សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការអភិវឌ្ឍផ្សារទំនើបនៅប៉ែកខាងត្បូងរាជធានីភ្នំពេញនាពេលបច្ចុប្បន្ននេះត្រូវបានអ្នកជំនាញមើលឃើញថាកំពុងមានសកម្មភាពយ៉ាងមមាញឹក ដោយគម្រោងផ្សារទំនើបខ្លះមានទំហំធំតម្លៃរាប់សិបលានដុល្លារ ហើយផ្សរទំនើបខ្លះមានលក្ខណៈជាសហគមន៍មិនជាង៣គម្រោងនោះទេ ដែលគ្រោងនឹងដាក់ឲ្យដំណើរការនៅពេលខាងមុខឆាប់ៗនេះ។
អ្នកស្រី អាន សុធីតា អគ្គនាយិកាក្រុមហ៊ុន PropNex Cambodia បានមានប្រសាសន៍ប្រាប់ AMS នៅថ្ងៃទី២៨ ខែកក្កដា ២០២២នេះឱ្យដឹងថា ការផ្គត់ផ្គង់ផ្សារទំនើបមានចំនួនច្រើនក៏អាស្រ័យដោយសារតែមានតម្រូវការច្រើន ប៉ុន្តែសម្រាប់ខណ្ឌមានជ័យ គេសង្កេតឃើញមានផ្សារទំនើបធំៗរហូតដល់ទៅ៣ទីតាំង ដោយក្នុងនោះរួមមានគម្រោងផ្សារទំនើបជីបម៉ុង ផ្សារទំនើប AEON 3 និងគម្រោងផ្សារទំនើបប៉េងហួត ហើយក្រោយពេលផ្សារទំនើបទាំង៣នេះដាក់ដំណើរការ នឹងធ្វើឱ្យការផ្គត់ផ្គង់លើសពីតម្រូវការ។
អ្នកស្រីបញ្ជាក់ថា ៖
“តាមពិតទៅសម័យឌីជីថលនេះ មានមនុស្សជាច្រើនមិនសូវជាលក់ ឬដាក់តាំងផលិតផលរបស់ខ្លួននៅតាមបណ្ដាតូបតាមផ្សារនោះទេ តែមួយចំនួនធំបានដាក់លក់ទំនិញរបស់ខ្លួនតាមអនឡាញ និងអាចលក់ដាច់ខ្លាំងជាងការលក់នៅតាមតូបតាមផ្សារទៀតផង ដូច្នេះការអភិវឌ្ឍផ្សារទំនើបអាចជាបញ្ហាប្រឈម នឹងធ្វើឱ្យអ្នកអភិវឌ្ឍន៍ផ្សារមួយចំនួនពន្យារពេលអភិវឌ្ឍន៍ ឬក៏ធ្វើឱ្យផ្សារមួយចំនួនត្រូវអសកម្ម”
អ្នកស្រី អាន សុធីតា បានបន្ថែមថា ដោយសារតែអំណាចនៃការទិញដូរនៅក្នុងប្រទេសកម្ពុជារបស់យើងនៅមានកម្រិត បើធៀបនឹងបណ្ដាប្រទេសជិតខាងក៏ដូចជាក្នុងតំបន់អាស៊ាន ការអភិវឌ្ឍផ្សារទំនើបគួរតែផ្អាកត្រឹមនេះសិន ដោយរង់ចាំមើលស្ថានភាពតម្រូវការ និងកំណើនប្រជាពលរដ្ឋបន្ថែមទៀត ហើយធ្វើយ៉ាងណាឱ្យផ្សារដែលមានស្រាប់នេះមានដំណើរការឡើងវិញ ឬមានសកម្មភាពកាន់តែខ្លាំង ។
អ្នកនាង ជិន ច័ន្ទដាលុច្ស អ្នកគ្រប់គ្រងការវាយតម្លៃនៃក្រុមហ៊ុនអចលនទ្រព្យ CBRE Cambodia បានមានប្រសាសន៍ថា សម្រាប់ផ្សារទំនើបនៅក្នុងប្រទេសកម្ពុជាមកដល់ពេលនេះ អាចនិយាយបានថាវាគ្រប់គ្រាន់ហើយ។ សម្រាប់គម្រោងអភិវឌ្ឍន៍ផ្សារដែលបានចាប់ផ្ដើមសាងសង់នាពេលកន្លងមក អាចបន្តដល់ចប់ និងដំណើរ តែសម្រាប់គម្រោងមិនទាន់សាងសង់គួរផ្អាកសិន ពីព្រោះថានៅភ្នំពេញមានផ្សារទំនើបច្រើនបូករួមជាមួយផ្សារម៉ាតតូចៗជាច្រើនទៀត ទាំងផ្សារម៉ាតក្នុងស្រុក និងផ្សារម៉ាតមកពីបរទេស។
គួរកត់សម្គាល់ផងដែរថា បច្ចុប្បន្ននេះ ផ្សារទំនើបដែលល្បីល្បាញមួយចំនួន និងមានការគាំទ្រកាលពីជាងមួយទសវត្សរ៍មុន ហាក់មានសកម្មភាពថមថយកាន់តែខ្លាំងឡើងពីមួយឆ្នាំទៅមួយឆ្នាំ និងមានផ្សារទំនើបខ្លះទៀតផ្អាកសកម្មភាពស្ទើរទាំងស្រុង ដូចជា ផ្សារទំនើបសុវណ្ណា ផ្សារទំនើបផារ៉ាហ្គន សូរិយាម៉ល ស៊ីធីម៉ល រតនាផ្លាហ្សា និងផ្សារទំនើបខ្នាតតូចមួយចំនួនទៀត នៅកណ្ដាលរាជធានីភ្នំពេញបានបិទទ្វារផងដែរ។ ទោះជាយ៉ាងណាក្ដី ការបិទទ្វារផ្សារទំនើបទាំងនេះ ក៏ជំនួសមកវិញនូវផ្សារទំនើបថ្មីៗក្រោមការវិនិយោគរបស់បរទេស ឬផ្សារទំនើបម៉ាកយីហោបរទេសដូចជាផ្សារអ៊ីអន ផ្សារម៉ាក្រូ និងផ្សារគ្លូបលហោស៍ជាដើម ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content