សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងឆមាសទី១ ឆ្នាំ២០២៣នេះ ការផ្គត់ផ្គង់អគារការិយាល័យថ្មីៗនៅលើទីផ្សារនៃរាជធានីភ្នំពេញ ឃើញថាមាននិន្នាការកើនឡើងដោយក្នុងនោះអគារិយាល័យថ្មីៗទំហំ២១៥ពាន់ម៉ែត្រការ៉េរំពឹងថានឹងបញ្ចប់ហើយដាក់បញ្ចូលក្នុងទីផ្សារនៅចុងឆ្នាំ២០២៣នេះ ។ នេះបើតាមរបាយការណ៍របស់ក្រុមហ៊ុន CBRE Cambodia ចេញផ្សាយនៅក្នុងសប្ដាហ៍ទី២នៃខែកក្កដា ឆ្នាំ២០២៣នេះ ។
របាយការណ៍ដដែលនេះបានឱ្យដឹងថា អត្រានៃអ្នកជួលអគារការិយាល័យនៅលើទីផ្សារក្នុងត្រីមាសចុងក្រោយនេះ ឃើញថាមានការថមថយតិចតួច ឬប្រហាក់ប្រហែលគ្នានឹងត្រីមាសមុន ពោលគឺក្នុងត្រីមាសទី១មាន៦០ភាគរយនៃអគារិយាល័យសរុប និងបានថយមកនៅត្រឹម៥៨ភាគរយក្នុងត្រីមាសទី២ នេះ។ ទោះជាយ៉ាងណាក្ដី តម្លៃនៃការជួលអគារការិយាល័យ ទាំងតំបន់ពាណិជ្ជកម្ម និងមិនមែនតំបន់ពាណិជ្ជកម្មមាននិន្នាការកើនឡើងតិចតួច ដែលស្ថិតនៅចន្លោះពី២ភាគរយទៅ៤ភាគរយធៀបនឹងឆមាសទី១ ឆ្នាំ២០២២ កន្លងទៅ។
អ្នកនាង ជិន ច័ន្ទដាលុច្ស អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia ការផ្គត់ផ្គង់អគារការិយាល័យនៅក្នុងឆ្នាំ២០២៣នេះ មានច្រើនជាងមុន ប៉ុន្តែតម្រូវការជួលថ្មីនៃការអគារការិយាល័យនៅលើទីផ្សារនៅមានកម្រិត ដូច្នេះតម្រូវការជួលនៅក្នុងឆមាសទី១ ឆ្នាំ២០២៣ មិនទាន់មានកំណើនខ្ពស់ទេ ប៉ុន្តែនៅរយៈពេលកន្លះឆ្នាំទៀតនៃឆ្នា២០២៣នេះ យើងរំពឹងថាតម្រូវការនឹងមានការកើនឡើងខ្ពស់បន្ថែមទៀត ។
អ្នកនាងគឹម គិនកេសា អគ្គនាយិការងនៃក្រុមហ៊ុន CBRE Cambodia បានលើកឡើងថា តម្រូវការអគារការិយាល័យនៅក្នុងប្រទេសកម្ពុជាចាប់ផ្ដើមមានតម្រូវការបន្តិចវិញនៅក្រោយវិបត្តិកូវីដ១៩ ប៉ុន្តែនិន្នាការបានរក្សាលំនឹងថេរ ដោយមិនមានការប្រែប្រួលទេ តែអ្នកអភិវឌ្ឍន៍ និងអ្នកផ្គត់ផ្គង់អគារការិយាល័យមានច្រើនជាងមុន ។
អ្នកនាងបន្តថា ការិយាល័យនឹងមានតម្រូវការខ្ពស់ជាងមុន បើសិនជាមានការវិនិយោគមកពីខាងក្រៅច្រើន ដូចកាលមុនកូវីដ១៩ តែបើសិនជាការវិនិយោគពីខាងក្រៅនៅតែមានសភាពស្ងប់ស្ងាត់ក៏ដូចជាតិចតួចនៅឡើយ នោះតម្រូវការអគារិយាល័យ ជាពិសេសអគារការិយាល័យប្រភេទ Grade A នឹងមានតម្រូវការខ្ពស់៕
Account
Security
Favourite Content