សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ នៅសប្តាហ៍នេះទីប្រឹក្សារដ្ឋដ៏សំខាន់ម្នាក់បានធ្វើការលើកឡើងថា ប្រទេសជប៉ុននឹងចាំបាច់បញ្ចេញខ្ទង់ចំណាយប្រមាណជា ១ ទ្រីលានយេន ឬត្រូវជា ៩ ពាន់លានដុល្លារដើម្បីកិច្ចការងារអភិវឌ្ឍបន្ទះឈីបនៅឆ្នាំនេះ ហើយអាចនឹងច្រើនទ្រីលានយេនទៀតនៅឆ្នាំបន្តបន្ទាប់។
លោក Tetsuro Higashi ប្រធានក្រុមហ៊ុន Tokyo Electron Ltd, និងជាប្រធានក្រុមអ្នកជំនាញប្រឹក្សារបស់រដ្ឋាភិបាលជប៉ុនបានបញ្ជាក់ថា កញ្ចប់ថវិកាដែលទំហំតិចជាងការលើកឡើងខាងលើនេះអាចនឹងមិនគ្រប់គ្រាន់ឡើយសម្រាប់ប្រតិបត្តិការរោងចក្ររបស់ជប៉ុនដើម្បីមានសមត្ថភាពដើរទាន់រោងចក្រប្រកួតប្រជែងរបស់ប្រទេសកូរ៉េខាងត្បូង និងកោះតៃវ៉ាន់ ដែលបច្ចុប្បន្នត្រូវបានគេទទួលស្គាល់ថាជាអ្នកផ្គត់ផ្គង់បន្ទះឈីបធំបំផុតក្នុងទីផ្សារសកលលោក។
បុរសវ័យ៧១ ឆ្នាំ និងជាមនុស្សដែលមានជំនាញខ្ពស់ ព្រមទាំងបទពិសោធន៍ច្រើនឆ្នាំក្នុងផ្នែកឧស្សាហកម្មរូបនេះបានបន្តទៀតថា
“វានឹងមិនមែនជារឿងងាយស្រួលឡើយក្នុងការត្រឡប់ទៅរកភាពខ្លាំងរបស់ខ្លួនវិញ ហើយប្រសិនបើជប៉ុនខកខានឱកាសលើកនេះនោះមានន័យថា នឹងមិនមានឱកាសទៀតនោះទេក្នុងការប្រជែងយកទីផ្សារ”
លោក Tetsuro Higashi
បញ្ហាកង្វះបន្ទះឈីបនៅពេលបច្ចុប្បន្ននេះ កំពុងអង្រួនទីផ្សារសកលលោកយ៉ាងខ្លាំង ដោយសារតែស្ទើរគ្រប់ផលិតផលបច្ចេកវិទ្យាសំខាន់រាប់ចាប់ពីផលិតផលទូរទឹកកករហូតទៅដល់រថយន្តទំនើបសុទ្ធតែមានបញ្ហាទៅលើកង្វះខាតបន្ទះឈីប ដែលធ្វើឲ្យរដ្ឋាភិបាលប្រទេសមហាអំណាចជាច្រើនដូចជាប្រទេសចិន អាមេរិក កូរ៉េខាងត្បូង និងជប៉ុន កំពុងងាកមកពង្រឹងការផលិតដើម្បីអាចផ្គត់ផ្គង់ទាំងនៅក្នុងស្រុក និងនាំចេញបន្ថែមទៀត។
សម្រាប់តែប្រទេសជប៉ុនត្រូវបានគេមើលឃើញថា គឺជាអ្នកដែលងាយរងគ្រោះជាងគេបំផុត ពីព្រោះប្រទេសមួយនេះកំពុងស្ថិតនៅក្នុងដំណាក់កាលវិនិយោគនៅឡើយ ហើយប៉ុន្មានឆ្នាំចុងក្រោយនេះបន្ទះឈីបដែលផលិតក្នុងប្រទេសគឺមានតែប្រមាណ ១/៣ ប៉ុណ្ណោះដែលត្រូវបានប្រើប្រាស់នៅក្នុងសង្វាក់ផលិតកម្ម និងប្រមាណ ២/៣ គឺជាបន្ទះឈីបដែលនាំចូលមកពីបរទេស។
ជាការឆ្លើយតប រដ្ឋាភិបាលប្រទេសជាច្រើនរួមទាំងសហរដ្ឋអាមេរិកផងដែរ បានប្រកាសផ្តល់កញ្ចប់ថវិកាជំនួយដល់ទៅប្រមាណ ៥២ពាន់លានដុល្លារទៅដល់កិច្ចការងារផលិតបន្ទះឈីបក្នុងស្រុក ខណៈដែលក្រុមហ៊ុនរបស់ប្រទេសកូរ៉េខាងត្បូងដូចជា Samsung និង SK Hynix ជាដើម បានប្តេជ្ញាចិត្តបណ្តាក់ទុនវិនិយោគ ៤៥០ ពាន់លានដុល្លារ ខណៈដែលកោះតៃវ៉ាន់ ធ្លាប់បានប្រកាសថាមានគម្រោងវិនិយោគប្រាក់ប្រមាណ ១០០ ពាន់លានដុល្លារសម្រាប់កិច្ចការងារអភិវឌ្ឍន៍រោងចក្រផលិតបន្ទះឈីបសម្រាប់រយៈពេល ៣ ឆ្នាំខាងមុខ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្ថាបនិក DeepSeek កើនទ្រព្យដល់ ៣៦ ពាន់លានដុល្លារ ក្លាយជាសេដ្ឋីមានជាងគេក្នុងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 15/07/2026
ទ្រព្យសម្បត្តិសុទ្ធរបស់លោក Liang Wenfeng ស្ថាបនិកក្រុមហ៊ុន AI ដ៏ល្បីរបស់ចិន DeepSeek បានកើនឡើងដល់ទៅជាងទ្វេដង បន្ទាប់ពីការកៀរគរទុនវិនិយោគបន្ថែម ដែលវាបានធ្វើឱ្យសហគ្រិនជនជាតិចិនរូបនេះបានក្លាយជាបុគ្គល មានទ្រព្យសម្បត្តិស្ដុកស្ដម្ភជាងគេបំផុតលើលោក
ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងផ្នែកឧស្សាហកម្ម និងការធ្វើពាណិជ្ជកម្មអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/07/2026
ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងនៃឧស្សាហកម្ម និងការធ្វើពាណិជ្ជកម្មអន្តរជាតិ
ប៊ុលហ្ការី-អាល្លឺម៉ង់ ពង្រឹងកិច្ចសហប្រតិបត្តិការលើវិស័យបញ្ញាសិប្បនិម្មិត និងមនុស្សយន្ត
ព្រឹត្តិការណ៍, អាជីវកម្មថ្មី និងនវានុវត្ត
• 14/07/2026
លោកនាយករដ្ឋមន្ត្រីប៊ុលហ្ការី លោក Rumen Radev នៅសប្តាហ៍នេះ បានជួបពិភាក្សាការងារជាមួយតំណាងវិទ្យាស្ថានស្រាវជ្រាវ និងគ្រឹះស្ថានបោះពុម្ពផ្សាយធំៗរបស់ប្រទេសអាល្លឺម៉ង់ នៅទីស្ដីការគណៈរដ្ឋមន្ត្រី ដើម្បីពិភាក្សាអំពីការបន្តពង្រីកកិច្ចសហប្រតិបត្តិការទ្វេភាគីលើវិស័យឧស្សាហកម្មបច្ចេកវិទ្យាជាន់ខ្ពស់ នវានុវត្តន៍ និងការស្រាវជ្រាវវិទ្យាសាស្ត្រ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content