សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញតាមរយៈការលើកកម្ពស់គុណភាព ការជំរុញផលិតកម្ម និងផលិតភាព។ អាជីវកម្មមួយចំនួននៅតែយល់ថាស្តង់ដារជាបន្ទុក ដូច្នេះ បេសកកម្មរបស់ក្រុមប្រឹក្សាគឺត្រូវអភិវឌ្ឍស្តង់ដារជាតិសំខាន់ៗឱ្យបានច្រើន ដើម្បីគាំទ្រផលិតផលកម្ពុជា។ នេះជាការលើកឡើងរបស់ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងជាប្រធានក្រុមប្រឹក្សាស្តង់ដារជាតិនៅក្នុងកិច្ចប្រជុំលើកទី២៨ របស់ក្រុមប្រឹក្សាស្តង់ដារជាតិ នៅថ្ងៃទី១៥ ខែកក្កដា ឆ្នាំ២០២៤។
សូមបញ្ជាក់ថា៖ កិច្ចប្រជុំរបស់ក្រុមប្រឹក្សាស្តង់ដារជាតិនេះបានផ្តោតលើតួនាទីដ៏សំខាន់នៃស្តង់ដារជាតិ ជំរុញការនាំចេញ និងភាពប្រកួតប្រជែងពាណិជ្ជកម្មសកលនៃផលិតផលកម្ពុជា។ កិច្ចប្រជុំនេះក៏បង្ហាញពីការយកចិត្តទុកដាក់ជាយុទ្ធសាស្ត្ររបស់រាជរដ្ឋាភិបាលក្នុងការបង្កើតក្របខ័ណ្ឌគាំទ្រដ៏ទូលំទូលាយសំដៅធ្វើយ៉ាងណាឱ្យស្តង់ដារនីយកម្មអាចជំរុញកំណើនសម្រាប់កម្ពុជាទាំងនៅទីផ្សារក្នុងស្រុក និងអន្តរជាតិ។
ឯកឧត្តម ហែម វណ្ណឌី បានលើកទឹកចិត្តឱ្យគណៈកម្មាធិការតាមវិស័យកំណត់គោលដៅអភិវឌ្ឍន៍ស្តង់ដារ ដោយធ្វើអាទិភាវូបនីយកម្ម ឬការរៀបតាមលំដាប់លំដោយនៃសេចក្តីត្រូវការសេដ្ឋកិច្ចក្នុងវិស័យនីមួយៗ។ ទន្ទឹមនឹងកិច្ចពិភាក្សាអំពីវិធានផ្ទៃក្នុង, ដំណើរការនៃការអភិវឌ្ឍស្តង់ដារ, និងសមិទ្ធផលឆ្នាំ២០២៣, ក្រុមប្រឹក្សាស្តង់ដារជាតិ ក៏បានពិនិត្យអនុម័តសេចក្តីព្រាងស្តង់ដារសម្រាប់ស្រាអង្ករផងដែរ។ នេះជាកិច្ចខិតខំប្រឹងប្រែងបន្តរបស់ក្រុមប្រឹក្សា ក្នុងការលើកកម្ពស់គុណភាព និងការស្វែងរកទីផ្សារសម្រាប់ផលិតផលកម្ពុជា។
ឯកឧត្តមរដ្ឋមន្ត្រី បានលើកឡើងថា វិទ្យាស្ថានជាតិស្តង់ដារ គឺជាស្ថាប័នសម្របសម្រួល និងជាលេខាធិការដ្ឋានរបស់ក្រុមប្រឹក្សាស្តង់ដារជាតិ តែក្របខ័ណ្ឌកិច្ចសហការនៃក្រុមប្រឹក្សាស្តង់ដារជាតិ ដែលរួមមានគណៈកម្មាធិការតាមវិស័យ ពិតជាមានសារៈសំខាន់ណាស់។ ការរីកចម្រើនរបស់យើងក្នុងការអភិវឌ្ឍស្តង់ដារជាតិ ពឹងផ្អែកលើការរួមចំណែករបស់គណៈកម្មាធិការតាមក្រសួង-ស្ថាប័នពាក់ព័ន្ធទាំងអស់៕
Account
Security
Favourite Content