សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉េកាំង ៖ កាលពីថ្ងៃចន្ទ ដើមសប្ដាហ៍នេះ ធនាគារកណ្តាលរបស់ប្រទេសចិនបានកាត់បន្ថយអត្រាការប្រាក់កម្ចីសំខាន់ៗមួយចំនួនដើម្បីជួយដល់សេដ្ឋកិច្ច និងសម្រាលវិបត្តិអចលនទ្រព្យដែលកំពុងជួបប្រទះ។
ធនាគារ PBoC (The People’s Bank of China) បានកាត់បន្ថយអត្រាការប្រាក់កម្ចីរយៈពេល៥ឆ្នាំ ដែលជាគោលដៅសម្រាប់កម្ចីទិញផ្ទះនោះ ត្រូវបានកាត់បន្ថយពី ៤,៣ ភាគមកត្រឹម ៣,៦៥% ខណៈដែលប៉ុន្មានខែចុងក្រោយនេះ វិស័យអចលនទ្រព្យចិនកាន់តែមានភាពអាក្រក់ទៅៗ ហើយមានអតិថិជនរាប់សែនអ្នកបាននាំគ្នាតវ៉ា និងមិនព្រមបង់ថ្លៃប្រាក់កម្ចីរបស់ពួកគេដោយសារការពន្យារពេលនៃគម្រោងសាងសង់លំនៅដ្ឋាននៅជាប់គាំង។
ទីភ្នាក់ងាររវាយតម្លៃឥណទាន Fitch បាននិយាយនៅក្នុងរបាយការណ៍ខែសីហានេះថា ការធ្វើពហិការលើការបញ្ចាំដ៏ធំមានន័យថា ទំនុកចិត្តអ្នកប្រើប្រាស់ធ្លាក់ចុះ និងអាចរារាំងដល់ការស្ទុះងើបឡើងវិញនៃអចលនទ្រព្យ ហើយអាចជះឥទ្ធិពលដល់កំណើនសេដ្ឋកិច្ចក្នុងស្រុក។ អចលនទ្រព្យ និងឧស្សាហកម្មដែលពាក់ព័ន្ធមានការរួមចំណែករហូតដល់ប្រមាណ ២៥ ភាគរយនៃផលិតផលក្នុងស្រុកសរុបរបស់ប្រទេសចិន។
ការកាត់បន្ថយការប្រាក់នេះ គឺក្នុងគោលបំណងដើម្បីបញ្ចុះការប្រាក់លើប្រាក់កម្ចីដែលនៅសល់របស់អ្នកខ្ចី ឬក្រុមហ៊ុនដែលខ្ចី និងកាត់បន្ថយតម្លៃប្រាក់កម្ចីថ្មី។
ប្រព័ន្ធផ្សព្វផ្សាយរដ្ឋចិន Xinhua បានដកស្រង់សេចក្តីថ្លែងការណ៍រួមរបស់ធនាគារកណ្តាល ក្រសួងហិរញ្ញវត្ថុបស់ប្រទេសចិន បានបង្ហាញថា រដ្ឋាភិបាលនឹងផ្តល់ប្រាក់កម្ចីពិសេសដើម្បីជួយអ្នកអភិវឌ្ឍន៍អចលនទ្រព្យដែលនៅជំពាក់បំណុលឱ្យឆាប់បញ្ចប់គម្រោងសាងសង់សម្រាប់ប្រគល់ជូនអតិថិជន ជាមួយនឹងកញ្ចប់ប្រាក់កម្ចីដែលមានទំហំជិត ៣០ ពាន់លានដុល្លារ។ គួរបញ្ជាក់ដែរថា សេដ្ឋកិច្ចរបស់ប្រទេសចិនទាំងមូលបានធ្លាក់ចុះកាលពីខែមុន ដោយសារជួបវិបតិ្តជាបន្តបន្ទាប់ ដូចជា ការបាត់បង់ទំនុកចិត្តរបស់អតិថិជនលើទីផ្សារអចលនទ្រព្យ(លំនៅដ្ឋាន) ការរាតត្បាតពីជំងឺកូវីដ-១៩ ការធ្លាក់ចុះនៃទីផ្សារលក់រាយជាដើម ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ការពហិកាទំនិញថៃ និងការប្រើប្រាស់ផលិតផលក្នុងស្រុក ជាចលករយ៉ាងសំខាន់ជំរុញកំណើនសេដ្ឋកិច្ចជាតិ និងពង្រីក SME
Top News, ព្រឹត្តិការណ៍, សេដ្ឋកិច្ច
• 05/06/2026
ការបន្តពហិកាទំនិញថៃ និងការប្រើប្រាស់ផលិតផលក្នុងស្រុក ( Local Products) គឺជាកាតាលីករ ឬជាកម្លាំងចលករដ៏មានឥទ្ធិពលក្នុងការជំរុញកំណើនសេដ្ឋកិច្ចជាតិ និងអភិវឌ្ឍន៍សង្គមមួយឱ្យមានចីរភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content