សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្នាំ២០២៣ គឺជាឆ្នាំដែលកម្ពុជានឹងក្លាយជាម្ចាស់ផ្ទះប្រារព្ធរៀបចំកីឡា SEA Game លើកទី៣២ ដូច្នេះហើយ កម្ពុជាមានរឿងជាច្រើនសម្រាប់ត្រៀមចាប់យកឱកាសល្អពីព្រឹត្តិការណ៍នេះដើម្បីទាញយកប្រយោជន៍ដល់សេដ្ឋកិច្ចក្នុងស្រុក។ ទន្ទឹមនឹងនេះ វិស័យកសិកម្មគឺជាវិស័យឈានមុខគេមួយផងដែរ ដែលត្រូវគិតគូរ ខណៈដែលកម្ពុជាមានការនាំចេញផលិតផលពីវិស័យនេះក្នុងបរិមាណច្រើន បើធៀបទៅនឹងវិស័យផ្សេងទៀត។
អ្នកជំនាញកសិកម្ម ឯកឧត្តមបណ្ឌិត សួង ណយ បានមើលឃើញពីចំណុចប្រសើររបស់កម្ពុជា និងរំពឹងថាកម្ពុជាអាចផ្សព្វផ្សាយបន្ថែមទៀតអំពីសក្ដានុពលនៃវិស័យកសិកម្ម។ ប៉ុន្តែយ៉ាងណា លោកក៏បានមើលឃើញអំពីចំណុចមួយចំនួនទៀត ដែលប្រជាកសិករគួរតែកែតម្រូវ ដើម្បីលើកមុខមាត់កម្ពុជាក្នុងពេលមានភ្ញៀវអន្តរជាតិចូលមកទស្សនា។
លោកបណ្ឌិតបានមានប្រសាសន៍ថា ៖
“ខ្ញុំលើកទឹកចិត្តដល់កសិករឱ្យបង្កើនសមត្ថិភាពក្នុងការផលិត បង្កើនគុណភាពផលិតផលកសិកម្ម សម្រាប់ទទួលភ្ញៀវអន្តរជាតិ ដោយចៀសវាងការបន្លំទទួលយកផលិតផលក្រៅស្រុកមកតាំងបង្ហាញក្លែងថាជាផលិតផលក្នុងស្រុក ព្រោះនេះជាពេលវេលាដើម្បីទាញចំណាប់អារម្មណ៍ពីពិភពលោក តាមរយៈការបង្ហាញនូវអ្វីដែលជារបស់យើងពិតប្រាកដ”
លោកបណ្ឌិតបន្តទៀតថា ៖
“សម័យនេះជាសម័យឌីជីថល ដែលមនុស្សអាចទំនាក់ទំនងគ្នាបានកាន់តែលឿន និងងាយស្រួល ដូច្នេះហើយ ប្រជាជនទាំងមូល ជាពិសេសអ្នកបម្រើសេវាកម្ម គួរគិតគូរធ្វើយ៉ាងណាឱ្យគេចាកចេញដោយការពេញចិត្ត។ ពេញចិត្តទាំងលើសេវាកម្ម និងឥរិបទនៃការស្វាគមន៍ ជាពិសេសគឺភាពស្មោះត្រង់តែម្ដង”
យ៉ាងណាមិញ លោកបណ្ឌិតក៏បានក្រើនរំលឹកបន្ថែមទៅដល់ប្រជាកសិករ ឱ្យពង្រឹងគុណភាពក្នុងការផលិត យកចិត្តទុកដាក់ទៅលើការដាំដុះដែលត្រូវតាមស្តង់ដារ ដើម្បីអាចទទួលបានផលិតផលដែលល្អ ប្រកបដោយគុណភាពសម្រាប់ស្វាគមន៍ភ្ញៀវទេសចរ។ គួររំលឹកថា នាឱកាសពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩ ដំណាក់កាលទី១ (២០២០-២០២១) កាលពីថ្ងៃទី ១៤កក្កដាកន្លងទៅ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើឱ្យយកព្រឹត្តិការណ៍កីឡាទេសចរណ៍ដ៏ធំនេះដាក់ចេញជាយុទ្ធនាការ «ទស្សនាកម្ពុជាឆ្នាំ២០២៣» ដើម្បីបង្កើនការផ្សព្វផ្សាយទេសចរណ៍កម្ពុជា។ សម្ដេចក៏បានអំពាវនាវដល់ក្រសួងពាក់ព័ន្ធ និងប្រជាពលរដ្ឋចូលរួមក្នុងយុទ្ធនាការ «កម្ពុជាស្អាត និងទីក្រុងស្អាត រម្យណីយដ្ឋានស្អាត សេវាល្អ និងបដិសណ្ឋាកិច្ចល្អ» ដើម្បីលើកកម្ពស់មុខមាត់របស់កម្ពុជាផង និងអបអរសាទរការរៀបចំព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content