សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខណ្ឌឬស្សីកែវត្រូវបានចាត់ទុកជាតំបន់មួយកណ្ដាលរាជធានីភ្នំពេញនាពេលបច្ចុប្បន្ននេះ ហើយតំបន់នេះក៏មានការអភិវឌ្ឍលើសំណង់អគារខ្ពស់ៗ សំណង់លំនៅឋានយ៉ាងច្រើនផងដែរក្នុងរយៈពេលប៉ុន្មានឆ្នាំចុងក្រោយនេះ ជាពិសេស សំណង់ធំៗមួយចំនួនក៏ត្រូវបានមើលឃើញថាលេចរូបរាងជាបន្តបន្ទាប់ ដែលអាចនឹងធ្វើឱ្យតម្លៃដីធ្លីក្នុងតំបន់នោះមានសន្ទុះកំណើនផងដែរ ។ តើតម្លៃដីធ្លីក្នុងខណ្ឌមួយនេះមានការប្រែប្រួលយ៉ាងណាក្នុងឆមាសទី១ឆ្នាំ២០២៣នេះ ?
ថ្ងៃនេះបណ្ដាញព័ត៌មាន AMS Economy នឹងលម្អិតពីតម្លៃដីធ្លីតាមសង្កាត់នីមួយៗ ក្នុងខណ្ឌឬស្សីសម្រាប់ជាទុនដល់អ្នកវិនិយោគស្វែងរកដីសម្រាប់អភិវឌ្ឍន៍គម្រោងឬវិនិយោគនាពេលអនាគត ។
១. សង្កាត់ឬស្សីកែវ ៖សង្កាត់មួយនេះ ហាងឆេងដីមានតម្លៃចន្លោះពី៥៥០ដុល្លារអាមេរិកដល់៣៤០០ដុល្លារអាមេរិកក្នុងមួយម៉ែត្រការ៉េ ក្នុងនោះទីតាំងតាមបបណ្ដោយផ្លូវធំមានតម្លៃចន្លោះពី១៣០០ដុល្លារអាមេរកដល់៣៤០០ដុល្លារអាមេរិកនិងទីតាំងដីនៅតាមបណ្ដោយផ្លូវតូចវិញមានតម្លៃចន្លោះពី៥៥០ដុល្លារអាមេរិកដល់១៤០០ដុល្លារអាមេរិក ក្នុងមួយម៉ែត្រការ៉េ ។
២.សង្កាត់ទួលសង្កែទី១ ៖ តម្លៃដីក្នុងសង្កាត់មួយនេះអាចរកបានក្នុងតម្លៃចន្លោះពី១៣០០ដុល្លារអាមេរិកទៅ៣៧០០ដុល្លារអាមេរិកសម្រាប់ទីតាំងនៅតាមបផ្លូវធំនិងតម្លៃចន្លោះពី៧៥០ដុល្លារអាមេរិកដល់១៩០០ដុល្លារអាមេរិកសម្រាប់ទីតាំងដីនៅតាមបណ្ដោយផ្លូវតូច ។
៣.សង្កាត់ទួលសង្កែទី២ ៖ ក្នុងសង្កាត់នេះតម្លៃដី ក្រោមសង្កាត់ទី១ច្រើនបន្តិច ក្នុងនោះនៅតាមបណ្ដោយផ្លូវធំមានតម្លៃចន្លោះពី៩០០ដុល្លារអាមេរិកទៅ២៨០០ដុល្លារអាមេរិកក្នុងមួយម៉ែត្រការ៉េ និងតម្លៃពី៤៥០ដុល្លារអាមេរិកទៅ១០០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅតាមបណ្ដោយផ្លូវតូច ។
៤.សង្កាត់គីឡូម៉ែត្រលេខ៦ ៖ សង្កាត់នេះតម្លៃដីធ្លីប្រហាក់ប្រហែលនឹងសង្កាត់ទួលសង្កែទី២ដែរ ក្នុងនោះទីតាំងដីនៅតាមបណ្ដោយផ្លូវធំមានតម្លៃចន្លោះពី៩០០ដុល្លារអាមេរិកដល់១៩០០ដុល្លារអាមេរិកក្នុងមួយម៉ែត្រការ៉េ និងតម្លៃចន្លោះពី៦៥០ដុល្លារអាមេរិកដល់១០០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅតាមបណ្ដោយផ្លូវតូច ។
៥.សង្កាត់ច្រាំងចំរេះទី១ ៖ សង្កាត់នេះតម្លៃដីមិនខុសពីសង្កាត់គីឡូម៉ែត្រលេខ៦នោះទេ គឺ ទីតាំងដីនៅតាមបណ្ដោយផ្លូវធំមានតម្លៃចន្លោះពី៩០០ដុល្លារអាមេរិកដល់១៩០០ដុល្លារអាមេរិកក្នុងមួយម៉ែត្រការ៉េ និងតម្លៃចន្លោះពី៦៥០ដុល្លារអាមេរិកដល់១០០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅតាមបណ្ដោយផ្លូវតូច ។
៦.សង្កាត់ច្រាំងចំរេះទី២ ក៏ដូចគ្នានឹងសង្កាត់ច្រាំងចំរេះទី១ដែរ ដោយទីតាំងដីនៅតាមបណ្ដោយផ្លូវធំមានតម្លៃចន្លោះពី៩០០ដុល្លារអាមេរិកដល់១៩០០ដុល្លារអាមេរិកក្នុងមួយម៉ែត្រការ៉េ និងតម្លៃចន្លោះពី៦៥០ដុល្លារអាមេរិកដល់១០០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅតាមបណ្ដោយផ្លូវតូច ។
៧.សង្កាត់ស្វាយប៉ាក ៖ ស្វាយប៉ាកជាសង្កាត់ឆ្ងាយជាងគេពីរាជធានីភ្នំពេញ ក្នុងចំណោមបណ្ដាសង្កាត់នានា ដូច្នេះតម្លៃក្នុងសង្កាត់នេះក៏ទាបជាងគេដែរក្នុងចំណោមសង្កាត់ទាំងអស់ក្នុងខណ្ឌឬស្សីកែវ ក្នុងនោះដែរទីតាំងនៅតាមបណ្ដោយផ្លូវធំមានតម្លៃចន្លោះពី៥៥០ដុល្លារអាមេរិក ដល់ ១២០០ដុល្លារអាមេរិកក្នុងមួយម៉ែត្រការ៉េ និងតម្លៃចន្លោះពី៤៥០ដុល្លារអាមេរិកទៅ៩០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅតាមបណ្ដោយផ្លូវតូច ។
គួរបញ្ជាក់ថារបាយការណ៍តម្លៃដីធ្លីនៅតាមសង្កាត់នានាក្នុងខណ្ឌឬស្សីកែវ ដែលបានលើកយកមកចែកជូននេះគឺដកស្រង់ចេញពីសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាដែលតែងតែផ្សព្វផ្សាយជូនរៀងរាល់សប្ដាហ៍ ៕
Account
Security
Favourite Content