទន្លេសាប និងស្ពានអាកាសឫស្សីកែវ គឺជាស្ពានដែលដើរតួនាទីយ៉ាង សំខាន់ សម្រាប់ការធ្វើដំណើររបស់ប្រជាពលរដ្ឋរវាងផ្លូវជាតិលេខ៥ និងលេខ៦ ក៏ដូចជា ប្រជាពលរដ្ឋរស់នៅសង ខាង នៃទន្លេសាប។
ស្ពានឆ្លងកាត់ទន្លេសាប គឺជាប្រភេទស្ពានបេតុងខ្សែកាប តភ្ជាប់តំបន់អភិវឌ្ឍន៍ ទីក្រុងរណប ជ្រោយ ចង្វាមកកាន់ផ្លូវជាតិលេខ៥ ត្រង់ចំណុចប្រសព្វផ្លូវលេខ៣៦ ក្នុង ខណ្ឌឫស្សីកែវ រាជធានីភ្នំ ពេញ។ ការស្ថាប នា ស្ពាននេះ បានប្រើរយៈពេលសាងសង់ជាង ៦៨ខែ ដោយចំណាយថវិកា អស់ចំនួន ៣៥ លានដុល្លារអាមេរិកដែលជាកញ្ចប់ថវិកា បានមកពីមូលនិធិតំបន់អភិវឌ្ឍន៍ ជ្រោយ ចង្វារបស់ក្រុមហ៊ុនវិនិយោគទុនអាណិកជនកម្ពុជា (OCIC)។
រីឯស្ពានអាកាសឫស្សីកែវ បានចំណាយថវិកាសាងសង់អស់ចំនួន ៩,៧១០,៤៧៤ដុល្លារអាមេរិក ជាកញ្ចប់ថវិកាបានមកពីមូលនិធិអភិវឌ្ឍន៍កោះនរា របស់ក្រុមហ៊ុនវិនិយោគទុនអាណិកជនកម្ពុជា (OCIC)។ ស្ពាននេះ គឺជាស្ពាន អាកាស ទី៦ ដែលបានស្ថាបនារួចរាល់ ក្រោមកិច្ចសហប្រតិបត្តិការ រវាងរដ្ឋបាលរាជធានីភ្នំពេញ និងវិស័យឯកជន ស្របតាមអនុសាសន៍ និងចំណាត់ការដ៏ម៉ឺងម៉ាត់របស់ សម្ដេចតេជោនាយករដ្ឋមន្ត្រី នោះគឺ «ការយកទីក្រុងចិញ្ចឹមទីក្រុង ឬយកស្លឹកត្នោតខ្ចប់ស្ករត្នោត»៕
Account
Security
Favourite Content