សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ យោងតាមអគ្គនាយកដ្ឋានគយ និងរដ្ឋាករកម្ពុជា (GDCE) នៅក្នុងរយៈពេល៥ខែដើមឆ្នាំ២០២៤ កម្ពុជាប្រមូលប្រាក់បានជាង ៣,៤ ពាន់លានដុល្លារពីការនាំចេញទំនិញទៅទីផ្សារអាមេរិក កើនជាង៧ភាគរយបើធៀបរយៈពេលដូចគ្នាកាលពីឆ្នាំ២០២៣ ខណៈអាមេរិកនៅតែជាប្រទេសនាំមុខគេដែលទទួលទិញទំនិញពីកម្ពុជា ហើយចំណែកទំនិញអាមេរិកនាំមកកម្ពុជាចំនួន ៩៥,៥៨ លានដុល្លារ កើនឡើងជា១ភាគរយ។។
ក្រុមប្រឹក្សាអភិវឌ្ឍន៍កម្ពុជា និងស្ថានទូតសហរដ្ឋអាមេរិកប្រចាំកម្ពុជា កាលពីពេលកន្លងទៅថ្មីៗនេះ បានជួបពិភាក្សាគ្នាអំពីវិធីបង្កើតយន្តការរួមមួយដែលអាចឲ្យកម្ពុជាដោះស្រាយកង្វល់របស់អ្នកវិនិយោគអាមេរិក ដែលជំនួបនេះត្រូវបានរៀបចំឡើងដើម្បីពង្រឹងកិច្ចសហប្រតិបត្តិការសេដ្ឋកិច្ច និងវិនិយោគរវាងប្រទេសទាំងពីរ ដើម្បីទាក់ទាញពាណិជ្ជករអាមេរិកឱ្យបានកាន់តែច្រើន និងជំរុញពាណិជ្ជកម្មឱ្យមានកំណើន។
ទាក់ទងនឺងទំហំពាណិជ្ជកម្មខាងលើ បណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានប្រាប់ AMS ថា ទំនាក់ទំនងពាណិជ្ជកម្មកម្ពុជា សហរដ្ឋអាមេរិកបានដើរតួនាទីសំខាន់ណាស់មិនអាចខ្វះបាន ខណៈដែលទីផ្សារសហរដ្ឋអាមេរិកបានឈានមុខគេក្នុងការទិញផលិតផលពីប្រទេសកម្ពុជា ដើម្បីរួមចំណែកទៅក្នុងការអភិវឌ្ឍន៍សេដ្ឋកិច្ច និងធានាកំណើន រួមទាំងភាពធន់សេដ្ឋកិច្ចរបស់កម្ពុជាផងដែរ។
លោកបណ្ឌិត ហុង វណ្ណៈ បានបញ្ជាក់ថា ៖
«ជាទូទៅ ធុរកិច្ចអាមេរិកពិនិត្យលើសន្ទស្សន៍ទីផ្សារសកល និងភាពងាយស្រួលនៃសន្ទស្សន៍អាជីវកម្ម ដែលកម្ពុជាត្រូវកែលម្អ ដើម្បីកេរ្តិ៍ឈ្មោះរបស់ខ្លួននៅលើឆាកអន្តរជាតិក្នុងការសម្រេចបាននូវការប្រកួតប្រជែងឆ្ពោះទៅរកការទាក់ទាញការវិនិយោគផ្ទាល់ពីសហរដ្ឋអាមេរិកបន្ថែមទៀត។ ទីផ្សារសហរដ្ឋអាមេរិកមានវិសាលភាពណាស់ធំសម្រាប់ទំនិញកម្ពុជា ហើយបើយើងធៀបទីផ្សារនៃការទិញផលិតផលកម្ពុជាជាមួយនឹងទីផ្សារដទៃទៀត គឺមានតែសហរដ្ឋអាមេរិកប៉ុណ្ណោះដែលបញ្ជារទិញផលិតផល និងទំនិញ ដូចជា វាយនភណ្ឌ កាត់ដេរសម្លៀកកបំពាក់ ស្បែកជើង សំភារៈសម្រាប់ធ្វើដំណើរ និងបន្ថែមការទទួលទិញកង់ សម្ភារៈអគ្គិសនី និងបន្ទះសូឡាជាដើម»។
លោកបណ្ឌិត ហុង វណ្ណៈ ក៏បានបញ្ជាក់ដែរថា ការនាំចេញទំនិញរបស់កម្ពុជាទៅអាមេរិក គឺបង្ហាញភាពវិជ្ជមានឡើងវិញជាបន្តបន្ទាប់ចាប់តាំងពីចុងឆ្នាំ២០២៣។ និន្នាការនេះនឹងបន្តទៅមុខទៀត ខណៈបច្ចុប្បន្នកម្ពុជាមានមុខទំនិញកាន់តែច្រើនសម្រាប់ឆ្លើយតបទៅនឹងតម្រូវការទីផ្សារអាមេរិក និងសកល ប៉ុន្តែមានទំនិញខ្លះស្ថិតក្នុងការចរចានៅឡើយ ។
យោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជាបានឱ្យដឹងថា ក្នុងឆ្នាំ២០២៣ ការនាំទំនិញទៅមករវាងដៃគូពាណិជ្ជកម្មទាំង២កម្ពុជា អាមេរិក មានទឹកប្រាក់សរុប ៩,១៥ ពាន់លានដុល្លារ ធ្លាក់ចុះ១,៤ ភាគរយធៀបរយៈពេលដូចគ្នាឆ្នាំ ២០២២ ក្នុងនោះទំនិញកម្ពុជានាំទៅអាមេរិកមាន ៨,៩ ពាន់លានដុល្លារ ថយចុះ ០,៨ ភាគរយ ចំណែកទំនិញអាមេរិកនាំមកកម្ពុជាបានចំនួន ២៥៧,១៨ លានដុល្លារ ថយចុះ ១៧,៧ ភាគរយ។
លោកបណ្ឌិត បានគូសបញ្ជាក់ដែរថា ដើម្បីនាំទំនិញទៅលក់នៅទីផ្សារក្រៅប្រទេស កម្ពុជាត្រូវបង្កើនឧត្តមភាពប្រកួតប្រជែង ដើម្បីប្រៀបធៀបជាមួយនឹងផលិតផលប្រទេសដទៃ ជាពិសេសត្រូវបង្កើនគុណតម្លៃនៃផលិតផលឱ្យបានខ្ពស់ តាមរយៈការខិតខំផលិតឱ្យបានផលិតផលសម្រេចឱ្យបានច្រើន ដើម្បីជាជម្រើសកាន់តែសម្បូរបែប។
Account
Security
Favourite Content