សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា វិស័យកសិកម្មរបស់សហភាពអឺរ៉ុបបានខាតបង់រាប់ពាន់លានអឺរ៉ូ ដែលជាលទ្ធផលនៃសេរីភាវូបនីយកម្មផ្នែកពាណិជ្ជកម្មជាមួយអ៊ុយក្រែន។
កាលពីថ្ងៃដើមសប្ដាហ៍កន្លងទៅនេះ គណៈកម្មការកសិកម្មអឺរ៉ុប លោក Janusz Wojciechowski បានប្រកាសថា វិស័យកសិកម្មរបស់សហភាពអឺរ៉ុបបានខាតបង់ចំនួន ១៩ ពាន់លានអឺរ៉ូ (២០,៦ ពាន់លានដុល្លារ) នៅចន្លោះឆ្នាំ២០២២ និងឆ្នាំ២០២៣ ដោយសារការធ្វើពាណិជ្ជកម្មសេរីជាមួយអ៊ុយក្រែន។ កាលពីឆ្នាំ២០២២ សមាជិកនៃប្លុកនេះបានដកពន្ធ និងកូតាសម្រាប់កសិផលអ៊ុយក្រែន ដើម្បីអាចឱ្យស្បៀងអាហាររបស់អ៊ុយក្រែន ដែលភាគច្រើនជាគ្រាប់ធញ្ញជាតិចែកចាយបន្តទៅកាន់ទីផ្សារពិភពលោក។ ទោះជាយ៉ាងណាក្តី ការផ្គត់ផ្គង់ភាគច្រើនបានជាប់គាំងនៅក្នុងបណ្តាប្រទេសអឺរ៉ុបខាងកើត ដែលបង្កគ្រោះថ្នាក់ដល់ជីវភាពរបស់កសិករក្នុងស្រុក។
ថ្លែងនៅក្នុងកិច្ចប្រជុំរដ្ឋមន្ត្រីក្រសួងកសិកម្មរបស់សហភាពអឺរ៉ុបនៅទីក្រុងប្រ៊ូសែល លោក Wojciechowski បានលើកឡើងពី ស្ថិតិដែលបង្ហាញពីតុល្យភាពពាណិជ្ជកម្មរួមរវាងអ៊ុយក្រែន និងប្លុកដែលមានភាពវិជ្ជមានកាលពីពីរឆ្នាំមុន ដែលនាំមកនូវប្រាក់ចំណូលដល់សេដ្ឋកិច្ចសហភាពអឺរ៉ុបចំនួន ១៩ ពាន់លានអឺរ៉ូ។ កំឡុងពេលនោះ ការនាំចេញសរុបពីសហភាពអឺរ៉ុបទៅអ៊ុយក្រែនមានចំនួនសរុប ៦៩ ពាន់លានអឺរ៉ូ ខណៈដែលការនាំចូលទៅកាន់ប្លុកមានចំនួន ៥០ ពាន់លានអឺរ៉ូ។
យ៉ាងណាមិញ នៅក្នុងវិស័យកសិកម្មរបស់សហភាពអឺរ៉ុបបានចាប់ផ្តើមខាតបង់ដោយសារផលិតផលអ៊ុយក្រែនដែលមានតំលៃថោក ដែលបានធ្វើឱ្យកសិករសហភាពអឺរ៉ុបតស៊ូប្រឆាំងថាជាការប្រកួតប្រជែងមិនយុត្តិធម៌។ លើសពីនេះ ប្លុកនេះបានបាត់បង់រាប់ពាន់លានអឹរូនៅឆ្នាំចន្លោះ ឆ្នាំ២០២២-២០២៣ ដោយការនាំចេញទៅអ៊ុយក្រែនបានធ្លាក់ចុះត្រឹម ៦ ពាន់លានអឺរ៉ូ និងការនាំចូលពីអ៊ុយក្រែនមានធ្លាក់ចុះត្រឹម ២៥ ពាន់លានអឺរ៉ូ។ កាលពីដំបូង ការនាំចេញរបស់អ៊ុយក្រែនគឺមានបំណងបញ្ជូនបន្តទៅកាន់អាស៊ី អាហ្វ្រិក និងមជ្ឈិមបូព៌ា ដើម្បីបង្វែរលំហូរទៅកាន់ទីផ្សារទាំងនេះ។
កាលពីខែកញ្ញាកន្លងទៅនេះ ភាពតានតឹងក្នុងវិស័យកសិកម្មជាពិសេសកសិកររបស់សហភាពអឺរ៉ុបបានកើតឡើង នៅពេលដែលក្រុងប្រ៊ូសែលបានបដិសេធមិនបន្តការរឹតបន្តឹង។ យ៉ាងណាមិញ ប្រទេសប៉ូឡូញបានជំទាស់នឹងការសម្រេចចិត្តនេះ ហើយបានរក្សាការហាមឃាត់របស់ខ្លួនលើការនាំចូលគ្រាប់ធញ្ញជាតិរបស់អ៊ុយក្រែន ប៉ុន្តែនៅតែអនុញ្ញាតឱ្យមានការដឹកទំនិញឆ្លងកាត់ប្រទេសនេះ។ កសិករដែលតវ៉ានិយាយថា ការដឹកទំនិញអ៊ុយក្រែណនៅតែត្រូវបានបង្វែរចូលទីផ្សារក្នុងស្រុក ដោយសារតែអ្នកផលិតអ៊ុយក្រែនមិនចាំបាច់គោរពតាមច្បាប់របស់សហភាពអឺរ៉ុប ធ្វើឲ្យផលិតផលរបស់ពួកគេមានតម្លៃថោកជាង។ ឥឡូវនេះ ការនាំចូលពីប្រទេសជិតខាងត្រូវបានហាមឃាត់ដោយប៉ូឡូញ និងសមាជិកសហភាពអឺរ៉ុបផ្សេងទៀត ដោយសារតែអស្ថិរភាពនៅទីផ្សារអឺរ៉ុបខាងកើត៕
Account
Security
Favourite Content