គួរស្វែងយល់ ៖ ដឹងទេថា ធនាគារវិនិយោគអឺរ៉ុប (EIB) បង្កើតនៅពេលណា

ចំណេះដឹង ៖ ធនាគារវិនិយោគអឺរ៉ុបភាគច្រើនបានផ្តល់ប្រាក់កម្ចីដល់ប្រទេសក្នុងសហភាពអឺរ៉ុប ប៉ុន្តែកម្ពុជាយើងក៏ទទួលបានប្រាក់កម្ចីពីធនាគារនេះផងដែរ ដោយមានវិស័យអាទិភាពចំនួន៤ នៃ EIB រួមមានការច្នៃប្រឌិត និងជំនាញបច្ចេកទេស សហគ្រាសធុនតូច និងមធ្យម ថាមពលស្អាត និងហេដ្ឋារចនាសម្ព័ន្ធ។ តើលោកអ្នកធ្លាប់បានដឹងទេថា ស្ថាប័នធនាគារនេះមានប្រភពមកពីណា និងមានចក្ខុវិស័យយ៉ាងដូចម្ដេច?

ធនាគារវិនិយោគអឺរ៉ុប (EIB) គឺជាស្ថាប័នក្រោមដំបូលសហភាពអឺរ៉ុបមិនស្វែងរកប្រាក់ចំណេញ និងមានទីស្នាក់ការកណ្តាលនៅប្រទេសលុចសំបួ ដែលផ្តល់ប្រាក់កម្ចី ការធានា ផ្តល់ជំនួយបច្ចេកទេស និងបណ្តាក់ទុនលើគម្រោងអាជីវកម្មដែលរំពឹងថាអាចជម្រុញគោលនយោបាយរបស់សហភាពអឺរ៉ុប ដោយក្នុងនោះប្រមាណជា ៩០% ប្រាក់កម្ចី EIB បានផ្តល់ទៅប្រទេសក្នុងសហភាពអឺរ៉ុប។ វិស័យអាទិភាពចំនួន៤ នៃ EIB រួមមានការច្នៃប្រឌិត និងជំនាញបច្ចេកទេស សហគ្រាសធុនតូច និងមធ្យម ថាមពលស្អាត និងហេដ្ឋារចនាសម្ព័ន្ធ។

ទុនរបស់ធនាគារវិនិយោគអឺរ៉ុប បានមកពីការប្រមូលមូលនិធិតាមរយៈធនាគារដែលខ្ចីពីទីផ្សារមូលធន (capital market)។ EIB ផ្តោតលើការរផ្តល់ប្រាក់កម្ចីដល់អាជីវកម្មខ្នាតតូច និងមធ្យម (SMEs) ប្រទេសអឺរ៉ុបដែលមិនសូវមានការអភិវឌ្ឍន៍ ការកែលម្អបរិស្ថាន និងនិរន្តរភាព សន្តិសុខថាមពល បណ្តាញឆ្លងទ្វីបអឺរ៉ុប និងគម្រោងសេដ្ឋកិច្ចផ្សេងៗ។ អ្នកខ្ចីជាធម្មតាប្រើហិរញ្ញប្បទានរបស់ EIB ដោយភ្ជាប់ជាមួយការផ្តល់ហិរញ្ញប្បទានដោយភាគីទី៣។ គម្រោងដែល EIB ផ្តល់ប្រាក់កម្ចីរមែងទាក់ទាញហិរញ្ញប្បទានបន្ថែមពីភាគីផ្សេងៗទៀត។

ធនាគារវិនិយោគអឺរ៉ុបត្រូវបានបង្កើតឡើងនៅទីក្រុងប្រ៊ុចសែលក្នុងឆ្នាំ១៩៥៨ នៅពេលដែលសន្ធិសញ្ញាទីក្រុងរ៉ូមត្រូវបានចុះហត្ថលេខា។ នៅពេលនោះ ធនាគារមានបុគ្គលិកត្រឹមតែ ៦៦ នាក់ ហើយក្រោយមកនៅឆ្នាំ១៩៦៨ ធនាគារបានផ្លាស់ប្តូរទីតាំងទៅប្រទេសលុចសំបួ។

EIB គឺជាអង្គភាព និងជាធនាគាររបស់សហភាពអឺរ៉ុប ដូច្នេះស្ថាប័ននេះត្រូវតែប្រកាន់ខ្ជាប់ទាំងគោលការណ៍អភិបាលកិច្ចសាធារណៈ និងសាជីវកម្មតាមលក្ខខណ្ឌអឺរ៉ុប។ EIB មានអង្គភាពធ្វើសេចក្តីសម្រេចចិត្តចំនួន ៣ គឺ Board of Governors, Board of Directors និងគណៈកម្មាធិការគ្រប់គ្រង។ Board of Governors កំណត់ទិសដៅរបស់ EIB ។ Board of Directors ត្រួតពិនិត្យទិសដៅយុទ្ធសាស្ត្រ ហើយគណៈកម្មាធិការគ្រប់គ្រងត្រួតពិនិត្យប្រតិបត្តិការប្រចាំថ្ងៃរបស់ EIB ។ ធនាគារនេះមានភាគទុនិកចំនួន ២៧ ដែលជារដ្ឋសមាជិកនៃសហភាពអឺរ៉ុប។ គិតត្រឹមឆ្នាំ២០២១ លោក Dr. Werner Hoyer គឺជាប្រធានធនាគារបច្ចុប្បន្ន ហើយបានចូលកាន់តំណែងជានាយក និងជាប្រធានចាប់តាំងពីថ្ងៃទី០១ ខែមករា ឆ្នាំ២០១២។

ស្ថាប័នហិរញ្ញវត្ថុដ៏ធំមួយនៅអឺរ៉ុបដែរគឺមូលនិធិវិនិយោគអឺរ៉ុប (EIF)។ EIF ជាអង្គការបណ្តាក់ទុនរបស់សហភាពអឺរ៉ុប សម្រាប់ផ្តល់ហិរញ្ញប្បទាន និងផ្តល់ការធានាសម្រាប់សហគ្រាសធុនតូច និងមធ្យម។ ធនាគារវិនិយោគអឺរ៉ុប (EIB) គឺជាម្ចាស់ភាគហ៊ុនភាគច្រើននៃ EIF ដែលកាន់កាប់ភាគហ៊ុនចំនួន ៦១,៣% ។ នៅក្នុងឆ្នាំ២០០០ EIB និង EIF បានរួមគ្នាបង្កើត EIB Group ។

នៅឆ្នាំ២០២០ EIB Group បានយល់ព្រមអនុម័តទឹកប្រាក់ចំនួន ៩៥,៤ពាន់លានអឺរ៉ូ សម្រាប់គាំទ្រដល់ហេដ្ឋារចនាសម្ព័ន្ធ សហគ្រាសធុនតូច និងមធ្យម ការបង្កើតថ្មី និងគម្រោងទាក់ទងនឹងការការពារអាកាសធាតុ។ EIB Group ស្ថិតក្នុងចំណោមអ្នកផ្តល់ហិរញ្ញប្បទានអាកាសធាតុពហុភាគីធំជាងគេនៅលើពិភពលោក និងមានចំណាត់ថ្នាក់ឥណទាន AAA ។

គូសបញ្ជាក់ថា គិតត្រឹមចុងឆ្នាំ២០២១ ប្រទេសកម្ពុជាធ្លាប់ទទួលបានហិរញប្បទានចំនួន៧លើក លើគម្រោងចំនួន៣ រួមមានគម្រោងផ្គត់ផ្គង់ទឹកស្អាតបាក់ខែង ការកែលំអកសិកម្មនៅកម្ពុជា និងគម្រោងអភិវឌ្ឍន៍ជនបទប្រកបដោយនិរន្តភាពកម្ពុជា(SAAMBAT) ដែលសរុបជាទឹកប្រាក់ចំនួន €២៦០,២៤២,៣៣៥ ៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

សាកល្បងlink new 2026

បទយកការណ៍, អចលនទ្រព្យ

• 20/04/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

ព័ត៌មានទូទៅ

មើលទាំងអស់ ➧

ប្រធានាធិបតីរុស្ស៊ីលោក វ៉្លាឌីមៀ ពូទីន ដឹកនាំនាយកប្រតិបត្តិកំពូលៗ បំពេញទស្សនកិច្ចនៅចិន

ព្រឹត្តិការណ៍, សេដ្ឋកិច្ច

• 20/05/2026

ប្រធានាធិបតីលោក វ្ល៉ាឌីមៀ ពូទីន (Vladimir Putin) ត្រូវបានអមដំណើរដោយឧបនាយករដ្ឋមន្ត្រី និងរដ្ឋមន្ត្រីជាច្រើនរូប ពិសេសគេឃើញ មានវត្តមាននៃនាយកប្រតិបត្តិកំពូលៗរបស់រុស្ស៊ី ដែលបានធ្វើដំណើរទស្សនកិច្ចផ្លូវរដ្ឋទៅកាន់ប្រទេសចិនរយៈពេល ២ ថ្ងៃ

ភាពជាដៃគូចិន-រុស្ស៊ី កាន់តែមានភាពរឹងមាំតាមរយៈជំនួបសំខាន់ៗទ្វេភាគីជាង ១ ទសវត្សរ៍ចុងក្រោយនេះ

ព្រឹត្តិការណ៍, សេដ្ឋកិច្ច

• 20/05/2026

ដំណើរទស្សនកិច្ចរយៈពេល ២ ថ្ងៃចាប់ ពីថ្ងៃទី ១៩ ដល់ទី ២០ ខែឧសភា ឆ្នាំ២០២៦ របស់លោកប្រធានាធិបតីរុស្សី វ្ល៉ាឌីមៀ ពូទីន (Vladimir Putin) នៅក្នុងទីក្រុងប៉េកាំងបានបង្ហាញអំពីភាពរឹងមាំ និងកាន់តែស៊ីជម្រៅឡើងនៃភាពជាដៃគូយុទ្ធសាស្ត្រជាមួយនឹងសមភាគីចិន

Amazon បញ្ឈប់ការលក់ទំនិញនៅសិង្ហបុរី ខណៈមិនអាចទប់ទល់នឹងការប្រកួតប្រជែងខ្ពស់ក្នុងតំបន់

ព្រឹត្តិការណ៍, អាជីវកម្មថ្មី និងនវានុវត្ត

• 20/05/2026

វេទិកាពាណិជ្ជកម្មអេឡិចត្រូនិចដ៏ល្បីរបស់អាម៉េរិក Amazon សម្រេចចិត្តបញ្ឈប់ការលក់ និងដឹកជញ្ជូនទំនិញក្នុងស្រុកនៅប្រទេសសិង្ហបុរី ដោយសារពិបាកក្នុងការជ្រៀតចូលទីផ្សារនៅអាស៊ីអាគ្នេយ៍ និងមិនអាចទប់ទល់នឹងការប្រកួតប្រជែងខ្ពស់នៅក្នុងតំបន់មួយនេះ

សហព័ន្ធស្រូវអង្ករត្រៀមលុយ ១៥០ លានដុល្លារ បង្កើតហេដ្ឋារចនាសម្ព័ន្ធរក្សាស្តុកស្រូវ

ព្រឹត្តិការណ៍, សេដ្ឋកិច្ច

• 20/05/2026

ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជាបាន ប្រាប់បណ្ដាញព័ត៌មាន AMS នៅអង្គារទី ១៩ ខែ ឧសភា នេះថា សហព័ន្ធ ត្រៀមថវិកាប្រមាណ ១៥០ លានដុល្លារ សម្រាប់វិនិយោគលើការពង្រីកហេដ្ឋារចនាសម្ព័ន្ធចាំបាច់ ដូចជា ការសាងសង់ឃ្លាំងស្តុកស្រូវ និងឡសំម្ងួតបន្ថែម សម្រាប់រយៈ ពេល ២ ទៅ ៣ឆ្នាំខាងមុខ

ការដឹកជញ្ជូនទំនិញតាមផ្លូវអាកាសរបស់កម្ពុជា បានកើនឡើងដល់ជាង ៣០ ពាន់តោនក្នុងរយៈពេល ៤ ខែដំបូងឆ្នាំ ២០២៦

ព្រឹត្តិការណ៍, សេដ្ឋកិច្ច

• 20/05/2026

ទោះបីជាមានភាពតានតឹងជាសកលដែលនាំឱ្យមានការដំឡើងថ្លៃប្រេងឥន្ធនៈក៏ដោយ ក៏ក្នុងរយៈពេល ៤ ខែដំបូងនៃឆ្នាំ ២០២៦ ការដឹកជញ្ជូនទំនិញតាមផ្លូវអាកាសបានកើនរហូតដល់ ៣០ ៤៤៨ តោន កើនឡើង ៣៦ ភាគរយធៀបនឹងរយៈពេលដូចគ្នាក្នុងឆ្នាំ ២០២៥

អគារតាំងបង្ហាញរថយន្តទំនើបៗស្ទើរតែគ្រប់ម៉ាកយីហោ កំពុងរីកដុះដាលតាមបណ្ដាយផ្លូវ៦០ម៉ែត្រ

ព្រឹត្តិការណ៍, អចលនទ្រព្យ

• 19/05/2026

អគារតាំងបង្ហាញរថយន្តស្ទើរតែគ្រប់ម៉ាកយីហោ បាន និងកំពុងលេចវត្តមាននៅតាមបណ្ដោយផ្លូវ៦០ម៉ែត្រ ដែលធ្វើឱ្យមហាវិថីមួយនេះកាន់តែមានសក្ដានុពលក្នុងការទាក់ទាញការវិនិយោគថ្មីៗជាបន្តបន្ទាប់

តម្រូវការប្រើប្រាស់ធ្យូងអនាម័យកំពុងបន្តកើនឡើង ខណៈដែលតម្លៃឧស្ម័នហ្គាសឡើងថ្លៃ

ជំនួញ, ព្រឹត្តិការណ៍

• 19/05/2026

តម្រូវការនៃការប្រើប្រាស់ធ្យូងអនាម័យនៅតាមជនបទក៏ដូចជានៅតាមទីប្រជុំជនក្នុងប្រទេសកម្ពុជា មានការកើនឡើងខ្ពស់ ស្របពេលដែលតម្លៃឧស្ម័នហ្គាស(LPG) ឡើងថ្លៃខ្ពស់

ឥទ្ធិពលរបស់ចិននឹងកាន់តែមានអំណាចលើសេដ្ឋកិច្ចរបស់រុស្ស៊ី ពីដៃគូស្មើមុខមាត់មកជាអ្នកត្រួតត្រា

ព្រឹត្តិការណ៍, សេដ្ឋកិច្ច

• 19/05/2026

មុនពេលមានសង្គ្រាមជាមួយនឹងអ៊ុយក្រែន រុស្ស៊ី និងចិនជារឿយៗអបអរសាទរភាពជាដៃគូគ្មានដែនកំណត់ ប៉ុន្តែជាក់ស្តែង ទំនាក់ទំនងនេះកំពុងប្រែទៅជាការចំណេញតែម្ខាងកាន់តែខ្លាំងឡើងៗ

ក្រុមហ៊ុន Smart Axiata និង Canadia Group ចាប់ដៃសហការជំរុញបរិវត្តកម្មឌីជីថលសម្រាប់អតិថិជន សហគ្រាស និងធុរកិច្ចនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 19/05/2026

ក្រុមហ៊ុន Smart Axiata បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Canadia Group រួមមានក្រុមហ៊ុនវិនិយោគទុនអាណិកជនកម្ពុជា (OCIC) និងក្រុមហ៊ុន កាណាឌីយ៉ា អ៊ីនវេសមិន ហូលឌីង ភីអិលស៊ី (CIH)